Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'ആർ.എസ്​.എസ്​...

'ആർ.എസ്​.എസ്​ ശിങ്കിടിയായ അണ്ണാ ഹസാരെ ആറു വർഷത്തിനുശേഷം ഉറക്കമുണർന്നിരിക്കുന്നു'

text_fields
bookmark_border
Anna Hazare
cancel
camera_alt

അണ്ണാ ഹസാരെ

ന്യൂഡൽഹി: കർഷക സമരത്തിന്​ പിന്തുണയുമായി പൊടുന്നനെ പ്രത്യക്ഷപ്പെട്ട സാമൂഹിക പ്രവർത്തകൻ അണ്ണാ ഹസാരെ​യെ വിമർശിച്ചും ട്രോളിയും നിരവധി പേർ രംഗത്തെത്തി. സാമൂഹിക മാധ്യമങ്ങളിലാണ്​ വിമർശനങ്ങളുടെ പെരുമഴ. ബി.ജെ.പി-ആർ.എസ്​.എസ്​ ടീമിനുവേണ്ടി രഹസ്യ അജണ്ടയുമായി നടക്കുന്നയാളാണ്​ അണ്ണാ ഹസാരെയെന്നും ഏറെ ആവേശത്തോടെ കർഷകർ നടത്തുന്ന സമരത്തിലേക്ക്​ അദ്ദേഹത്തെ ആനയിക്കരുതെന്നും പലരും ഓർമിപ്പിക്കുന്നു. സമരം പൊളിക്കാൻ അണ്ണാ ഹസാരെയെ സംഘ്​പരിവാർ രംഗത്തിറക്കിയതാണെന്നും സൂക്ഷിക്കണമെന്നും മുന്നറിയിപ്പു നൽകുന്നവരുമുണ്ട്​.

മുമ്പ്​ യു.പി.എ സർക്കാറി​െൻറ കാലത്ത്​ അഴിമതിക്കെതിരെ അരവിന്ദ്​ കെജ്​രിവാളുമൊത്ത്​ ഡൽഹി രാംലീല മൈതാനിയിൽ നടത്തിയ പ്ര​േക്ഷാഭം​ ബി.ജെ.പിക്ക്​​ അധികാരത്തിൽ കയറാനുള്ള വഴിയൊരുക്കുന്നതിനായിരുന്നുവെന്ന വിലയിരുത്തൽ പിന്നീട്​ സജീവമായിരുന്നു. ബി.ജെ.പി അധികാരത്തിലെത്തിയശേഷം പിന്നീട്​ സമരപരിപാടികളുമായി അണ്ണാ ഹസാരെയെ എവിടെയും കണ്ടിരുന്നുമില്ല. കർഷക സമരത്തിന്​ രാജ്യമെങ്ങും നിറഞ്ഞ ജനപിന്തുണ ലഭിക്കുന്നുവെന്നതിനാൽ ഹസാരെ അവസരം മുതലെടുത്ത്​ വീണ്ടും രംഗത്തുവരികയാണെന്നാണ്​ ഇപ്പോഴുയരുന്ന വിമർശനം. ആറു വർഷത്തെ ഉറക്കമുണർന്ന്​ അദ്ദേഹം വീണ്ടുമെത്തുന്ന പരിഹാസമാണ്​ മിക്കവരും ഉയർത്തുന്നത്​.


'ഏറ്റവു​ം വെറുക്കപ്പെടേണ്ട ആർ.എസ്​.എസ്​ ഉൽപന്നമാണ്​ അണ്ണാ ഹസാരെ' എന്ന്​ പ്രമുഖ പത്രപ്രവർത്തകയും എഴുത്തുകാരിയും കോളമിസ്​റ്റുമായ സ്വാതി ചതുർവേദി ട്വിറ്ററിൽ കുറിച്ചു. 'ആർ.എസ്​.എസ്​ ശിങ്കിടിയായ അണ്ണാ ഹസാരെ ആറ​ു വർഷത്തിനുശേഷം ഉറക്കമുണർന്നിരിക്കുന്നു' എന്നായിരുന്നു ഒരു ട്വീറ്റിലെ പരിഹാസം. 'അണ്ണാ ഹസാരെ ഉറക്കത്തിൽനിന്ന്​ എഴു​ന്നേറ്റിരിക്കുന്നു. ഇയാളെ സൂക്ഷിക്കണം. നാഗ്​പൂരിലെ കാവിക്കാർക്കുവേണ്ടി കർഷക സമരത്തെ ഇദ്ദേഹം അട്ടിമറിക്കും.'-​േബ്ലാഗറായ അനുരാഗി​െൻറ ട്വീറ്റ്​ ഇങ്ങനെയായിരുന്നു.

