ബാങ്കുകളുടെ​ പരിശോധനാ റിപോർട്ട്​ ആർ.ടി​.ഐ പ്രകാരം നൽകണമെന്ന്​ സുപ്രീംകോടതി

ന്യൂഡൽഹി: ബാങ്കുകളുടെ വാർഷിക പരിശോധനാ റിപോർട്ടും പണം തിരിച്ചടക്കുന്നതിൽ മനഃപൂർവം വീഴ്​ച വരുത്തുന്നവരുടെ പട്ടികയും വിവരാവകാശപ്രകാരം(ആർ.ടി.ഐ) നൽകണമെന്ന്​ സുപ്രീംകോടതി. റിസർവ്​ ബാങ്കി​നാണ്​ സുപ്രീംകോടതി ഇതു സംബന്ധ ിച്ച്​ ഉത്തരവ്​ നൽകിയത്​.

റിസർവ്​ ബാങ്കിനെതിരെ വിവരാവകാശ പ്രവർത്തകനായ എസ്​.സി അഗർവാൾ സമർപ്പിച്ച കോടതിയലക്ഷ്യ ഹരജിയിലാണ്​ എൽ. നാഗേശ്വര റാവു അധ്യക്ഷനായ ബെഞ്ചി​​​​െൻറ ഉത്തരവ്​. ബാങ്കുകളെ കുറിച്ചുള്ള വിവരം വെളിപ്പെടുത്തുന്നതുമായി ബന്ധപ്പെട്ട്​ നയം പുനഃപരിശോധിക്കണമെന്ന്​ ഫെഡറൽ ബാങ്കിനോടും കോടതി നിർദേശിച്ചു. എന്നാൽ റിസർവ്​ ബാങ്കിനെതിരെ കോടതിയലക്ഷ്യ നടപടികളിലേക്ക്​ കോടതി കടന്നില്ല.

വാർഷിക പരിശോധന റിപ്പോർട്ട്​ വിവരാവകാശ നിയമ പ്രകാരം നൽകാതിരുന്നതിനാൽ കഴിഞ്ഞ ജനുവരിയിൽ സുപ്രീംകോടതി റിസർവ്​ ബാങ്കിന്​ കോടതി അലക്ഷ്യ നോട്ടീസ്​ അയച്ചിരുന്നു. വിവരങ്ങൾ വെളിപ്പെടുത്താൻ തയാറാവാത്ത റിസർവ്​ ബാങ്കി​​​​െൻറ നയം സുപ്രീംകോടതിയുടെ 2015ലെ വിധിയുടെ ലംഘനാമാണെന്ന്​ കോടതി നിരീക്ഷിച്ചു.

വിവരാവകാശ നിയമപ്രകാരം വിവരങ്ങൾ വെളിപ്പെടുത്തുന്നതുമായി ബന്ധപ്പെട്ട്​ നിലപാട്​ പുനർവിചിന്തനത്തിന്​ വിധേയമാക്കണമെന്ന്​ കോടതി റിസർവ്​ ബാങ്കിനോട്​ നിർദേശിച്ചു. ഇത്​ അന്തിമ അവസരമാണെന്നും ഇനിയും ഉത്തരവിൽ ലംഘനം തുടർന്നാൽ ഗുരുതരമായ കോടതിയലക്ഷ്യ നടപടികൾ ക്ഷണിച്ചുവരുത്തുമെന്നും കോടതി ഓർമിപ്പിച്ചു.