You are here

ടിക്​ടോക്​ അമേരിക്കയിലും നിരോധിക്കുമോ​?

17:15 PM
01/07/2020

ന്യൂഡൽഹി: ഗൂഗ്​ളിനും ഫേസ്​ബുക്കിനും സമാന്തരമായി ആഗോള ടെക്​നോളജി ഭീമൻമാരുടെ പട്ടികയിൽ ഇടം പിടിക്കാനുള്ള നെ​ട്ടോട്ടത്തിലായിരുന്നു ചൈന. ചൈനയുടെ ഏറ്റവും വലിയ വിപണി ഇന്ത്യയും. ഗ്രാമ​പ്രദേശങ്ങളിൽ പോലും ടിക്​ടോക്​ എന്ന ചൈനീസ്​ ആപ്​ നേടിയെടുത്ത സ്വാധീനം അതി​ൽ ഒരു ഉദാഹരണം മാത്രം. ടിക്​ടോക്​ മാത്രമല്ല ആലിബാബയും ടെൻസൻറ്​ ഹോൾഡിങ്​സുമെല്ലാമാണ്​ ചൈനയുടെ ​െടക്​നോളജി രംഗത്തെ മുൻനിര പോരാളികൾ. ഇവയുടെയും പ്രവർത്തനങ്ങൾക്ക്​ ഒരുപരിധിവരെ നിരോധനം​ ദോഷം ചെയ്യും.

അ​മേരിക്കയിലും ആശങ്ക പുകയുന്നു
അമേരിക്കൻ ഭരണകൂടവും ടിക്​ടോകി​​െൻറ പ്രവർത്തനത്തിൽ ആശങ്ക പ്രകടിപ്പിച്ചിരുന്നു. ചെറുപ്പക്കാർ കൂടുതലായി ടിക്​ടോകിനെ ഉപയോഗിക്കുന്നുവെന്നതാണ്​ യു.എസിനെ ഭയ​െപ്പടുത്തുന്ന കാര്യം. ഫൈവ്​ ജി നെറ്റ്​വർക്കിനായി ഹുവായ്​ ടെക്​നോളജീസ്​ കമ്പനികളെ ഉപയോഗിക്കുന്നത്​ നിർത്തുന്ന കാര്യം സംബന്ധിച്ച്​ അമേരിക്ക അന്വേഷണവും നടത്തിവരുന്നു. ആർട്ടിഫിഷ്യൽ ഇൻറലിജൻസിൽ ചൈന പുതു മാനങ്ങൾ നേടികൊണ്ടിരിക്കെ വിലക്കുകൾ ലോക​െമമ്പാടുമുള്ള ചൈനയുടെ ബന്ധങ്ങൾക്ക്​ തിരിച്ചടിയാകുകയും ചെയ്യും. 

ചൈനയും ഹുവായ്​ ടെക്​നോളജീസും ലോകമെമ്പാടും സാ​േങ്കതിക നേട്ടങ്ങൾ കൈവരിച്ചു​െകാണ്ടിരിക്കെ ട്രംപ്​ ഭരണകൂടത്തി​​െൻറ കാമ്പയിൻ ഉയർന്നുവന്നിരുന്നു. അമേരിക്കക്കെതിരെയുള്ള ചാര പ്രവര്‍ത്തനങ്ങള്‍ക്കുള്ള ചൈനയുടെ പ്രധാന ആയുധം ഹുവായിയാണെന്നാണ് അമേരിക്കയുടെ ആരോപണം. ഇന്ത്യ രാജ്യസുരക്ഷയെ മാനിച്ച്​ ചൈനീസ്​ ആപുകൾ നിരോധിക്കുന്നതോടെ ഈ വാദങ്ങൾക്കും ആക്കം കൂടും. 

