മുതിര്‍ന്ന മാധ്യമപ്രവര്‍ത്തകൻ ടി.ജെ.എസ് ജോർജ് അന്തരിച്ചു

ബം​ഗ​ളൂ​രു: മു​തി​ർ​ന്ന മാ​ധ്യ​മ​​​പ്ര​വ​ർ​ത്ത​ക​നും എ​ഴു​ത്തു​കാ​ര​നു​മാ​യ ടി.​ജെ.​എ​സ്. ജോ​ർ​ജ് (97) അ​ന്ത​രി​ച്ചു. ബം​ഗ​ളൂ​രു മ​ണി​പ്പാ​ൽ ആ​ശു​പ​ത്രി​യി​ൽ ചി​കി​ത്സ​യി​ലി​രി​​ക്കെ വെ​ള്ളി​യാ​ഴ്ച വൈ​കീ​ട്ട് 4.20നാ​യി​രു​ന്നു അ​ന്ത്യം. ബ​ഹു​മു​ഖ പ്ര​തി​ഭ​യാ​യ ടി.​ജെ.​എ​സ് ജീ​വ​ച​രി​​​​​​ത്ര​കാ​ര​ൻ, കോ​ള​മി​സ്റ്റ് എ​ന്നീ നി​ല​ക​ളി​ലും ശ്ര​ദ്ധേ​യ​നാ​ണ്. പ​​ത്ര​പ്ര​വ​ർ​ത്ത​ന​ത്തി​ൽ അ​സാ​മാ​ന്യ ധൈ​ര്യം പ്ര​ക​ടി​പ്പി​ച്ച അ​ദ്ദേ​ഹം, സ്വ​ത​ന്ത്ര ഇ​ന്ത്യ​യി​ൽ മാ​ധ്യ​മ​പ്ര​വ​ർ​ത്ത​ന​ത്തി​ന്റെ പേ​രി​ൽ ജ​യി​ലി​ല​ട​ക്ക​പ്പെ​ട്ട ആ​ദ്യ പ​ത്രാ​ധി​പ​ർ​കൂ​ടി​യാ​ണ്.

മ​ജി​സ്ട്രേ​റ്റാ​യ ത​യ്യി​ൽ തോ​മ​സ് ജേ​ക്ക​ബി​ന്റെ​യും ചാ​ച്ചി​യ​മ്മ​യു​ടെ​യും മ​ക​നാ​യി 1928 മേ​യ് ഏ​ഴി​ന് പ​ത്ത​നം​തി​ട്ട തു​മ്പ​മ​ണി​ലാ​ണ് ത​യ്യി​ൽ ജേ​ക്ക​ബ് സോ​ണി ജോ​ർ​ജ് എ​ന്ന ടി.​ജെ.​എ​സ്. ജോ​ർ​ജി​ന്റെ ജ​ന​നം. മ​ദ്രാ​സ് ക്രി​സ്ത്യ​ൻ കോ​ള​ജി​ൽ​നി​ന്ന് ഇം​ഗ്ലീ​ഷ് സാ​ഹി​ത്യ​ത്തി​ൽ ബി​രു​ദം പൂ​ർ​ത്തി​യാ​ക്കി​യ​ശേ​ഷം ബോം​​ബെ​യി​ൽ​നി​ന്ന് പു​റ​ത്തി​റ​ങ്ങി​യി​രു​ന്ന പ്ര​ശ​സ്ത​മാ​യ ‘ഫ്രീ ​പ്ര​സ് ജേ​ണ​ലി​ൽ’ 1950ൽ ​മാ​ധ്യ​മ​പ്ര​വ​ർ​ത്ത​ക​നാ​യി ചേ​ർ​ന്നു.

