തിരുപ്പതി എം.പി ബാലി ദുർഗ പ്രസാദ് റാവു കോവിഡ് ചികിൽസയിലിരിക്കെ മരിച്ചു
text_fieldsതിരുപ്പതി: തിരുപ്പതി എം.പി ബാലി ദുർഗ പ്രസാദ് റാവു(64) കോവിഡ് ചികിൽസയിലിരിക്കെ മരിച്ചു. കോവിഡിനെ തുടർന്ന് ചെന്നൈയിലെ സ്വകാര്യ ആശുപത്രിയിൽ ചികിൽസയിലിരിക്കെയാണ് മരണം. ഹൃദയാഘാതമാണ് മരണകാരണം.
കോവിഡ് ബാധിച്ച് ആരോഗ്യനില വഷളായതിനെ തുടർന്ന് 15 ദിവസം മുമ്പാണ് അദ്ദേഹത്തെ ചെന്നൈ അപ്പോളോ ആശുപത്രിയിൽ പ്രവേശിപ്പിച്ചത്. 1985ൽ ആന്ധ്രപ്രദേശിലെ ഗുണ്ടൂർ ജില്ലയിൽ നിന്നാണ് റാവു ആദ്യമായി നിയമസഭയിലേക്ക് തെരഞ്ഞെടുക്കപ്പെട്ടത്. 1996-98 കാലഘട്ടത്തിൽ ചന്ദ്രബാബു നായിഡു മന്ത്രിസഭയിൽ കാബിനറ്റ് മന്ത്രിയായിരുന്നു. പിന്നീട് പാർട്ടി മാറി വൈ.എസ്.ആർ കോൺഗ്രസിൽ ചേർന്നു2019 തെരഞ്ഞെടുപ്പിൽ വൈ.എസ്.ആർ ടിക്കറ്റിൽ തിരുപ്പതിയിൽ നിന്ന് മത്സരിച്ച് ജയിച്ചു. എം.പിയുടെ മരണത്തിൽ പ്രധാനമന്ത്രി നരേന്ദ്രമോദി അടക്കമുള്ള പ്രമുഖർ അനുശോചിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.