Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ വ്യാപനം:...

കോവിഡ്​ വ്യാപനം: പൊതുജനത്തെ സ്വാതന്ത്ര്യദിന പരിപാടികളിൽ പ​ങ്കെടുപ്പിക്കില്ലെന്ന്​ തമിഴ്​നാട്​

text_fields
bookmark_border
കോവിഡ്​ വ്യാപനം: പൊതുജനത്തെ സ്വാതന്ത്ര്യദിന പരിപാടികളിൽ പ​ങ്കെടുപ്പിക്കില്ലെന്ന്​ തമിഴ്​നാട്​
cancel

ചെന്നൈ: സംസ്ഥാനത്ത്​ കോവിഡ് വ്യാപനമുണ്ടായ സാഹചര്യത്തിൽ സ്വാതന്ത്ര്യദിന പരിപാടികളിൽ പൊതുജനത്തെ പ​ങ്കെടുപ്പിക്കില്ലെന്ന്​ തമിഴ്​നാട്​ സർക്കാർ. സ്വാതന്ത്ര്യദിനാഘോഷ പരിപാടികൾ നടത്തുമെങ്കിലും വൈറസ്​ വ്യാപനം കണക്കിലെടുത്ത് സമ്മേളനങ്ങൾ അനുവദിക്കില്ല.

ആഗസ്​റ്റ്​ 15ന്​ പൊതുസമ്മേളനങ്ങൾ ഉണ്ടാകില്ല. സമൂഹത്തിലെ വിവിധ വിഭാഗങ്ങളിൽ നിന്നുള്ള ക്ഷണിതാക്കളെ പരിമിതപ്പെടുത്തും. സ്വാതന്ത്ര്യദിനാഘോഷത്തിന് കേന്ദ്രം പുറപ്പെടുവിച്ച മാർഗ്ഗനിർദ്ദേശങ്ങൾ സംസ്ഥാന സർക്കാർ പാലിക്കുമെന്നും മുഖ്യമന്ത്രി എടപ്പാടി കെ. പളനിസ്വാമി അറിയിച്ചു.

സെൻറ്​ ജോർജ്ജ് കോട്ടക്ക്​ മുന്നിൽ സ്വാതന്ത്ര്യദിന പരിപാടി നടക്കും. ചെന്നൈയിൽ രാവിലെ ഒമ്പതിന്​ നടക്കുന്ന ചടങ്ങിൽ മുഖ്യമന്ത്രി എടപ്പാടി കെ. പളനിസ്വാമി ദേശീയ പതാക ഉയർത്തും. സ്വായന്ത്ര്യദിനാഘോഷങ്ങളുടെ ഭാഗമായി ഇത്തവണ കോവിഡ് യോദ്ധാക്കളായ ഡോക്ടർമാർ, ആരോഗ്യ പ്രവർത്തകർ, ശുചിത്വ പ്രവർത്തകർ തുടങ്ങിയവരെ ആദരിക്കും. ചടങ്ങിലേക്ക്​ ആരോഗ്യപ്രവർത്തകർക്കും കോവഡിനെ അതിജീവിച്ച ചില വ്യക്തികളെയും ക്ഷണിക്കുമെന്നും റിപ്പോർട്ടുണ്ട്​.

സാമൂഹിക അകലം പാലിക്കൽ, മാസ്ക് ധരിക്കൽ തുടങ്ങിയ കോവിഡ്​ മാനദണ്ഡങ്ങൾ പാലിച്ചാകും ചടങ്ങുകൾ നടക്കുക.

തമിഴ്​നാട്ടിൽ നിലവിൽ 52929 കോവിഡ്​ ബാധിതരാണ്​ ചികിത്സയിലുള്ളത്​. 256313 പേർ രോഗമുക്തി നേടി. കഴിഞ്ഞ 24 മണിക്കൂറിനുള്ളിൽ 119 കോവിഡ്​ മരണം റിപ്പോർട്ട്​ ചെയ്​തതോടെ സംസ്ഥാനത്ത്​ മരണസംഖ്യ 5278 ആയി ഉയർന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Tamil NaduIndependence DayIndia news​Covid 19
Next Story