കുംഭമേള അവസാനിപ്പിച്ചെന്ന്​ ഒരു വിഭാഗം

ഹരിദ്വാർ: പ്രധാനമന്ത്രി നരേന്ദ്ര മോദിയുടെ ആഹ്വാനമനുസരിച്ച്​ ഹരിദ്വാറിൽ നടക്കുന്ന കുംഭമേള നേരത്തെ അവസാനിപ്പിക്കാൻ ധാരണയായതായി റിപ്പോർട്ട്​. മുഖ്യ പുരോഹിതരിൽ ഒരാളായ സ്വാമി അവദേശ്വാനന്ദ്​ ഗിരിയാണ്​ ഇക്കാര്യം അറിയിച്ചത്​. ജുന അഖാഡയിലെ അംഗമാണ്​ സ്വാമി അവദേശ്വാനന്ദ്​ ഗിരി.

ജനങ്ങളുടെ സുരക്ഷക്കാണ്​ പ്രാധാന്യം നൽകുന്നത്​. കോവിഡിന്‍റെ പശ്​ചാത്തലത്തിൽ നിമഞ്​ജന ചടങ്ങുകൾ നേരത്തെ പൂർത്തിയാക്കി​ ജുന അഖാഡ കുംഭമേളയിൽ നിന്ന്​ പിന്മാറുകയാണെന്ന്​ സ്വാമി അവദേശ്വാനന്ദ അറിയിച്ചു.

അതേസമയം, യു.പി, മഹാരാഷ്​ട്ര, ഗുജറാത്ത്​ സംസ്ഥാനങ്ങൾ കുംഭമേള കഴിഞ്ഞെത്തുന്നവർക്ക്​ നിയന്ത്രണങ്ങൾ പ്രഖ്യാപിച്ചു. ക്വാറന്‍റീനും നിർബന്ധിത കോവിഡ്​ പരിശോധനയും തീർഥാടകർക്ക്​ നടത്തുമെന്ന്​ സംസ്ഥാനങ്ങൾ അറിയിച്ചു.