പരിശീലന വിമാനം തകർന്ന് പൈലറ്റുമാർക്ക് പരിക്ക്

ഗുണ: മധ്യപ്രദേശിലെ ഗുണ ജില്ലയിൽ സ്വകാര്യ ഏവിയേഷൻ അക്കാദമിയുടെ പരിശീലന വിമാനം തകർന്നുവീണ് രണ്ട് പൈലറ്റുമാർക്ക് പരിക്ക്. രണ്ട് സീറ്റുള്ള സെസ്‌ന 152 വിമാനം ഞായറാഴ്ച ഉച്ചക്ക് ഒന്നരയോടെ എയർസ്ട്രിപ്പിലാണ് വീണതെന്ന് ഗുണ കന്റോൺമെന്റ് പൊലീസ് അറിയിച്ചു. 40 മിനിറ്റോളം ആകാശത്ത് ചുറ്റിയശേഷം എൻജിൻ തകരാർ മൂലമാകാം അപകടമുണ്ടായതെന്നാണ് സൂചന. പരിശോധനക്കും അറ്റകുറ്റപ്പണിക്കുമായാണ് ദിവസങ്ങൾക്കുമുമ്പ് വിമാനം ഗുണയിലേക്ക് കൊണ്ടുവന്നത്.