Top
Begin typing your search above and press return to search.
exit_to_app
exit_to_app
ബംഗാളിൽ ബി.ജെ.പി വരുമെന്നുകണ്ട്​ മറുകണ്ടം ചാടിയവർ   കരഞ്ഞു കാത്തിരിപ്പിലാണ്​​, മമതയുടെ ​വിളിക്കായി...
cancel
Homechevron_rightNewschevron_rightIndiachevron_rightബംഗാളിൽ ബി.ജെ.പി...

ബംഗാളിൽ ബി.ജെ.പി വരുമെന്നുകണ്ട്​ മറുകണ്ടം ചാടിയവർ കരഞ്ഞു കാത്തിരിപ്പിലാണ്​​, മമതയുടെ ​വിളിക്കായി...

text_fields
bookmark_border

കൊൽക്കത്ത: കഴിഞ്ഞ നിയമസഭ തെരഞ്ഞെടുപ്പിൽ പശ്​ചിമ ബംഗാളിലെ കാടിളക്കിയ പ്രചാരണവും കേന്ദ്ര നേതാക്കളുടെ തിരയിളക്കവും കണ്ട്​ ബി.ജെ.പി അധികാരത്തിലേക്കെന്ന്​ തോന്നിച്ചതിനൊടുവിൽ ഒന്നുമല്ലാതെ അരികിലായപ്പോൾ ശരിക്കും വടിപിടിച്ച്​ കുറെപേർ. അടുത്ത മന്ത്രിസഭയിൽ ഇടമുറപ്പിച്ച്​ തൃണമൂലിൽനിന്ന്​ കണ്ടംചാടി ഭാരതീയ ജനത പാർട്ടിയി​ലെത്തിയവരാണ്​ ഉള്ളതും കളഞ്ഞ്​ പെരുവഴിയിൽ നോക്കുകുത്തികളായത്​. പരമാവധി വേഗത്തിൽ പഴയ തട്ടകത്തിൽ തിരികെയെത്താൻ ഇവർ​ ശ്രമം ഊർജിതമാക്കിയതായാണ്​​ റിപ്പോർട്ടുകൾ​.

മുൻ തൃണമൂൽ എം.എൽ.എമാരും പാർട്ടി നേതാക്കളുമാണ്​​ ഇതിനകം തിരികെ പഴയ പാളയത്തിൽ ഇടമുറപ്പിക്കാൻ നീക്കം ശക്​തമാക്കിയത്​. ഇതി​െൻറ ഭാഗമായി ചെയ്​ത തെറ്റുകൾക്ക്​ മാപ്പുചോദിച്ച്​ പാർട്ടി അധ്യക്ഷ മമത ബാനർജിക്ക്​ കത്തെഴുതിയവർ അനവധി. മൊത്തം മൂന്നു എം.എൽ.എമാരുൾപെടെ 10 നേതാക്കൾ മടങ്ങുന്നതായി അറിയിച്ചിട്ടുണ്ട്​. ഇവർക്ക്​ പക്ഷേ, മടക്ക ടിക്കറ്റ്​ നൽകാൻ മമത ഇതുവരെ പച്ചക്കൊടി കാണിച്ചിട്ടില്ല.

ഹബീബ്​പൂരിൽ തൃണമൂൽ സ്​ഥാനാർഥി പട്ടികയിലിരിക്കെ കൂറുമാറി ബി.ജെ.പി പാളയത്തിലെത്തി എല്ലാം കൈവിട്ട സരള മുർമു ഞായറാഴ്​ചയാണ്​ പഴയ പാർട്ടി തന്നെ മതിയെന്ന്​ പരസ്യമായി പ്രഖ്യാപിച്ചത്​. മറ്റൊരു മുൻ എം.എൽ.എ അമൽ ആചാര്യയും തെറ്റായ തീരുമാനമായിരുന്നുവെന്ന്​ കുമ്പസരിച്ച്​ തൃണമൂൽ മടക്കം അറിയിച്ചു. നാലുവട്ടം തൃണമൂൽ ബാനറിൽ ജനം സഭയിലെത്തിച്ച സോണാലി ഗുഹ സമൂഹ മാധ്യമം വഴിയാണ്​ ചെയ്​ത അപരാധങ്ങൾ ക്ക്​ പൊറുക്കൽ ആവശ്യപ്പെടുന്നത്​. എന്നാൽ, ഇവരെ ആറുമാസം കഴിഞ്ഞേ അംഗത്വം നൽകി തിര​ികെയെടുക്കാവൂ എന്നാണ്​ സുഗത റോയ്​ ഉൾപെടെ നേതാക്കളുടെ നിലപാട്​.

അന്ന്​ ബി.ജെ.പിയിലെത്തിയത്​ തെറ്റായ തീരുമാന​മായിരുന്നുവെന്ന്​ പ്രഖ്യാപിച്ചാണ്​ ഇവരൊക്കെ മടങ്ങുന്നതെന്നും യഥാർഥത്തിൽ പാർട്ടിയുടെയല്ല, അവരുടെ തെറ്റാണിതെന്നും​ ബി.ജെ.പി ബംഗാൾ ഘടകം പ്രസിഡൻറ്​ ദിലീപ്​ ഘോഷ്​ പറയുന്നു.

Show Full Article
TAGS:TMC BJP Bengal Defectors 
News Summary - TMC turncoats make beeline to re-join party after BJP's loss in Bengal polls
Next Story