ടിപ്പുവി​െൻറ ജൻമദി​നാഘോഷത്തിൽ ഇടപെടാനാവില്ലെന്ന് ഹൈകോടതി

ബംഗ്​ളുരു: കർണാടക സർക്കാരി​​െൻറ വിവാദമായ ടിപ്പു ജയന്തി ആഘോഷം  ഭരണപരമായ തീരുമാനമാണെന്നും ഇതിൽ ഇട​െപടാനാവില്ലെന്നും ഹൈകോടതി. ടിപ്പു ജയന്തി ആഘോഷത്തെ എതിർത്തു കൊണ്ടുള്ള ഹരജിയിലാണ്​ കോടതിയുടെ വിധിയുണ്ടായിരിക്കുന്നത്​.

ടിപ്പ​ു സ്വതന്ത്ര സമരസേനാനിയല്ല സ്വന്തം താൽപ്പര്യങ്ങ​ളെ സംരക്ഷിച്ച രാജാവായിരുന്നുവെന്നും കോടതി നിരീക്ഷിച്ചു.  പ്രത്യേകിച്ചും ഇൗ വിഷയത്തിലുള്ള പ്രക്ഷോഭത്തിനിടെ രണ്ടുപ്പേർ കഴിഞ്ഞ വർഷം മരിച്ച സാഹചര്യത്തിൽ,  18ാം നൂറ്റാണ്ടിൽ ജീവിച്ചിരുന്ന രാജാവി​​െൻറ ജയന്തി നവംബർ 10ന്​ ആഘോഷിക്കേണ്ടതി​​െൻറ ആവശ്യമെന്താണെന്നും കോടതി ചോദിച്ചു.

കർണാടകയിലെ ബി.ജെ.പി ആർ.എസ്​.എസ്​ അനുഭാവികളാണ്​ ടിപ്പു ജയന്തി ആഘോഷത്തെ എതിർത്ത്​ രംഗത്തെത്തിയിട്ടുള്ളത്​. ടിപ്പു സുൽത്താൻ ഹിന്ദു മതത്തിൽ നിന്നും ക്രിസ്​ത്യൻ മതത്തിൽ നിന്നും ആളുകളെ നിർബന്ധപുർവ്വം ഇസ്​ലാമിലേക്ക്​ മതം മാറ്റി. ഇത്തരത്തിലുള്ള ഒരാളുടെ ജയന്തി ആ​േഘാഷിക്കേണ്ടതില്ലെന്നാണ്​ സംഘടനകളുടെ വാദം.

എന്നാൽ ഇൗ നിലപാടിനെതിരെ  കോൺ​ഗ്രസ്​ രംഗത്തുവന്നു. ഇന്ത്യയിൽ ബ്രിട്ടീഷ്​ ആധിപത്യത്തിനെതിരെ പോരാടിയ വ്യക്​തിയാണ്​ ടിപ്പു. അതുകൊണ്ട്​ തന്നെ അദ്ദേഹം ബഹുമാനം അർഹിക്കുന്നവെന്ന്​ കോൺഗ്രസ്​ പറഞ്ഞു.

ഇൗ മാസം 8ാം തീയ്യതി ടിപ്പു ജയന്തിക്കെതിരെ ആർ.എസ്​.എസ്​ ബംഗ്​ളുരുവിൽ വൻ റാലി നടത്തുന്നുണ്ട്​. ഇൗയൊരു പശ്​ചാത്തലത്തിലാണ്​ കോടതി കേസിൽ ഇട​െപടാൻ കഴിയിലെന്ന്​ അറിയിച്ചിരിക്കുന്നത്​. ഇന്ത്യയിൽ നിരവധി രാജാക്കൻമാരുണ്ട്​, അതിൽ ടിപ്പുവി​​െൻറ ജയന്തി മാത്രമാഘോഷിക്കുന്നത്​ ശരിയല്ലെന്ന്​ ഹരജിക്കാരനു വേണ്ടി ഹാജരയായ അഭിഭാഷകൻ ​പവൻ ഷെട്ടി പറഞ്ഞു.