കൻവാർ തീർത്ഥാടകർക്കായി​ പൊലീസി​െൻറ ​പുഷ്​പവൃഷ്​ടി

ലഖ്​​നോ: കൻവാർ തീർത്ഥാടകരെ പനിനീർ ദളങ്ങൾകൊണ്ട്​ പുഷ്​പവൃഷ്​ടി നടത്തി സ്വീകരിക്കുന്ന ഉത്തർപ്രദേശ്​ സർക്ക ാറി​​െൻറ പുതിയ ചടങ്ങ്​ ആവർത്തിച്ച്​ ജില്ലാ മജിസ്​ട്രേറ്റും പൊലീസ്​ സൂപ്രണ്ടും വിവാദത്തിൽ. ഗാസിയാബാദ്​ ജില് ലാ മജിസ്​ട്രേറ്റർ അജയ്​ ശങ്കർ പാണ്ഡെ, മുതിർന്ന പൊലീസ്​ സൂപ്രണ്ട്​ സുധീർ കുമാർ സിങ്​ എന്നിവരാണ്​ ​ഹെലികോപ്​ ടറിലെത്തി റോസാദളങ്ങൾ വാരിവിതറി തീർത്ഥാടകരെ സ്വാഗതം ചെയ്​തത്​. സംസ്ഥാന സർക്കാർ അനുവദിച്ച ഹെലികോപ്​ടറിലാണ് ​ മജിസ്​ട്രേറ്റും പൊലീസ്​ സൂപ്രണ്ടും യാത്രചെയ്​തത്​.

വാർഷിക കൻവാർ തീർത്ഥാടനത്തിന്​ മുന്നോടിയായ സുരക്ഷ, ട്രാഫിക്​ ഒരുക്കം പരിശോധിക്കുന്നതിനുള്ള ഒൗദ്യോഗിക യാത്രക്കിടെയിലാണ്​ തീർത്ഥാകർക്കായി റോസാദളങ്ങൾ വർഷിച്ച​െതന്ന്​ മജസ്​ട്രേറ്റ്​ അജയ്​ ശങ്കർ പാണ്ഡെ പ്രതികരിച്ചു.
കഴിഞ്ഞ ദിവസം ബി.ജെ.പി ഭഗത്​പുർ എം.പി സത്യപാൽ സിങ്ങും ഹെലികോപ്​ടറിലെത്തി കൻവാർ തീർത്ഥാകർക്കായി പുഷ്​പവൃഷ്​ടി നടത്തിയിരുന്നു.

കഴിഞ്ഞ ആഴ്​ച തീര്‍ത്ഥാടകര്‍ക്കായി സര്‍ക്കാര്‍ ഒരുക്കിയ ഹെല്‍ത്ത് ക്ലിനിക്കില്‍ ഒരു തീര്‍ത്ഥാടകൻെറ കാല്‍ ഐ.പി.എസ് ഓഫിസറും ഷിംല പൊലിസ് സൂപ്രണ്ടുമായ അജയ്കുമാര്‍ തടവിക്കൊടുക്കുന്ന ദൃശ്യങ്ങൾ സമൂഹമാധ്യമങ്ങളിൽ വൈറലായിരുന്നു.

ഹെലികോപ്​റ്ററിൽ നിന്ന്​ പൂക്കൾ വാരി വിതറി തീർത്ഥാടകരെ സ്വാഗതം ചെയ്യുന്ന ചടങ്ങ്​ കഴിഞ്ഞ വർഷമാണ്​ തുടങ്ങിയത്​.
ഉത്തരാഖണ്ഡിലെ കൻവാറി​ലേക്ക്​ ശിവഭക്തരായ തീർത്ഥാടകർ കാൽനടയായാണ്​ യാത്ര ചെയ്യുക. ബീഹാറിൽ നിന്നും ഉത്തർപ്രദേശിൽ നിന്നുമാണ്​ കൂടുതൽ പേർ തീർത്ഥാടനത്തി​​​​​​െൻറ ഭാഗമാകുക.