Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightതിയറ്ററുകളിൽ മുഴുവൻ...

തിയറ്ററുകളിൽ മുഴുവൻ സീറ്റുകളിലും കാണികളെ അനുവദിച്ച ഉത്തരവ്​ തമിഴ്​നാട്​ പിൻവലിച്ചു

text_fields
bookmark_border
തിയറ്ററുകളിൽ മുഴുവൻ സീറ്റുകളിലും കാണികളെ അനുവദിച്ച ഉത്തരവ്​ തമിഴ്​നാട്​ പിൻവലിച്ചു
cancel

ചെന്നൈ: തിയറ്ററുകളിൽ മുഴുവൻ സീറ്റുകളിലും കാണികളെ അനുവദിച്ച തമിഴ്​നാട്​ സർക്കാർ ഉത്തരവ്​ പിൻവലിച്ചു. ഇതുമായി ബന്ധപ്പെട്ട്​ കേന്ദ്ര ആഭ്യന്തര മന്ത്രാലയം കത്തയച്ചതിന്​ പിന്നാലെ ഇന്നാണ്​ ഉത്തരവ്​ റദ്ദാക്കിയത്​. എം.എച്ച്​.എയുടെ മാർഗനിർദേശങ്ങൾക്കനുസരിച്ച്​ നിലവിൽ 50 ശതമാനം ആളുകളെ മാത്രം കയറ്റി തിയറ്ററുകൾ പ്രവർത്തിക്കാനാണ് സർക്കാർ​ അനുവദിച്ചിട്ടുള്ളത്​. അതേസമയം, അധിക ഷോ നടത്താനുള്ള അനുവാദമുണ്ട്​.

നടൻ വിജയുമായി നടത്തിയ കൂടിക്കാഴ്​ച്ചക്ക്​ പിന്നാലെയായിരുന്നു തിയറ്ററുകൾ പൂർണമായി തുറക്കാമെന്ന്​ തമിഴ്​നാട്​ സർക്കാർ പ്രഖ്യാപനം വന്നത്​. ഇതിനകം പുറത്തിറക്കിയ പകർച്ചവ്യാധി നടപടിക്രമങ്ങൾ പാലിച്ച് സിനിമ തിയറ്ററുകൾ മൾട്ടിപ്ലക്സുകൾ എന്നിവയുടെ ഇരിപ്പിട ശേഷി 100 ആയി വർധിപ്പിക്കാൻ അനുവദിക്കും. കൂടാതെ കാണികളിൽ അവബോധം സൃഷ്ടിക്കുന്നതിന്​ കോവിഡ് 19 നുള്ള മുൻകരുതൽ നടപടികൾ ഷോടൈമിൽ പ്രദർശിപ്പിക്കും' -തമിഴ്​നാട്​ സർക്കാർ പുറപ്പെടുവിച്ച ഉത്തരവിൽ പറഞ്ഞത്​ ഇങ്ങനെയായിരുന്നു.

എന്നാൽ, സംസ്ഥാന സർക്കാരി​െൻറ തീരുമാനത്തെ വിമർശിച്ച്​ ഒരു ഡോക്​ടർ എഴുതിയ തുറന്ന കത്ത്​ വലിയ രീതിയിൽ സമൂഹ മാധ്യമങ്ങളിൽ പ്രചരിച്ചിരുന്നു. പിന്നാലെ കേന്ദ്ര സർക്കാർ ഉത്തരവും വന്നതോടെയാണ്​ തമിഴ്​നാട്​ സർക്കാർ തീരുമാനം മാറ്റിയത്​. കേന്ദ്ര ആഭ്യന്തര മന്ത്രാലയം പുറത്തിറക്കിയ അൺലോക്ക്​ മാനദണ്ഡങ്ങൾ പ്രകാരം തിയറ്ററുകളിൽ 50 ശതമാനം ആളുകളെ പ്രവേശിപ്പിക്കാനാണ്​ അനുമതിയുള്ളത്​. കണ്ടൈൻമെന്‍റ്​ സോണിന്​ പുറത്ത്​ മാത്രമേ തിയറ്റർ തുറക്കാവു. ഈ ഉത്തരവ്​ ജനുവരി 31 വരെ നിലവിലുണ്ടെന്ന്​ ആഭ്യന്തര സെക്രട്ടറി അജയ്​ ഭല്ല തമിഴ്​നാട്​ സർക്കാറിനെ ഓർമിപ്പിച്ചിരുന്നു.

Show Full Article
TAGS:cinema theatre tamilnadu actor Vijay 
News Summary - TN revokes order allowing 100 percent occupancy in cinema halls, goes back to 50
Next Story