ഭരണത്തിലെ കറുത്ത പാടായി ഗുജറാത്ത്​ കലാപം,സമ്പദ്​വ്യവസ്ഥയുടെ ​​ന​ട്ടെല്ലൊടിച്ച പരിഷ്​കാരങ്ങൾ; മോദിയുടെ 20 വർഷങ്ങൾ

ഔദ്യോഗിക പദവിയിൽ 20 വർഷം തികച്ചിരിക്കുകയാണ്​ പ്രധാനമന്ത്രി നരേന്ദ്ര മോദി. 13 വർഷം ഗുജറാത്ത്​ മുഖ്യമന്ത്രിയായും ഏഴ്​ വർഷം രാജ്യത്തിന്‍റെ പ്രധാനമന്ത്രിയുമായാണ്​ അദ്ദേഹം 20 വർഷം പൂർത്തീകരിച്ചത്​. ഇരു പദവികളിലും വിവാദങ്ങൾ നിറഞ്ഞതായിരുന്നു മോദിയുടെ ഭരണകാലം. ഗുജറാത്ത്​ കലാപവും വ്യാജ ഏറ്റുമുട്ടലുകളും മുഖ്യമന്ത്രിയെന്ന നിലയിലുള്ള അദ്ദേഹത്തിന്‍റെ ഭരണകാലത്ത്​ കരിനിഴൽ വീഴ്​ത്തി. പ്രധാനമന്ത്രിയായപ്പോൾ രാജ്യത്തിന്‍റെ സമ്പദ്​വ്യവസ്ഥയെ തകർത്തെറിഞ്ഞ പരിഷ്​കാരങ്ങൾക്ക്​ മോദിക്ക്​ തിരിച്ചടിയായി. സി.എ.എ, കാർഷിക നിയമങ്ങൾ എന്നിവക്കെതിരായ പ്രതിഷേധങ്ങളും ന്യൂനപക്ഷങ്ങൾക്കും ദലിതർക്കുമെതിരെ ഇന്ത്യയിൽ നടന്ന ആക്രമണങ്ങളും മോദിയുടെ പ്രതിഛായക്ക്​ കളങ്കമേൽപ്പിച്ചു. മോദിയുടെ ഭരണത്തിന്‍റെ നാൾവഴികൾ

• 1958- ആർ.എസ്​.എസി​ലൂടെ മോദി രാഷ്​ട്രീയരംഗത്തേക്ക്​ ചുവടുവെക്കുന്നു
• 1985-ആർ.എസ്​.എസിൽ നിന്നും ബി.ജെ.പിയിലേക്ക്​ ചുവടുമാറ്റം
  
• 1995-ബി.ജെ.പി ജനറൽ സെക്രട്ടറിയായി
  
• 2001- ഗുജറാത്ത്​ മുഖ്യമന്ത്രി കേശുഭായി പ​േട്ടലിന്​ പകരക്കാരനായി മോദി എത്തുന്നു. ഒക്​ടോബർ ഏഴിന്​ അദ്ദേഹം മുഖ്യമന്ത്രിയായി ചുമതലയേറ്റെടുത്തു.
  
• 2002- ഫെബ്രുവരിയിൽ മോദി ആദ്യമായി ഒരു തെരഞ്ഞെടുപ്പിനെ നേരിട്ടു.
  
• 2002 ഫെബ്രുവരി 27- ആയിരക്കണക്കിന്​ നിരപരാധികളുടെ മരണത്തിനിടയാക്കിയ ഗുജറാത്ത്​ കലാപമുണ്ടാവുന്നു. കലാപത്തെ തുടർന്ന്​ മോദിക്കെതിരെ വലിയ രീതിയിലുള്ള പ്രതിഷേധം അന്താരാഷ്​ട്രതലത്തിൽ ഉയരുന്നു. കലാപത്തിൽ മോദിക്കും പങ്കുണ്ടെന്ന്​ ആരോപണമുയരുന്നു. ഗ്രോധ്ര സംഭവത്തെ മുൻനിർത്തി ഗുജറാത്ത്​ കലാപത്തെ മോദി ന്യായീകരിക്കുകയും ചെയ്​തു . ഈ വർഷം തന്നെ നരേന്ദ്ര മോദി രണ്ടാമതും ഗുജറാത്ത്​ മുഖ്യമന്ത്രിയായി തെരഞ്ഞെടുക്കപ്പെടുന്നു.
  
