തൃണമൂൽ കോൺഗ്രസ്​ എം.എൽ.എ ബി.ജെ.പിയിൽ ചേർന്നു

കൊൽക്കത്ത: തൃണമൂൽ കോൺഗ്രസിലെ ജനകീയ നേതാവും ഭട്​പര എം.എൽ.എയുമായ അർജുൻ സിങ്​ ബി.ജെ.പിയിൽ ചേർന്നു. ഇന്ന്​ ഡൽഹിയി ൽ നടന്ന ചടങ്ങിൽ ബി.ജെ.പി നേതാവ്​ കൈലാഷ്​ വിജയവർഗ്യയുടെ സാന്നിധ്യത്തിലായിരുന്നു പാർട്ടി പ്രവേശനം. അതിനു മുമ്പ് ​ അർജുൻ സിങ്​ ബി.ജെ.പി നേതാവ്​ മുകുൾ റോയിയുമായി ദീർഘമായ കൂടിക്കാഴ്​ച നടത്തിയിരുന്നു.

ഞാൻ 40 വർഷത്തോളം മമത ബാനർജിക്ക്​ കീഴിൽ പ്രവർത്തിച്ചു. പക്ഷേ, ​രാജ്യം മുഴുവൻ ഒറ്റ സ്വരത്തിൽ പാകിസ്​താനെതിരെ സംസാരിക്കു​േമ്പാൾ ൈസന്യത്തി​​െൻറ ബാലാകോട്ട്​ വ്യോമാക്രമണത്തി​​െൻറ വിശ്വാസ്യതയെ അവർ ചോദ്യം ചെയ്​തത്​ എന്നെ തകർത്തു. അവർ പ്രധാനമന്ത്രിയുടെ ഉദ്ദേശ്യത്തെ ചോദ്യം ചെയ്യുകയായിരുന്നു. അത്​ നിർഭാഗ്യകരമായിപ്പോയി.

രാഷ്​ട്രീയത്തിൽ നല്ലതും ചീത്തയുമില്ല. രാഷ്​ട്രീയം എന്നത്​ സന്ധി ചെയ്യൽ കൂടിയാണ്​. ബരാക്​പൂറിലെ സിറ്റിങ്​ എം.പിയുടെ പ്രവർത്തനങ്ങളിൽ ജനങ്ങൾ തൃപ്​തരല്ല. അതുകൊണ്ട്​ ബരാക്​പൂരിൽ നിന്ന്​ ലോക്​സഭയിലേക്ക്​ മത്​സരിക്കാൻ ഞാൻ ആഗ്രഹിക്കുന്നു. ബി.ജെ.പിയിൽ ചേർന്ന വിവരം സന്തോഷപൂർവം അറിയിക്കുന്നു - പാർട്ടി പ്രവേശനത്തിനു ശേഷം അർജുൻ സിങ്​ മാധ്യമങ്ങളോട്​ പറഞ്ഞു.

ബരാക്​പൂരിലും സമീപ പ്ര​േദശങ്ങളിലും ഏറ്റവും ശക്​തനും പ്രമുഖനുമായ അർജുൻ സിങ്​ ഇൗ മണഡലത്തിൽ മത്​സരിക്കണമെന്ന്​ പരസ്യമായി തന്നെ ആവശ്യപ്പെട്ടിരുന്നു. എന്നാൽ ബരാക്​പൂർ സിറ്റിങ്​ എം.പി ദിനേഷ്​ ത്രിവേദിക്കാണ്​​​ മമതാ ബാനർജി വീണ്ടും അവസരം നൽകിയത്​.

അതേസമയം, ബി.ജെ.പിയിലേക്ക്​ പോകേണ്ടവർക്ക്​ പോകാമെന്ന്​ മമതാ ബാനർജി പറഞ്ഞു. താനത്​ കാര്യമാക്കുന്നില്ല. ബി.ജെ.പി എത്തരത്തിലുള്ള പാർട്ടിയാണെന്ന്​ ഒരു ദിവസം അവർ തിരിച്ചറിയുമെന്നും മമത കൂട്ടിച്ചേർത്തു.