പി​ന്നീ​ട് ഇ​ന്റ​ർ​നാ​ഷ​ന​ൽ പ്ര​സ് ഇ​ൻ​സ്റ്റി​റ്റ്യൂ​ട്ട്, ദ ​​സെ​ർ​ച്ച് ലൈ​റ്റ്, ഫാ​ർ ഈ​സ്റ്റേ​ൺ ഇ​ക്ക​ണോ​മി​ക് റി​വ്യൂ എ​ന്നി​വ​യി​ൽ ജോ​ലി ചെ​യ്തു. ഹോ​ങ്കോ​ങ് ആ​സ്ഥാ​ന​മാ​യ ഏ​ഷ്യാ വീ​ക്കി​ന്റെ​യും ബം​ഗ​ളൂ​രു​വി​ൽ​നി​ന്ന് പ്ര​സി​ദ്ധീ​ക​രി​ച്ചി​രു​ന്ന ടൈം​സ് ഓ​ഫ് ഡെ​ക്കാ​നി​ന്റെ​യും സ്ഥാ​പ​ക എ​ഡി​റ്റ​റാ​യി​രു​ന്നു. ന്യൂ ​ഇ​ന്ത്യ​ൻ എ​ക്സ്പ്ര​സ് ഗ്രൂ​പ്പി​ന്റെ എ​ഡി​റ്റോ​റി​യ​ൽ ഉ​പ​ദേ​ശ​ക പ​ദ​വി വ​ഹി​ച്ചു. 25 വ​ർ​ഷം ന്യൂ ​ഇ​ന്ത്യ​ൻ എ​ക്സ്പ്ര​സ് പ​ത്ര​ത്തി​ൽ ‘പോ​യ​ന്റ് ഓ​ഫ് വ്യൂ’ ​എ​ന്ന കോ​ളം എ​ഴു​തി. ചെ​ന്നൈ​യി​ലെ ഏ​ഷ്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് ജേ​ണ​ലി​സം ചെ​യ​ർ​മാ​നാ​യി​രു​ന്നു.

2022 ജൂ​ണി​ൽ സ​ജീ​വ മാ​ധ്യ​മ​പ്ര​വ​ർ​ത്ത​ന​ത്തി​ൽ​നി​ന്ന് വി​ട​വാ​ങ്ങി വി​ശ്ര​മ ജീ​വി​തം ന​യി​ച്ചു​വ​രി​ക​യാ​യി​രു​ന്നു. ഇം​​ഗ്ലീ​​ഷി​​ലും മ​​ല​​യാ​​ള​​ത്തി​​ലു​​മാ​​യി 20 പു​സ്ത​ക​ങ്ങ​ൾ ര​ചി​ച്ചു. കൃ​ഷ്ണ​മേ​നോ​ൻ (1964), ലീ ​ക്വാ​ൻ യെ​വ് (1973), ദി ​ലൈ​ഫ് ആ​ൻ​ഡ് ടൈം​സ് ഓ​ഫ് ന​ർ​ഗീ​സ്, ദി ​എ​ൻ‌​ക്വ​യ​ർ ഡി​ക്ഷ​ണ​റി: ഐ​ഡി​യാ​സ് ഇ​ഷ്യൂ​സ് ഇ​ന്ന​വേ​ഷ​ൻ​സ് (1998), ദി ​ലെ​സ്സ​ൻ​സ് ഇ​ൻ ജേ​ണ​ലി​സം-​ദി സ്റ്റോ​റി ഓ​ഫ് പോ​ത്ത​ൻ ജോ​സ​ഫ് (2007), റി​വോ​ൾ​ട്ട് ഇ​ൻ മി​ൻ​ഡാ​നോ: ദി ​റൈ​സ് ഓ​ഫ് ഇ​സ്‌​ലാം ഇ​ൻ ഫി​ലി​പ്പീ​ൻ​സ് പൊ​ളി​റ്റി​ക്സ് (1980), ഘോ​ഷ​യാ​ത്ര, ഒ​റ്റ​യാ​ൻ തു​ട​ങ്ങി​യ​വ​യാ​ണ് ഗ്ര​ന്ഥ​ങ്ങ​ൾ.

2011ൽ ​രാ​ജ്യം പ​ത്മ​ഭൂ​ഷ​ൺ ന​ൽ​കി ആ​ദ​രി​ച്ചു.

