​മാധ്യമങ്ങൾക്ക്​ മുന്നിൽ ബി.ജെ.പി പ്രവർത്തകക്ക്​ തൃണമൂൽ നേതാക്കളുടെ മർദനം

കൊൽക്കത്ത: പ്രതിഷേധ റാലിക്കിടെ മാധ്യമങ്ങൾക്ക്​ മുന്നിൽ വെച്ച്​ ബി.ജെ.പി പ്രവർത്തകക്ക്​ തൃണമൂൽ േകാൺഗ്രസ്​ നേതാക്കളുടെ മർദനം. നിലിമ ഡെ സർക്കാറിനാണ്​ മർദനമേറ്റത്​. ഇവരെ രണ്ടു തവണയാണ്​ തൃണമൂൽ പ്രവർത്തകർ വളഞ്ഞിട്ട്​ മർദിച്ചത്​​. തൃണമൂലി​​​െൻറ പ്രാദേശിക നേതാവ്​ അർഷാദ്​ ഉസ്​മാ​​​െൻറ നേതൃത്വത്തിലുളള സംഘമാണ്​ ബി.ജെ.പി പ്രവർത്തകയെ ആക്രമിച്ചത്​.

കൊൽക്കത്തക്ക്​ സമീപം ബരാസതിൽ ബി.ജെ.പിയുടെ ട്രെയിൻ തടയൽ സമരത്തിനിടെയാണ്​ അക്രമം അരങ്ങേറിയത്​. ആദ്യം നിലിമയെ തൃണമൂൽ േകാൺഗ്രസ്​ പ്രവർത്തകർ വടികൊണ്ട്​ അടിച്ച്​ താഴെയിട്ടു. അടികിട്ടിയ ശേഷം നിലിമ ചാനൽ പ്രവർത്തകരോട്​ സംഭവം വിവരിക്കുന്നതിനിടെ സംഘം വീണ്ടും മർദിക്കുകയായിരുന്നു. മാധ്യമപ്രവർത്തകരുടെ മുന്നിൽ വെച്ചായിരുന്നു മർദനം. മൊബൈൽ ക്യാമറയിൽ പകർത്തിയ മർദനത്തി​​​െൻറ ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുന്നുണ്ട്​.

നിലിമക്കെതിരായ ആദ്യ ആക്രമം തടയാൻ പൊലീസുകാരൻ ശ്രമിക്കുന്നതും​ വിഡിയോയിൽ കാണാം. പൊലീസുകാരൻ ഇട​െപട്ടപ്പോൾ അകന്നുപോയ അക്രമികൾ അൽപ്പസമയത്തിനു ശേഷം വീണ്ടുമെത്തി മർദിക്കുകയും തള്ളിത്താഴെ ഇടുകയും ചെയ്യുകയായിരുന്നു.