പണമില്ല; തിരുപ്പതി ​േക്ഷത്രത്തിൽ ശമ്പളം മുടങ്ങി

തി​രു​പ്പ​തി: ലോ​ക​ത്തി​ലെ ഏ​റ്റ​വും സ​മ്പാ​ദ്യ​മു​ള്ള ക്ഷേ​ത്ര​മാ​യ ആ​ന്ധ്രാ​പ്ര​ദേ​ശി​ലെ തി​രു​പ്പ​തി ക്ഷേ​ത്രം ജീ​വ​ന​ക്കാ​രു​ടെ ശ​മ്പ​ളം മു​ട​ങ്ങി. ശ്രീ​വെ​ങ്ക​ടേ​ശ്വ​ര ക്ഷേ​ത്രം ജീ​വ​ന​ക്കാ​ര്‍ക്ക്​ ശ​മ്പ​ളം ന​ല്‍കാ​ന്‍ പ​ണ​മി​ല്ലെ​ന്ന്​ തി​രു​മ​ല തി​രു​പ്പ​തി ദേ​വ​സ്ഥാ​നം ട്ര​സ്​​റ്റ്​ വ്യ​ക്​​ത​മാ​ക്കി.

ഏ​പ്രി​ലി​ലെ ശ​മ്പ​ളം ന​ൽ​കാ​നാ​യി​ല്ലെ​ന്ന്​ മാ​ത്ര​മ​ല്ല, ക്ഷേ​ത്ര​ത്തി​ലെ നി​ത്യ​ചെ​ല​വി​നും വ​ക​യി​ല്ല. ലോ​ക്​​ഡൗ​ണി​ല്‍ 400 കോ​ടി രൂ​പ​യു​ടെ വ​രു​മാ​ന ന​ഷ്​​ട​മു​ണ്ടാ​യി. ക്ഷേ​ത്ര​ത്തി​ൽ മാ​ത്രം പ്ര​തി​മാ​സം 200-220 കോ​ടി രൂ​പ​ മാ​സ​വ​ര​വു​ണ്ടാ​യി​രു​ന്നു. അ​ത്​ നി​ല​ച്ച​താ​യി​ ട്ര​സ്​​റ്റ്​ ചെ​യ​ർ​മാ​ൻ വൈ.​വി. ശു​ബ്ബ റെ​ഡ്ഡി പ​റ​ഞ്ഞു. നേ​ര​ത്തെ 1300 ശു​ചീ​ക​ര​ണ ജോ​ലി​ക്കാ​രു​ടെ ക​രാ​ര്‍ അ​വ​സാ​നി​പ്പി​ച്ചി​രു​ന്നു. പ്രതിദിനം ലക്ഷം പേരായിരുന്നു സന്ദർശകർ.  

സ്ഥി​ര നി​ക്ഷേ​പ​മാ​യി 140 കോ​ടി​യും എ​ട്ട്​ ട​ണ്‍ സ്വ​ര്‍ണ നി​ക്ഷേ​പ​വും ഉ​ണ്ട്. ഇ​തി​ൽ നി​ന്ന്​ ശ​മ്പ​ള​ത്തു​ക പി​ൻ​വ​ലി​ക്കു​ന്ന​തി​നെ​ക്കു​റി​ച്ച്​ ട്ര​സ്​​റ്റ്​ ആ​ലോ​ചി​ക്കു​ന്നു​ണ്ട്.