മുത്തലാഖ് ബിൽ: രാജ്യസഭയിൽ ബഹളം; നടപടികൾ നിർത്തിവെച്ചു

ന്യൂഡൽഹി: മുത്തലാഖ് ബിൽ അടക്കം വിവിധ വിഷയങ്ങളിൽ രാജ്യസഭയിൽ പ്രതിപക്ഷ എം.പിമാരുടെ ബഹളത്തെ തുടർന്ന് സഭാ നടപടിക ൾ ഉച്ചക്ക് രണ്ടു മണിവരെ നിർത്തിവെച്ചു. കാവേരി വിഷയത്തിലാണ് അണ്ണാ ഡി.എം.കെ എം.പിമാർ ബഹളം വെച്ച് സഭയുെട നടുത്തളത് തിൽ ഇറങ്ങിയത്.

രണ്ട് മണിക്ക് സഭാ നടപടികൾ പുനരാരംഭിക്കുമ്പോൾ മുത്തലാഖ് വിരുദ്ധ ഒാർഡിനൻസിനെതിരെ കോൺഗ്രസ് എ ം.പി ടി. സുബ്ബരാമ റെഡ്ഡി നൽകിയ പ്രമേയം വോട്ടിനിടാൻ പ്രതിപക്ഷം ആവശ്യപ്പെടും. മുത്തലാഖ് ബിൽ സെലക്ട് കമ്മിറ്റി വിടണമെന്ന മറ്റൊരു പ്രമേയവും കോൺഗ്രസ് സഭയിൽ അവതരിപ്പിക്കും. ബില്ലിനെതിരെ 117 എം.പിമാരുടെ പിന്തുണ പ്രതിപക്ഷം ഉറപ്പിച്ചിട്ടുണ്ട്.

അണ്ണാ ഡി.എം.കെയെ ഉപയോഗിച്ച് സർക്കാർ സഭ തടസപ്പെടുത്തുന്നുവെന്ന് കോൺഗ്രസ് ആരോപിച്ചു. ബഹളങ്ങളുടെ ഉത്തരവാദിത്തം പ്രതിപക്ഷത്തിന്‍റെ തലയിൽ കെട്ടിവെക്കരുതെന്നും ഗുലാം നബി ആസാദ് പറഞ്ഞു.

അതേസമയം, നടുത്തളത്തിൽ ഇറങ്ങി ബില്ലിനെ എതിർക്കാനാണ് അണ്ണാ ഡി.എം.കെയും നീക്കം. മുത്തലാഖ് ബില്ലിനെ എതിർക്കുന്നതായി അണ്ണാ ഡി.എം.കെ േനതാവും ലോക്സഭാ ഡെപ്യൂട്ടി സ്പീക്കറുമായ എം. തമ്പിദുരൈ പറഞ്ഞു. മതകാര്യങ്ങളിൽ മോദി സർക്കാർ ഇടപെടരുതെന്നും അദ്ദേഹം ആവശ്യപ്പെട്ടു.

അതേസമയം, രാ​ജ്യ​സ​ഭ​യി​ൽ അ​വ​ത​രി​പ്പിക്കാനിരിക്കുന്ന മു​ത്ത​ലാ​ഖ് ബി​ല്ലിനെ എതിർക്കാൻ കോൺഗ്രസിന്‍റെ നേതൃത്വത്തിൽ രാവിലെ ചേർന്ന പ്രതിപക്ഷ പാർട്ടികളുടെ യോഗത്തിൽ ധാരണയായി. സി.പി.എം, സി.പി.ഐ, ആർ.എസ്.പി, മുസ് ലിം ലീഗ്, കേരളാ കോൺഗ്രസ് എം അടക്കമുള്ള പാർട്ടികളുടെ പ്രതിനിധികൾ പങ്കെടുത്തു. രാ​ജ്യ​സ​ഭ​യി​ലെ കോ​ൺ​ഗ്ര​സ് നിയമസഭാ കക്ഷി നേ​താ​വ് ഗു​ലാം​ന​ബി ആ​സാ​ദി​​​​​​​​​െൻറ നേ​തൃ​ത്വ​ത്തി​ലായിരുന്നു യോ​ഗം.

244 അം​ഗ​ങ്ങ​ളു​ള്ള രാ​ജ്യ​സ​ഭ​യി​ൽ ഭ​ര​ണ​പ​ക്ഷ​മായ ബി.ജെ.പിക്ക് വ്യ​ക്ത​മാ​യ ഭൂ​രി​പ​ക്ഷ​മി​ല്ല. ത​ങ്ങ​ൾ​ക്ക്​ അ​നു​കൂ​ല​മാ​യി നി​ൽ​ക്കു​ന്ന എ.​െ​എ.​ഡി.​എം.​കെ അം​ഗ​ങ്ങ​ൾ മുത്തലാഖ് ബില്ലിനെ എതിർത്തത് കേന്ദ്ര സ​ർ​​ക്കാ​റി​ന്​ തി​രി​ച്ച​ടി​യാ​ണ്. സഭയിൽ ഹാ​ജ​രാ​ക​ണ​മെ​ന്ന്​ കാ​ണി​ച്ച്​ ബി.​ജെ.​പി​യും കോ​ൺ​ഗ്ര​സും അം​ഗ​ങ്ങ​ൾ​ക്ക് വി​പ്പ് ന​ൽ​കി​യി​ട്ടു​ണ്ട്. ബിൽ പരിഗണനക്ക് വരുമ്പോൾ രാജ്യസഭ‍ ബഹിഷ്കരിക്കാനാണ് സമാജ് വാദി പാർട്ടിയും തെലങ്കാന രാഷ്ട്ര സമിതിയും തീരുമാനിച്ചിട്ടുള്ളത്.

മു​ത്ത​ലാ​ഖ് ക്രി​മി​ന​ൽ കു​റ്റ​മാ​ക്കു​ന്ന ബി​ൽ ലോ​ക്സ​ഭ 11നെ​തി​രെ 245 വോ​ട്ടി​നാ​ണ് പാ​സാ​ക്കി​യ​ത്. രാജ്യസഭയിൽ ബി​ല്ല് പാ​സാ​ക്കാ​ൻ സാധിച്ചി​ല്ലെ​ങ്കി​ൽ സ​ർ​ക്കാർ​ വീ​ണ്ടും ഓ‌​ർ​ഡി​ന​ൻ​സ് ഇ​റ​ക്കിയേക്കും.