450 കോടിയു​െട അഴിമതി: അമുൽ ഡയറി എം.ഡി രാജിവെച്ചു

ആനന്ദ്​: ഗുജറാത്ത്​ ആസ്​ഥാനമായി പ്രവർത്തിക്കുന്ന രാജ്യത്തെ പ്രമുഖ ക്ഷീരോത്​പാദന സ്​ഥാപനമായ അമുൽ ഡയറിയുടെ (കൈറ ഡിസ്​ട്രിക്​ട്​ കോ ഒാപറേറ്റീവ്​ മിൽക്ക്​ പ്രൊഡ്യുസേഴ്​സ്​ യൂണിയൻ ലിമിറ്റഡ്​) മാനേജിങ്​ ഡയറക്​ടർ കെ. രത്​നം രാജിവെച്ചു. 450 കോടി രൂപയുടെ അഴിമതി ആരോപണത്തെ തുടർന്നാണ്​ രാജി. ടെൻഡർ നൽകുന്നതിലും ഡയറിയിലേക്ക്​ ആളുക​െള റിക്രൂട്ട്​ ചെയ്യുന്നതിലും ക്രമക്കേട്​ നടത്തി​െയന്നാ​ണ്​ ആരോപണം. 

ശനിയാഴ്​ച നടന്ന രാജി മാധ്യമങ്ങളെ അറിയിച്ച അമുൽ കോഒാപറേറ്റീവ്​ ചെയർമാൻ രാം സിൻഹ്​ പാർമർ ഇൗ ആരോപണങ്ങൾ നിഷേധിച്ചു. കുടംബ പ്രശ്​നങ്ങളാണ്​ അദ്ദേഹത്തി​​​​െൻറ രാജിക്ക്​ ഇടയാക്കിയതെന്ന്​ പാർമർ പറഞ്ഞു. അഴിമതിക്കേസിൽ കുറ്റക്കാരനാണെന്ന്​ കണ്ടെത്തിയതി​െന തുടർന്നാണ്​ രാജി എന്ന വാർത്ത വസ്​തുതാ വിരുദ്ധമാണെന്നും പാർമർ വ്യക്​തമാക്കി. 

പ്ലാനിങ്​ ആൻറ്​ മാർക്കറ്റിങ്​ സീനിയർ ജനറൽ മാനേജർ ജയൻ മേത്തയെ എം.ഡി ഇൻചാർജ്​ ആയി നിയമിച്ചതായി അമുൽ വാർത്താ കുറിപ്പിൽ അറിയിച്ചു. 

22 വർഷമായി അമുലിനു വേണ്ടി പ്രവർത്തിക്കുന്നുവെന്ന്​ രാജിവെച്ച രത്​നം പറഞ്ഞു. ഇനി സ്വന്തമായി എന്തെങ്കിലും തുടങ്ങണം. കൂടാതെ യു.എസിലും തമിഴ്​നാട്ടിലുമായി കഴിയുന്ന കുടുംബത്തോടൊപ്പം സമയം ചെലവഴിക്കണമെന്നും കെ. രത്​നം വ്യക്​തമാക്കി.