ഏപ്രിൽ 20 മുതൽ ദേശീയപാതകളിൽ ടോൾ പിരിവ്​ പുനരാരംഭിക്കാൻ തീരുമാനം

ന്യൂഡൽഹി: കോവിഡ്​ പ്രതിരോധ പ്രവർത്തനങ്ങളുടെ ഭാഗമായി നിർത്തിവെച്ച ദേശീയപാതകളിലെ ടോൾ പിരിവ്​ ഏപ്രിൽ 20 മുതൽ പുനരാരംഭിക്കാൻ ദേശീയപാത അതോറിറ്റിയുടെ തീരുമാനം.

ലോക്​ഡൗൺ മേയ്​ മൂന്നുവരെ നടപ്പാക്കുന്നുണ്ടെങ്കിലും തിങ്കളാഴ്​ച മുതൽ ടോൾ പിരിവ്​ വീണ്ടും തുടങ്ങാനുള്ള നടപടികൾ സ്വീകരിച്ചു തുടങ്ങിയതായാണ്​ വിവരം. ദേശീയ പാത അതോറിറ്റി നേരിടുന്ന സാമ്പത്തിക പ്രതിസന്ധി മറികടക്കാനാണ്​ ടോൾ പിരിവ്​ പുനരാരംഭിക്കുന്നത്.