ഡൽഹിയിലെ അസിസ്റ്റൻറ് കമ്മീഷണർ വെടിവെച്ച് ജീവനൊടുക്കി; മൂന്ന് ദിവസം മുൻപാണ് ഇദ്ദേഹ​ത്തി​െൻറ ഭാര്യ മരിച്ചത്

ന്യൂഡൽഹി: ഡൽഹി പൊലീസിലെ അസിസ്റ്റൻറ് കമ്മീഷണർ സ്വയം വെടിവെച്ച് ജീവനൊടുക്കി. അനിൽ കുമാർ ​സിശോദിയ(55) ആണ് മരിച്ചത്. തെക്ക്-കിഴക്കൻ ഡൽഹിയിലെ ജംഗ്പൂരയിലുള്ള വസതിയി​ലാണ് മരിച്ച നിലയിൽ കണ്ടെത്തിയത്. മൂന്ന് ദിവസം മുൻപാണ് ഇദ്ദേഹ​ത്തി​െൻറ ഭാര്യ മരിച്ചത്. ഇതോടെ, ​മാനസികമായി തകർന്നിരിക്കുകയായിരുന്നുവെന്ന് ബന്ധുക്കൾ പറയുന്നു.

ഡൽഹിയിലെ സൗത്ത്-വെസ്റ്റ് സോണിൽ അസിസ്റ്റൻറ് പൊലീസ് കമ്മീഷണറായി (എ.സി.പി) ജോലിചെയ്തുവരികയായിരുന്നു അനിൽ സിസോദിയ. പേഴ്‌സണൽ റിവോൾവർ ഉപയോഗിച്ച് ഇയാൾ വെടിയുതിർക്കുകയായിരുന്നുവെന്ന് പൊലീസ് പറഞ്ഞു. സംഭവത്തെ കുറിച്ച് പൊലീസ് അന്വേഷണം ആരംഭിച്ചു.