ഈ​വ​ർ​ഷം ജ​നു​വ​രി മൂ​ന്നി​നാ​യി​രു​ന്നു ടി.​ജെ.​എ​സി​ന്റെ ഭാ​ര്യ അ​മ്മു ജോ​ർ​ജ് എ​ന്ന അ​മ്മി​ണി തോ​മ​സ് അ​ന്ത​രി​ച്ച​ത്. സാ​ഹി​ത്യ​കാ​ര​ൻ ജീ​ത് ത​യ്യി​ൽ, ഷീ​ബ ത​യ്യി​ൽ എന്നിവർ മക്കളാണ്. സം​സ്കാ​രം ഞാ​യ​റാ​ഴ്ച ബം​ഗ​ളൂ​രു ഹെ​ബ്ബാ​ളി​ലെ വൈ​ദ്യു​ത ശ്മ​ശാ​ന​ത്തി​ൽ.

ഇന്ത്യൻ പത്രപ്രവർത്തനത്തിന്​ കേരളം നൽകിയ അഭിമാനം -മുഖ്യമന്ത്രി

തിരുവനന്തപുരം: ഇന്ത്യൻ മാധ്യമ ചരിത്രത്തിലെ സുപ്രധാന അധ്യായമാക്കി തന്റെ പത്രാധിപ ജീവിതത്തെ മാറ്റാൻ കഴിഞ്ഞ പ്രഗത്ഭ മാധ്യമപ്രവർത്തകനായിരുന്നു ടി.ജെ.എസ് ജോർജെന്ന്​ മുഖ്യമന്ത്രി പിണറായി വിജയൻ അനുശോചന സന്ദേശത്തിൽ പറഞ്ഞു. കേരളം ഇന്ത്യൻ പത്രപ്രവർത്തന രംഗത്തിനും ലോകമാധ്യമ രംഗത്തിനും നൽകിയ അഭിമാനകരമായ സംഭാവനയാണ് അദ്ദേഹം. ഭയരഹിതവും നിഷ്പക്ഷവുമായ പത്രപ്രവർത്തനത്തിന് എക്കാലവും നിലകൊണ്ട പ്രമുഖ പത്രാധിപനായിരുന്ന അദ്ദേഹം അടിയന്തരാവസ്ഥക്കാലത്തടക്കം ജനാധിപത്യ മൂല്യങ്ങൾ ഉയർത്തിപ്പിടിക്കുന്ന നിലപാട് കൈക്കൊണ്ട്​ എന്നും ലിബറൽ ജേണലിസത്തിന്റെ ധീരനായ വക്താവായി. സ്വാതന്ത്ര്യത്തെയും ജനാധിപത്യ ബോധത്തെയും അപകടപ്പെടുത്തുന്ന എല്ലാ പ്രവണതകൾക്കുമെതിരെ ശക്തമായി പ്രതികരിച്ച ചരിത്രമാണ് അദ്ദേഹത്തിന്‍റേതെന്നും മുഖ്യമന്ത്രി അനുസ്മരിച്ചു.

അനുശോചിച്ച് പ്രതിപക്ഷ നേതാവ്

കേരളം രാജ്യത്തിനും ലോകത്തിനും സംഭാവന ചെയ്ത മികച്ച പത്രപ്രവർത്തകരിൽ ഒരാളായിരുന്നു ടി.ജെ.എസ്. ജോർജ്. കൈയിലുള്ള പേന മൂർച്ചയുള്ള ആയുധമാണെന്ന് ഉറച്ചു വിശ്വസിച്ച നിർഭയനായ മാധ്യമപ്രവർത്തകൻ. എഴുതാതിരിക്കാൻ കഴിയുന്നില്ലെന്നത് കൊണ്ട് വീണ്ടും വീണ്ടും എഴുതികൊണ്ടേയിരുന്ന ആളാണ് ടി.ജെ.എസ് ജോർജ്.

കാതലുള്ള എഴുത്തും കാമ്പുള്ള ആശയവുമായിരുന്നത് കൊണ്ട് അദ്ദേഹത്തിന്‍റെ കണ്ടെത്തലുകളും നിരീക്ഷണങ്ങളും ജനസമൂഹത്തെ കാര്യമായി സ്വാധീനിച്ചു. എണ്ണം പറഞ്ഞ മാധ്യമപ്രവർത്തകനും സാഹിത്യകാരനുമായ ടി.ജെ.എസ്. ജോർജിന് വിട.ആദരാഞ്ജലികൾ.