ഉപതെരഞ്ഞെടുപ്പ്: നാലു സീറ്റിലേക്കുള്ള സ്ഥാനാർഥികളെ പ്രഖ്യാപിച്ച് തൃണമൂൽ

കൊൽക്കത്ത: ബംഗാളിലെ ഭ​വാ​നി​പൂ​ര്‍ അടക്കമുള്ള സീറ്റുകളിലെ തകർപ്പൻ​ വി​ജ​യത്തിന് പിന്നാലെ ഉ​പ​തെ​ര​ഞ്ഞെ​ടു​പ്പ് നടക്കുന്ന നാലു സീറ്റിലേക്കുള്ള സ്ഥാനാർഥികളെ പ്രഖ്യാപിച്ച് തൃണമൂൽ കോൺഗ്രസ്. ദിൻഹാത്ത, ശാന്തിപൂർ, ഖർദാഹ, ഗോസാബ സീറ്റുകളിലെ സ്ഥാനാർഥികളെയാണ് പ്രഖ്യാപിച്ചത്.

ഉദയൻ ഗുഹ (ദിൻഹാത്ത), ബ്രജാകിഷോർ ഗോസ്വാമി (ശാന്തിപൂർ), ശോഭൻദേബ് ചധോപാധ്യായ (ഖർദാഹ), സുബ്രത മണ്ഡൽ (ഗോസാബ) എന്നിവരാണ് സ്ഥാനാർഥികൾ. ഒക്ടോബർ 30നാണ് ഈ മണ്ഡലങ്ങളിൽ ഉപതെരഞ്ഞെടുപ്പ് നടക്കുക.

തൃണമൂൽ എം.എൽ.എമാരായ കാജൽ സിൻഹയും ജയന്ത നസ്കറും കോവിഡ് പിടിപ്പെട്ട് മരിച്ചതും ബി.ജെ.പി നേതാവായ നിതീഷ് പ്രമാണിക് കേന്ദ്രമന്ത്രിയായതും ശാന്തിപൂരിലെ ബി.കെ.പി എം.എൽ.എ ജഗന്നാഥ് സർക്കാർ രാജിവെച്ചതും ആണ് നാലു സീറ്റുകളിൽ ഉപതെരഞ്ഞെടുപ്പിന് വഴിവെച്ചത്.

ഭ​വാ​നി​പൂ​ര്‍ ഉ​പ​തെ​ര​ഞ്ഞെ​ടു​പ്പി​ൽ 58,835 വോ​ട്ടി​​ന്‍റെ റെ​ക്കോ​ഡ്​ ഭൂ​രി​പ​ക്ഷ​ത്തി​ലാണ് മു​ഖ്യ​മ​ന്ത്രി മ​മ​ത ബാ​ന​ര്‍ജി വിജയിച്ചത്. 85,263 വോ​ട്ടാ​ണ്​ മ​മ​ത​ക്ക്​ ല​ഭി​ച്ച​ത്. എതിർ സ്ഥാനാർഥി ബി.ജെ.പിയിലെ പ്രിയങ്ക ടി​ബ്രെ​വാ​ൾ 26,428 വോ​​ട്ട് നേടി. സി.​പി.​എം സ്​​ഥാ​നാ​ർ​ഥി ​ശ്രി​ജി​ബ്​ ബി​ശ്വാ​സി​ന്​ ലഭിച്ചത് 4,226 വോ​ട്ട്. ഭ​വാ​നി​പൂ​രി​ന്​ പു​റ​മെ സം​സ​ർ​ഗ​ഞ്ച്, ജം​ഗി​പ്പൂ​ർ സീറ്റുകളിലും തൃ​ണ​മൂ​ൽ സ്​​ഥാ​നാ​ർ​ഥി​ക​ൾ ബി.​ജെ.​പി​ സ്ഥാനാർഥികളെ തോൽപിച്ചു.

നി​യ​മ​സ​ഭ ​െത​ര​ഞ്ഞെ​ടു​പ്പി​ൽ ന​ന്ദി​ഗ്രാ​മി​ൽ പ​രാ​ജ​യ​പ്പെ​ട്ട മ​മ​ത​ക്ക്​ ഭ​വാ​നി​പൂ​രി​ലെ വി​ജ​യം നി​ർ​ണാ​യ​ക​മാ​യി​രു​ന്നു. ബം​ഗാ​ള്‍ മു​ഖ്യ​മ​ന്ത്രി​യാ​യി തു​ട​രാ​ൻ മ​മ​ത​ക്ക്​ ജ​യം അ​നി​വാ​ര്യ​മാ​യി​രു​ന്നു.