ജമ്മു കശ്മീരിൽ മടങ്ങിയെത്തിയത് 50,000ലധികം പേർ 

ശ്രീനഗർ: വിവിധ സംസ്ഥാനങ്ങളിൽ കുടുങ്ങിയ 50,000ലധികം പേർ മടങ്ങിയെത്തിയതായി ജമ്മു കശ്മീർ ഭരണകൂടം. പ്രിൻസിപ്പൽ സെക്രട്ടറി (പ്ലാനിങ്) രോഹിത് കൻസാലാണ് ഇക്കാര്യം മാധ്യമങ്ങളെ അറിയിച്ചത്. 

റോഡ്, റെയിൽ, വ്യോമ മാർഗങ്ങൾ ഉപയോഗിച്ച് എത്തിയവരുടെ കണക്കാണിത്. മഹാരാഷ്ട്രയിൽ നിന്ന് ശ്രാമിക് സ്പെഷ്യൽ ട്രെയിനിൽ 900 പേർ കൂടി തിരിച്ചെത്തി. ഇതിൽ 400 പേർ വിദ്യാർഥികളാണ്. ശ്രാമിക് ട്രെയിനിന്‍റെ ആറാമത്തെ സ്പെഷ്യൽ സർവീസ് ആണിതെന്നും പ്രിൻസിപ്പൽ സെക്രട്ടറി പറഞ്ഞു.