നിർഭയ കേസ്​: യു.പിയോട്​ ആരാച്ചാർമാരെ തേടി തിഹാർ ജയിൽ

ന്യൂഡൽഹി: നിർഭയ ​കേസ്​ പ്രതികളെ തൂക്കിലേറ്റാൻ ഉത്തർപ്രദേശ്​ സർക്കാറി​നോട്​ ആരാച്ചർമാരെ തേടി തിഹാർ ജയിൽ. നിർഭയ കേസ്​ പ്രതികളുടെ വധശിക്ഷ ഉടൻ നടപ്പാക്കുമെന്ന വാർത്തകൾ പുറത്ത്​ വന്നതിന്​ പിന്നാലെയാണ്​ ജയിൽ അധികൃതരുടെ നീക്കം.

തീഹാർ ജയിലിന്​ ആരാച്ചാർമാരെ നൽകാൻ തടസ്സമില്ലെന്ന്​ ഉ​ത്തർപ്രദേശ്​ ജയിൽ എ.ഡി.ജി.പി ആനന്ദ്​ കുമാർ പറഞ്ഞു. തീഹാർ ജയിൽ ആവശ്യപ്പെട്ടാൽ ഉടൻ തന്നെ ആരാച്ചാർമാരെ നൽകാൻ കഴിയും. ഡിസംബർ ഒമ്പതിനാണ്​ ഇതിനുള്ള അപേക്ഷ ഡൽഹി ഉത്തർപ്രദേശിന്​ കൈമാറിയത്​. പവൻ ഗുപ്​ത, അക്ഷയ് സിങ്​​ താക്കൂർ, മുകേഷ്​ സിങ്​, വിനയ്​ ശർമ്മ എന്നിവരാണ്​ കേസിൽ വധശിക്ഷ കാത്തുകഴിയുന്നത്​

അതേസമയം, വധശിക്ഷക്കെതിരെ നിർഭയ കേസ്​ പ്രതിയായ അക്ഷയ്​ സിങ്​ താക്കൂർ നൽകിയ പുനഃപരിശോധന ഹരജി സുപ്രീംകോടതി ഡിസംബർ 17ന്​ പരിഗണിക്കും. അക്ഷയ്​ മാത്രമാണ്​ സുപ്രീംകോടതി വിധിക്കെതിരെ പുനഃപരിശോധന ഹരജി സമർപ്പിക്കാതിരുന്നത്​.