ദുർഗപൂജയുടെ പന്തൽ സന്ദർശിച്ചു; നുസ്രത്ത്​ ജഹാനെതിരെ കോടതിയലക്ഷ്യ പരാതി

കൊൽക്കത്ത: ദുർഗ പൂജയുടെ പന്തൽ സന്ദർശിച്ചതിന്​ തൃണമൂൽ എം.പി നുസ്രത്ത്​ ജഹാനെതിരെ കോടതിയലക്ഷ്യ പരാതിയുമായി അഭിഭാഷകൻ. കോടതി നിർദേശങ്ങൾ പാലിക്കാതൊയണ്​ കോവിഡിനി​ടയിലെ നുസ്രത്തി​െൻറ പന്തൽ സന്ദർശനമെന്ന്​ അഭിഭാഷകനായ സഭ്യസാചി ചാറ്റർജി പരാതിയിൽ ചൂണ്ടിക്കാട്ടുന്നു. കോടതിയുടെ അവധിക്കാല ബെഞ്ച്​ കേസ്​ പരിഗണിക്കുമെന്നാണ്​ റിപ്പോർട്ട്​.

കോടതി ഉത്തരവ്​ ലംഘിച്ചാണ്​ തൃണമൂൽ എം.പി ദുർഗപൂജയുടെ പന്തലിലെത്തിയത്​. ഹൈകോടതി ഉത്തരവ്​ എം.പി തന്നെ ലംഘിക്കുന്നത്​ കോടതയലക്ഷ്യമാണ്​. എം.പിയെന്ന പരാതി ദുരുപയോഗം ചെയ്​താണ്​ നുസ്രത്ത്​ പന്തലിലെത്തിയത്​. എം.പിക്കെതിരെ നോട്ടീസയച്ചിട്ടുണ്ടെന്നും അഭിഭാഷകൻ അറിയിച്ചു.

കോവിഡി​െൻറ പശ്​ചാത്തലത്തിൽ ദുർഗ പൂജയുടെ പന്തലുകളിൽ പൊതുജനങ്ങൾക്ക്​ പ്രവേശനം അനുവദിച്ചിരുന്നില്ല. സംഘാടകർക്ക്​ മാത്രമാണ്​ പന്തലുകളിൽ നിൽക്കാൻ അനുമതി നൽകിയിരുന്നത്​. കർശന വ്യവസ്ഥകളോടെയായിരുന്നു സംഘാടകരെ പോലും പന്തലിൽ അനുവദിച്ചത്​.