ലൈംഗിക പീഡന പരാതി: ഇന്ത്യൻ ഇൻസ്​റ്റിറ്റ്യൂട്ട്​ ഒാഫ്​ സയൻസിൽ അധ്യാപകന്​ നിർബന്ധിത വിരമിക്കൽ​

ബംഗളൂരു: ഗവേഷക വിദ്യാർഥിയെ പീഡിപ്പിച്ചെന്ന പരാതിയിൽ ബംഗളൂരു ഇന്ത്യൻ ഇൻസ്​റ്റിറ്റ്യൂട്ട്​ ഒാഫ്​ സയൻസിൽ അധ്യാപകന്​ നിർബന്ധിത വിരമിക്കൽ. സീനിയർ അധ്യാപകൻ ലൈംഗികമായി പീഡിപ്പിച്ചതായി ഗവേഷക വിദ്യാർഥി ​ഇൻസ്​റ്റിറ്റ്യൂട്ടിലെ ആഭ്യന്തര പരാതിപരിഹാര സമിതിക്ക്​ പരാതി നൽകുകയായിരുന്നു. സംഭവം അന്വേഷിച്ച സമിതി പരാതി സത്യമാണെന്ന​ ​കണ്ടെത്തുകയും അധ്യാപകനെതിരെ നടപടിക്ക്​ ശിപാർശ ചെയ്യുകയുമായിരുന്നു.

സമിതി റിപ്പോർട്ടി​​​െൻറ അടിസ്ഥാനത്തിൽ ഭരണസമിതി അധ്യാപ​ക​​​െൻറ നിർബന്ധിത വിരമിക്കൽ ഉടനടി നടപ്പാക്കണമെന്ന്​ ഉത്തരവിടുകയായിരുന്നു. എന്നാൽ ഇദ്ദേഹത്തിന്​ വിരമിക്കൽ ആനുകൂല്യങ്ങൾ അനുവദിക്കുമോയെന്ന്​ അധികൃതർ വ്യക്തമാക്കിയിട്ടില്ല.