Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമഹാരാഷ്​ട്രയിൽ...

മഹാരാഷ്​ട്രയിൽ ഏറ്റുമുട്ടൽ; കൊല്ലപ്പെട്ടവരിൽ തലക്ക്​ അരക്കോടി വിലയിട്ട മാവോവാദി നേതാവും

text_fields
bookmark_border
Milind Teltumbde
cancel

മുംബൈ: മഹാരാഷ്​ട്രയിലെ ഗദ്​ചിരോലി ജില്ലയിൽ ശനിയാഴ്ച പൊലീസുമായുണ്ടായ ഏറ്റുമുട്ടലിൽ കൊല്ലപ്പെട്ടവരിൽ മാവോവാദി​ നേതാവ്​ മിലിന്ദ്​ തെൽതുംബ്ഡേയും. ഭീമ കോറേഗാവ്​ കേസിലെ പ്രതി കൂടിയായ മിലിന്ദിന്‍റെ തലക്ക്​ അരക്കോടി രൂപയാണ്​ വിലയിട്ടിരുന്നത്​.

പൊലീസ് വെടിവെയ്പ്പിൽ മിലിന്ദ് തെൽതുംബ്ഡേയും ഉൾപ്പെട്ടതാതായി മഹാരാഷ്ട്ര ആഭ്യന്തര മന്ത്രി ദിലീപ് വാസ്‌ലെ പാട്ടീൽ സ്ഥിരീകരിച്ചു. കൊറേഗാവ് കേസിലെ പ്രതിയും ദളിത് ചിന്തകനുമായ ആനന്ദ് തെൽതുംബ്‌ഡേയുടെ സഹോദരനാണ് മിലിന്ദ്.

മാവോയിസ്റ്റ്​ കേ​ന്ദ്രകമ്മിറ്റി അംമായ തെൽതുംബ്ഡേ നാലുസംസ്​ഥാനങ്ങൾ കേന്ദ്രമാക്കി പ്രവർത്തിച്ച്​ വരികയായിരുന്നുവെന്ന്​ പൊലീസ്​ പറഞ്ഞു. മഹാരാഷ്​ട്ര, മധ്യപ്രദേശ്​, ഛത്തിസ്​ഗഢ്​, തെലങ്കാന എന്നിവയായിരുന്നു മിലിനസിന്‍റെ പ്രവർത്തന മണ്ഡലം. ഇയാളുടെ അംഗരക്ഷകരായിരുന്ന പുരുഷനും സ്​ത്രീയും വെടിയേറ്റു മരിച്ചിട്ടുണ്ടെന്ന്​ പി.ടി.ഐ റിപ്പോർട്ട്​ ചെയ്​തു​.

2019ൽ നിരവധി പൊലീസുകാരുടെ മരണത്തിനിടയാക്കിയ കുർഖേഡ ആക്രമണത്തിന്​ പിന്നിൽ മിലിന്ദാണെന്ന്​ സംശയമുണ്ട്​. ശനിയാഴ്ച നടന്ന ഏറ്റുമുട്ടലിൽ 26 മാവോവാദികളാണ്​ കൊല്ലപ്പെട്ടത്​. ഗ്യാരാബട്ടി വനമേഖലയിലെ കൊർച്ചിയിൽ ശനിയാഴ്​ച രാവിലെയാണ്​ വെടിവെപ്പുണ്ടായതെന്ന്​ ജില്ല പൊലീസ്​ സൂപ്രണ്ട്​ അങ്കിത്​ ഗോയൽ പറഞ്ഞു.

20 ലക്ഷം പോലീസ് വിലയിട്ട ലോകേഷ് മങ്ങു പൊദ്യൻ, 16 ലക്ഷം വിലയിട്ട മഹേഷ് ശിവാജി റാവോജി എന്നിവരും ഏറ്റുമുട്ടലിൽ കൊല്ലപ്പെട്ടിണ്ട്​. കസൻസൂർ ദളത്തിന്‍റെ കമാൻഡറായ സന്നു എന്ന കൊവച്ചിയെ പിടികൂടുന്നവർക്ക്​ എട്ടുലക്ഷം രൂപയാണ്​ പാരിതോഷികം നിശ്ചയിച്ചിരുന്നതെന്ന്​ പി.ടി.ഐ റിപ്പോർട്ട്​ ചെയ്​തു. മിലിന്ദിന്‍റെ അംഗരക്ഷകനായ ഭഗത്​ സിങ്​ എന്ന തിലക്​ ജേഡിന്‍റെ തലക്ക്​​ ആറ്​ ലക്ഷം രൂപയാണ്​ വിലയിട്ടത്​. പിടികൂടാൻ സഹായിക്കുന്നവർക്ക്​​ നലുലക്ഷം വീതവുമാണ്​ വിലയിട്ടിരുന്ന പ്രകാശ്​ എന്ന സാധു ബോഗ, മാവോവാനി നേതാവ്​ പ്രഭാകറിന്‍റെ അംഗരക്ഷകൻ ലാച്ചു, നവ്​ലുറാം എന്ന ദിലിപ്​ തുലാവി, ബന്ധു എന്ന ദൽസീ ഗോട്ട, കോസ എന്ന മുസാകി, പ്രമോദ്​ എന്നിവരും ഏറ്റുമുട്ടലിൽ കൊല്ലപ്പെട്ടിരുന്നു​.

മുംബൈയിൽ നിന്ന്​ 920 കി.മീറ്റർ അകലെയാണ്​ ഏറ്റുമുട്ടൽ നടന്നത്​. സി-60 പൊലീസ് കമാൻഡോ സംഘം അഡീഷണൽ എസ്​.പി സൗമ്യ മുണ്ടെയുടെ നേതൃത്വത്തിൽ​ പ്രദേശത്ത്​ തിര​ച്ചിൽ നടത്തുകയായിരുന്നു. തങ്ങൾക്കുനേരെ വെടിവെപ്പുണ്ടായപ്പോഴാണ്​ തിരിച്ചു വെടിവെച്ചതെന്നാണ്​ പൊലീസ്​ പറയുന്നത്​. 500 പേരടങ്ങുന്ന സംഘമാണ്​ ഓപറേഷൻ നടത്തിയത്​.

നാലു പൊലീസുകാർക്ക്​ ഗുരുതര പരിക്കേറ്റു. ഇവരെ ചികിത്സക്കായി കോപ്​റ്ററിൽ നാഗ്​പൂരിലെത്തിച്ചു. ഛത്തീസ്​ഗഡ്​ അതിർത്തിയിലാണ്​ ഏറ്റുമുട്ടൽ നടന്നത്​. പ്രദേശത്ത്​ നിന്ന്​ ആയുധങ്ങൾ കണ്ടെത്തിയതായി പൊലീസ്​ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:MaoistencounterMilind Teltumbde
News Summary - Top Maoist Milind Teltumbde Carried 50 Lakh rupees Bounty Among 26 Killed in Gadchiroli encounter
Next Story