പി.എം.എ.വൈ പദ്ധതിയിൽ ഗോ​ത്ര വിഭാഗങ്ങൾക്ക്​ ലഭിച്ചത്​ മൺവീട്​; മധ്യപ്രദേശിൽ വൻ അഴിമതി

ഭോപാൽ: മധ്യപ്രദേശിലെ ഗോത്ര ഗ്രാമത്തിൽ പ്രധാനമന്ത്രി ആവാസ്​ യോജന പദ്ധതി പ്രകാരം വീട്​ നിർമിച്ചത്​ മണ്ണും വൈക്കോലും ഉപയോഗിച്ച്​. മണ്ണുകൊണ്ടാണ്​ വീടിന്‍റെ ചുമരുകൾ. മേൽക്കൂര വൈക്കോലും. കേന്ദ്രസർക്കാർ പദ്ധതിക്ക്​ കീഴിൽ നിർമിക്കേണ്ട വീടുകളു​െട മാതൃകക്ക്​ എതിരായാണ്​ ഇവയുടെ നിർമാണം.

മണ്ണും വൈക്കോലും ഉപയോഗിച്ച്​ പദ്ധതി പ്രകാരം വീട്​ നിർമിച്ച്​ നൽകാൻ പോലും അധികൃതർ കനിയണമെന്നും ഗ്രാമവാസികൾ പറയുന്നു. ഒരു ഡസനിലധികം വീടുകളാണ്​ ഇത്തരത്തിൽ നിർമിച്ചിരിക്കുന്നത്​. ദിൻഡോരി ജില്ലയിലെ കൻഹായ്​ ഗ്രാമത്തിൽ ബൈഗ ​േഗാത്രവർക്കാർക്കാണ്​ ആധിപത്യം. സാമൂഹികമായി പിന്നാക്കം നിൽക്കുന്ന ഇവർക്ക്​ കോൺക്രീറ്റ്​ കെട്ടിട -വീടുകൾ നിർമിച്ച്​ നൽകുന്നതാണ്​ പദ്ധതി. എന്നാൽ ഇതിന്​ വിപരീതമായി തറയും ഭിത്തിയുമെല്ലാം മണ്ണുകൊണ്ടാണ്​ നിർമിച്ചിരിക്കുന്നത്​.

'മണൽ ഉൾപ്പെടെയുളള നിർമാണ സാമഗ്രികൾ ലഭ്യമല്ലാത്തതിനാൽ ഓല മേഞ്ഞ വീട്​ നിർമിക്കാൻ ഗ്രാമപഞ്ചായത്ത്​ സെക്രട്ടറി പറഞ്ഞു. മേൽക്കൂരക്ക്​ ആവശ്യമായ ഓല, തടി എന്നിവക്കായി വനംവകുപ്പ്​ ജീവനക്കാർക്ക്​ 14,000 രൂപ കൈക്കൂലിയായി നൽകേണ്ടിവന്നു. പഞ്ചായത്ത്​ സി.ഇ.ഒക്കെന്ന പേരിൽ എന്‍റെ പൂവൻകോഴിയെയും പഞ്ചായ​ത്ത്​ സെക്രട്ടറി കൊണ്ടുപോയി. ഇല്ലെങ്കിൽ വ്യവഹാരത്തിൽ കുടുക്കുമെന്ന്​ ഭീഷണിപ്പെടുത്തി' -പദ്ധതിപ്രകാരം വീട്​ നിർമിച്ച ഛോ​േട്ട ലാൽ ബൈഗ പറഞ്ഞു.

പദ്ധതിയുടെ നിർദേശപ്രകാരമാണ്​ തന്‍റെ വീട്​ നിർമിച്ചതെന്ന്​ കാണിക്കാനായി പഞ്ചായത്ത്​ ഉദ്യോഗസ്​ഥർ മറ്റെവിടെയോ നിർമിച്ച വീടിന്‍റെ ചിത്രം തെറ്റായി ജിയോ ടാഗ്​ ചെയ്​തെന്നും ഛോ​േട്ട ലാൽ ആരോപിച്ചു. ഗ്രാമ സർപഞ്ചിന്‍റെ ഭർത്താവ്​ ബുദ്ധ്​ സിങ്ങും പദ്ധതിയിൽ അഴ​ിമതി ആരോപിച്ചു. 'സഹോദരൻ പ്രേം ഉൾപ്പെടെ ഏഴുപേർ പഞ്ചായത്ത്​ സെക്രട്ടറിക്ക്​ കൈക്കൂലി നൽകാൻ നിർബന്ധിതരായി. എന്‍റെ ​സഹോദരന്​ വീടിന്​ ഫണ്ട്​ അനുവദിക്കാൻ 30,000 രൂപ നൽകേണ്ടിവന്നു' -ബുദ്ധ്​ സിങ്​ പറഞ്ഞു.

പ്രധാനമന്ത്രി ആവാസ്​ യോജന പദ്ധതി പ്രകാരം മൺവീടുകൾ നിർമിക്കാൻ അനുമതിയില്ലെന്നും ഗ്രാമപഞ്ചായത്ത്​ സെക്രട്ടറിക്കെതിരായ അഴിമതി ആ​േരാപണം അന്വേഷിക്കുമെന്നും തഹസിൽദാർ ഗിരീഷ്​ ധുലേക്കർ അറിയിച്ചു.