ജയലളിതക്ക്​ സ്​മാരകം ഒരുങ്ങുന്നത്​ 15 കോടി രൂപ ചെലവിൽ

ചെന്നൈ: അന്തരിച്ച മുഖ്യമന്ത്രി ജയലളിതയ്ക്ക് വേണ്ടി 15 കോടി രൂപ ചെലവിൽ സ്മാരകം ഒരുക്കുന്നു.  അമ്മ സ്​മാരക നിർമ്മാണത്തിന്​ 15 കോടി രൂപ നീക്കിവെച്ചതായി തമിഴ്‌നാട് സര്‍ക്കാര്‍ അറിയിച്ചു.

മറീന ബീച്ചില്‍ ജയലളിതയെ അടക്കം ചെയ്ത സ്ഥലത്താണ്​ സ്മാരകം നിര്‍മ്മിക്കുന്നത്. അധികൃതര്‍ ഇതിനായുള്ള അളവെടുപ്പ് നടത്തിയെന്നും ഏറ്റവും കുറഞ്ഞ സമയത്തിനുള്ളിൽ നിർമ്മാണം പൂർത്തീകരിക്കുകയാണ്​ ലക്ഷ്യമെന്നും പനീര്‍ശെല്‍വം മന്ത്രിസഭയിലെ  മന്ത്രി ദ ഹിന്ദുവിനോട് പ്രതികരിച്ചു. സ്മാരക നിര്‍മ്മാണത്തിനായുള്ള ടെന്‍ഡര്‍ ഉടന്‍ വിളിക്കുമെന്നും മന്ത്രി പറഞ്ഞു.

മുന്‍മുഖ്യമന്ത്രി എം.ജി. ആറി​െൻറ ശവകുടീരത്തിന് സമീപമാണ് ജയലളിതയേയും അടക്കിയിരിക്കുന്നത്.