Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightവിവാഹേതര ബന്ധം:...

വിവാഹേതര ബന്ധം: ഗ്രോത്രവർഗ യുവതിയെ നഗ്​നയായി നടത്തിച്ചു; ആറുപേർ പിടിയിൽ

text_fields
bookmark_border
വിവാഹേതര ബന്ധം: ഗ്രോത്രവർഗ യുവതിയെ നഗ്​നയായി നടത്തിച്ചു; ആറുപേർ പിടിയിൽ
cancel

കൊൽക്കത്ത:വടക്കൻ പശ്​ചിമ ബംഗാളിൽ വിവാഹേതര ബന്ധം ആരോപിച്ച്​ ഗോത്രവർഗക്കാരിയായ യുവതയി​യെ വീട്ടിൽ നിന്ന്​ വിളിച്ചിറക്കി മർദിച്ച്​ നഗ്​നയായി നടത്തിച്ച കേസിൽ ആറുപേർ പിടിയിലായി. അലിപുർദുവർ ജില്ലയിലെ കുമാർഗ്രാം പൊലീസ്​ സർക്കിളിൽ ഈമാസം ഒമ്പതിനാണ്​ സംഭവം നടന്നത്​. പക്ഷേ, ഇതിന്‍റെ വിഡിയോ ദൃശ്യങ്ങൾ സമൂഹ മാധ്യമങ്ങളിൽ പ്രചരിച്ചതിനെ തുടർന്ന്​ ഞായറാഴ്ചയാണ്​ സംഭവം പുറംലോകമുറിയുന്നത്​. തുടർന്ന്​ പൊലീസ്​ മൂന്നുപേരെ ഞായറാഴ്ചയും മൂന്നുപേരെ തിങ്കളാഴ്ചയും പിടികൂടുകയായിരുന്നു. അഞ്ചുപേർ ഒളിവിലാണ്​.

ആറുമാസം മുമ്പ്​ യുവതി ഭർത്താവിനെ ഉപേക്ഷിച്ച്​ മറ്റൊരാൾക്കൊപ്പം പോയെന്നാണ്​ നാട്ടുകാർ ആരോപിക്കുന്നത്​. കഴിഞ്ഞ ബുധനാഴ്ച ഇവർ ഭർതൃഗൃഹത്തിൽ തിരിച്ചെത്തി. എന്നാൽ, അന്ന്​ രാത്രി ഇവരുടെ അതേ ഗോത്രത്തിൽപ്പെട്ട യുവാക്കൾ വീട്​ ആക്രമിക്കുകയും ഇവരെ മർദിച്ച്​ പുറത്തിറക്കിയ ശേഷം നഗ്​നയായി ഗ്രാമത്തിലൂടെ നടത്തിക്കുകയുമായിരുന്നു. ഇതിന്‍റെ വീഡിയോ ദൃശ്യങ്ങളും യുവാക്കൾ പകർത്തി. ഇത്​ പിന്നീട്​ സമൂഹ മാധ്യമങ്ങളിൽ പ്രചരിപ്പിക്കുകയും ചെയ്​തു.

സംഭവത്തിനു​​ശേഷം യുവതി അസമിലെ ജന്മനാട്ടിലേക്ക്​ പോയി. മറ്റാരും പൊലീസിൽ പരാതി നൽകിയുമില്ല. ഞായറാഴ്ച സംഭവത്തിന്‍റെ വീഡിയോ പ്രചരിച്ചതോടെയാണ്​ പൊലീസ്​ അന്വേഷണം ആരംഭിച്ചത്​. തുടർന്ന്​ ഭർത്താവിനെയും കൂട്ടി അസമിലെ ജന്മനാട്ടിലേക്ക്​ പോയ പൊലീസ്​ യുവതിയുമായി തിരിച്ചെത്തുകയായിരുന്നു. ഇവർ മൊഴി നൽകിയതനുസരിച്ചാണ്​ 11 പേ​ർക്കെതിരെ വധശ്രമമടക്കമുള്ള വിവിധ വകുപ്പുകൾ ചുമത്തി കേസെടുത്തത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:West Bengaltribal woman paraded naked
News Summary - Tribal woman paraded naked in West Bengal over "extra-marital affair"
Next Story