• 2005 -ഗുജറാത്ത്​ കലാപത്തിന്‍റെ പാപഭാരം പേറുന്ന മോദിക്ക്​ യു.എൻ നയതന്ത്ര വിസ നിഷേധിക്കുന്നു. ഗുജറാത്ത്​ കലാപത്തിലെ മോദിയുടെ പങ്കിനെ യു.കെയും വിമർശിക്കുന്നു.
  
• 2007-2012: ഹിന്ദുത്വത്തിൽ ഊന്നിയുള്ള പ്രചാരണങ്ങളിലൂടെ മോദി രണ്ട്​ തെരഞ്ഞെടുപ്പുകൾ കൂടി വിജയിക്കുന്നു. ഈ രണ്ട്​ തെരഞ്ഞെടുപ്പുകളിലും മുസ്​ലിം വിരുദ്ധത ആളിക്കത്തിക്കാനും മോദി മടികാണിക്കുന്നില്ല.
  
• 2013- എൽ.കെ അദ്വാനി ഉൾപ്പടെയുള്ള നേതാക്കളുടെ എതിർപ്പുകൾ അവഗണിച്ച്​ 2014ലെ ലോക്​സഭ തെരഞ്ഞെടുപ്പ്​ നയിക്കാൻ മോദിയെ ബി.ജെ.പി ഉയർത്തികൊണ്ടു വരുന്നു.
  
• 2014-വാരണാസി മണ്ഡലത്തിൽ നിന്നും ലോക്​സഭയിലെത്തി മോദി ഇന്ത്യയുടെ പ്രധാനമന്ത്രിയാകുന്നു.
  
• വിവാദങ്ങൾ നിറഞ്ഞതായിരുന്നു മോദിയുടെ ഭരണകാലം. സാമ്പത്തികരംഗത്തെ മോദി സർക്കാറിന്‍റെ പരിഷ്​കാരങ്ങൾ ഇന്ത്യയെ പിറ​േകാട്ടടിച്ചു. 2016 നവംബർ എട്ടിന്​ പ്രഖ്യാപിച്ച നോട്ട്​ നിരോധനവും 2017 ജൂലൈ ഒന്നിന്​ നിലവിൽ വന്ന ജി.എസ്​.ടിയും സമ്പദ്​വ്യവസ്ഥയുടെ ന​ട്ടെല്ലൊടിച്ചു. ന്യൂനപക്ഷ-ദലിത്​ വിഭാഗങ്ങൾക്ക് നേരെ​ വലിയ രീതിയിലുള്ള ആക്രമണങ്ങളും മോദി ഭരണകാലത്ത്​ ഉണ്ടായി. മനുഷ്യാവകാശ പ്രവർത്തകർ ഉൾപ്പടെയുള്ളവരേയും സർക്കാർ വേട്ടയാടി. ബീഫിന്‍റെ പേരിൽ നിരവധി മുസ്​ലിംകൾ കൊല്ലപ്പെട്ടതും മോദി ഭരണകാലത്തായിരുന്നു.
  
• 2019- വീണ്ടും പ്രധാനമന്ത്രിയായി തെരഞ്ഞെടുക്കപ്പെടുന്നു. വിവാദമായ പൗരത്വ, കാർഷിക നിയമങ്ങൾ മോദി സർക്കാർ അവതരിപ്പിച്ചു. ഈ രണ്ട്​ നിയമങ്ങൾക്കെതിരെയും രാജ്യവ്യാപകമായി പ്രതിഷേധം ഉയർന്നു വന്നു.
• 2020- ഡൽഹിയിൽ ന്യൂനപക്ഷങ്ങൾക്കെതിരെ നടന്ന കലാപവും മോദിയുടെ ഭരണത്തിലെ കറുത്തപാടായി