ആപ്​ നിരോധനം ചൈനയെ ബാധിക്കുന്നതെങ്ങനെ​?
കിഴക്കൻ ലഡാക്കിലെ ഗാൽവാൻ താഴ്​വരയിലെ ചൈനീസ്​ ആക്രമണത്തിൽ 20 ഇന്ത്യൻ സൈനികർ വീരമൃത്യു വരിച്ചതിനുശേഷം രാജ്യത്ത്​ ചൈനീസ്​ വിരുദ്ധ വികാരം ഉയർന്നുവന്നിരുന്നു. അതിന്​ പിന്തുണയെന്നോണം രാജ്യത്ത്​ ജനപ്രീതിയാർജിച്ച ടിക്​ടോക്കും എക്​​സ്​സെൻഡറും ഹലോയും അടക്കം 59ഓളം ആപുകൾ ഇന്ത്യ നിരോധിച്ചു. ഇന്ത്യയുടെ നിരോധനത്തിൽ ‘ആശങ്കാജനകം’ എന്നായിരുന്നു ചൈനീസ്​ വക്താവി​​െൻറ പ്രതികരണം. 

ഇന്ത്യയുടെ നിരോധനത്തിന്​ പ്രധാന കാരണമായി ചൂണ്ടിക്കാട്ടിയത്​ വ്യക്തിഗത വിവരങ്ങളുടെ സുരക്ഷയും രാജ്യസുരക്ഷയുമായിരുന്നു. ഇന്ത്യയെന്ന മുൻനിര വിപണിയിലെ ചൈനീസ്​ ആപുകളുടെ അപ്രതീക്ഷിത നിരോധനം ചൈന നേരിട്ട പ്രതീക്ഷിക്കാത്ത തിരിച്ചടിയായി. ഇതോടെ ആഗോള ശക്തിയായി മാറാനിരുന്ന ചൈനീസ്​ കമ്പനികളുടെയും സാ​ങ്കേതിക വിദ്യയുടെയും സുരക്ഷിതത്വം ചോദ്യം ചെയ്യപ്പെട്ടു. ടിക്​ടോക്​ ഉയർത്തുന്ന വ്യക്തിവിവര സുരക്ഷ ഭീഷണി നേരത്തേയും ഉയർന്നുവന്നിരുന്നു. എന്നാൽ നിരോധനത്തോടെ അതി​​െൻറ ആക്കം കൂട്ടി. 

പണി ആപുകൾക്ക്​ മാത്രമല്ല
ചൈനീസ്​ ആക്രമണത്തിന്​ ശേഷം ഉയർന്നുവന്ന ചൈനീസ്​ ഉൽപ്പന്ന ബഹിഷ്​കരണ ആഹ്വാനം ഒരു വിഭാഗത്തെ വളരെയധികം സ്വാധീനിച്ചുകഴിഞ്ഞു. പ്രമുഖ ഇ കൊമേഴ്​സ്​ കമ്പനികളായ ആ​​മസോൺ ഡോട്ട്​ കോം, ഫ്ലിപ്​കാർട്ട്​, വാൾമാർട്ട്​ തുടങ്ങിയ​വയോട്​ ഉൽപ്പന്നങ്ങൾ​ നിർമിച്ച സ്​ഥലം കാണിക്കണമെന്ന്​ നിർദേശം നൽകിയിരുന്നു.​ സ്വദേശി ഉൽപ്പന്നങ്ങൾക്ക്​ പ്രധാന്യം നൽകണമെന്ന ആഹ്വാനവും പലയിടത്തുനിന്നും​ ഉയർന്നുവന്നു. ഇലക്​ട്രോണിക്​സ്​ ഉൾപ്പെടെയുള്ള ഉൽപ്പന്നങ്ങളുടെ ഇറക്കുമതിക്കും നിയന്ത്രണം കൊണ്ടുവന്നു. ഇതോടെ ചൈനക്ക്​ കൈവിടുക കാലങ്ങളായി വളർത്തികൊണ്ടുവന്ന വൻ വിപണിയാകും.


 

Loading...
COMMENTS