അണുനാശിനി തുരങ്കവുമായി തിരുപ്പൂർ

തിരുപ്പൂർ (തമിഴ്​നാട്​): കോവിഡിനെതിരെ പോരാടാൻ അണുനാശിനി തുരങ്കവുമായി തിരുപ്പൂർ ജില്ലാ ഭരണകൂടം. തുരങ്കത്തില ൂടെ നടക്കുന്നവരുടെ മേൽ അണുനശീകരണ ലായനി സ്​പ്രേ ചെയ്യുന്ന രീതിയിലാണ്​ ഇത്​ സംവിധാനിച്ചിരിക്കുന്നത്​.

ഒരു ശതമാനം സോഡിയം ഹൈപ്പോക്ലോറൈറ്റ് അടങ്ങിയ ലായനി മൂന്ന് പൈപ്പുകളുടെ രണ്ട് സെറ്റുകൾ വഴിയാണ്​ സ്​പ്രേ ചെയ്യുക. തുരങ്കത്തിനുള്ളിൽ മൂന്ന് മുതൽ അഞ്ച് സെക്കൻഡ് വരെ​ ചെലവഴിച്ചാൽ ദേഹത്തുള്ള അണുക്കൾ നശിക്കുമെന്നാണ്​ അധികൃതർ പറയുന്നത്​.

കോവിഡ് -19 മുൻകരുതൽ നടപടികളുടെ ഭാഗമായി തെന്നംപാളയത്തിലെ കാർഷിക ചന്തയുടെ മുന്നിൽ ഒരുക്കിയ തുരങ്കം തിരുപ്പൂർ ജില്ല കലക്ടർ കെ. വിജയകാർത്തികേയൻ ഉദ്ഘാടനം ചെയ്തു.