ടിപ്പു ജയന്തിക്കെതിരെ സംഘപരിവാർ; ​ആഘോഷിക്കുമെന്ന്​ സിദ്ധരാമയ്യ

ബംഗളൂരു: ടിപ്പു സുൽത്താൻ ജൻമദിനം ആഘോഷിക്കാനുള്ള കർണാടക സർക്കാർ തീരുമാനത്തിനെതിരെ സംഘ്​പരിവാർ. ടിപ്പു ജയന്തി ആഘോഷിച്ചാൽ തടയുമെന്ന്​ ആർഎസ്​എസ്​ കർണാടക നേതൃത്വം മുന്നറിയിപ്പ്​ നൽകി​. ആഘോഷത്തിലൂടെ സംസ്​ഥാന സർക്കാർ ന്യൂനപക്ഷ പ്രീണനം നടത്തുകയാണെന്ന്​ സംഘ്​പരിവാർ ആരോപിക്കുന്നു.

അതിനിടെ കഴിഞ്ഞ വർഷത്തേതുപോലെ ഇപ്രാവശ്യവും നവംബർ 10ന്​ ടിപ്പു ജൻമദിനാഘോഷവുമായി മുന്നോട്ട്​ പേകുമെന്ന്​ കർണാടക മുഖ്യമന്ത്രി സിദ്ധരാമയ്യ വ്യക്​തമാക്കി. കഴിഞ്ഞ വർഷം ടിപ്പു ജയന്തി ആഘോഷത്തിനെതിരെ സംഘപരിവാർ പ്രതിഷേധവുമായി രംഗത്തിറങ്ങുകയും ഇത്​ സംഘർഷത്തിൽ കലാശിക്കുകയും ചെയ്​തിരുന്നു.