ട്രാക്ക് അറ്റകുറ്റപ്പണി: ട്രെയിൻ സർവിസുകളിൽ മാറ്റം

പാലക്കാട്: സേലം ഡിവിഷനിലെ വിവിധ സ്ഥലങ്ങളിൽ ട്രാക്ക് അറ്റകുറ്റപ്പണി നടക്കുന്നതിനാൽ ചില സർവിസുകളിൽ മാറ്റങ്ങൾ വരുത്തിയതായി റെയിൽവേ അറിയിച്ചു. ജൂലൈ 24, 28 തീയതികളിൽ ട്രെയിൻ നമ്പർ 13352 ആലപ്പുഴ-ധൻബാദ് എക്‌സ്പ്രസ്, ട്രെയിൻ നമ്പർ 12678 എറണാകുളം ജങ്ഷൻ- ബംഗളൂരു ഇൻറർസിറ്റി സൂപ്പർഫാസ്റ്റ് എക്‌സ്പ്രസ് എന്നിവ കോയമ്പത്തൂർ ജങ്ഷൻ ഒഴിവാക്കി പോത്തന്നൂർ ജങ്ഷനിൽ നിന്ന് ഇരുഗൂർ വഴി തിരിച്ചുവിടും.

പോത്തന്നൂരിൽ സ്റ്റോപ്പ് അനുവദിച്ചിട്ടുണ്ട്. ട്രെയിൻ നമ്പർ 06805 കോയമ്പത്തൂർ ജങ്ഷൻ -ഷൊർണൂർ ജങ്ഷൻ മെമു ജൂലൈ 24, 28 തീയതികളിൽ കോയമ്പത്തൂർ ജങ്ഷൻ ഒഴിവാക്കി 12.05 പോത്തന്നൂരിൽനിന്ന് ഷൊർണൂരിലേക്ക് പുറപ്പെടും.