'അണ്ണാ ഹസാരെ ത​െൻറ ഫാംഹൗസിൽതന്നെ തുടരുന്നതാണ്​ നല്ലത്​. അദ്ദേഹത്തി​െൻറ ഇടപെടൽ കർഷക മുന്നേറ്റത്തെ ദുർബലപ്പെടു​ത്താനേ ഉപകരിക്കൂ. ഇത്​ സംഘ്​ പരിവാറി​െൻറ കു​രുട്ടുബുദ്ധിയാണ്​. നേരത്തേ ലോക്​പാൽ സമരത്തിലെന്നപോലെ ഇയാളെ തങ്ങളുടെ അജണ്ട നടപ്പാക്കാനുള്ള പിണിയാളായി ഉപയോഗിക്കുകയാണ്​.' -മാധ്യമപ്രവർത്തകനായ പവ്​നീത്​ സിങ്​ ഛദ്ദ കുറിച്ചു.


'ചൂടുള്ള വാർത്ത: രാജ്യത്തെ അഴിമതിക്കെതിരെ താൻ കുരിശുയുദ്ധവുമായി രംത്തുവരുമെന്ന്​ അണ്ണാ ഹസാരെ പ്രഖ്യാപിച്ചിരിക്കുന്നു. പക്ഷേ, ഒരു നിബന്ധനയുണ്ടെന്ന്​ മാത്രം-കേന്ദ്രത്തിൽ കോൺഗ്രസ്​ സർക്കാരായിരിക്കണം' -ഒരു ട്വീറ്റിൽ ഇങ്ങനെ കുറിച്ചു. 'ഇന്ത്യക്ക്​ അഭിനന്ദനങ്ങൾ​, അണ്ണാ ഹസാരെ കർഷകർക്ക്​ പിന്തുണയുമായി പ്രതിഷേധ രംഗത്തിറങ്ങിയിരിക്കുന്നു. വൈകാതെ അദ്ദേഹം, രണ്ടാമത്തെ കെജ്​രിവാളിനെ നമുക്ക്​ സംഭാവന ചെയ്യും' -മ​െറ്റാരു ട്വീറ്റ്​ ഇങ്ങനെയായിരുന്നു.

'അണ്ണാ ഹസാരെയെ ആർക്കു​ം വിലക്കു വാങ്ങാനാവില്ല. അദ്ദേഹം വായ്​പാടിസ്​ഥാനത്തിൽ മാത്രം ലഭ്യമാകുന്നതാണ്​.' -ഒരാൾ പരിഹസിച്ചതിങ്ങനെ. 'അണ്ണാ ഹസാരെയെ വിശ്വസിക്കരുത്​. അയാൾ ബി.ജെ.പി-ആർ.എസ്​.എസ്​ ടീമി​െൻറ നിർദേശങ്ങൾക്കനുസരിച്ച്​ ആടിക്കളിക്കുന്ന യന്ത്രപ്പാവയാണ്​' -സാമൂഹിക പ്രവർത്തകനായ ചിനു മഹാപാത്ര ട്വീറ്റിൽ ചൂണ്ടിക്കാട്ടി.


'അണ്ണാ ഹസാരെ ഇപ്പോൾ ഡൽഹിയിൽ വന്നതിൽ ഖേദിക്കുന്നുണ്ടാകും. പണ്ട്​ അദ്ദേഹത്തി​െൻറ അനുയായികൾ ഇന്ന്​ അവിടുത്തെ നേതാക്കന്മാരാണ്​. പഴയ ലീഡർക്ക്​ ഇന്ന്​​ പ്രസക്​തിയൊന്നുമില്ലാതായി.' -മറ്റൊരു ട്വീറ്റിലുണ്ടായിരുന്നത്​ ഇതായിരുന്നു. ഫാഷിസ്​റ്റുകൾ അധികാരത്തിലേറിയതി​െൻറ കാരണക്കാർ അണ്ണാ ഹസാരെയും അരവിന്ദ്​ കെജ്​രിവാളുമാണെന്ന്​ മറ്റൊരു ട്വീറ്റിൽ ഒരാൾ കുറ്റപ്പെടുത്തി.





Show Full Article
TAGS:Anna Hazare Farmers Protest Delhi chalo RSS-BJP 
Next Story