പരീക്ഷണ ഓട്ടത്തിനിടെ അതിവേഗ ട്രെയിനിടിച്ച് നാലു പേർ മരിച്ചു

ഡെറാഡൂൺ: പരീക്ഷണ ഓട്ടത്തിനിടെ അതിവേഗ ട്രെയിനിടിച്ച് നാലു മരണം. ലക്സർ - ഹരിദ്വാറിൽ റൂട്ടിലായിരുന്നു അപകടം.

ഇന്നലെ വൈകുന്നേരം 6.30ഓടെ ജമൽപൂർ റെയിൽവേ ക്രോസിലാണ് ആളുകളെ ട്രെയിനിടിച്ചത്. ട്രാക്കിലൂടെ അലസമായി നടന്നു നീങ്ങുകയായിരുന്ന ആളുകളാണ് അപകടത്തിൽ പെട്ടത്.

100 കിലോമീറ്റർ വേഗതയിലായിരുന്നു ട്രെയിൻ. സംഭവത്തിൽ റെയിൽവേ അന്വേഷണത്തിന് ഉത്തരവിട്ടു. ഹരിദ്വാര്് പൊലീസും സംഭവം അന്വേഷിക്കും.