കൽപ്പന ചത്തത്​ കോവിഡ്​ ബാധിച്ചല്ല; ആശ്വാസത്തിൽ മൃഗശാല അധികൃതർ

ന്യൂഡൽഹി: ഡൽഹി മൃഗശാലയിലെ വെള്ളകടുവ കൽപ്പന ചത്തത്​ കോവിഡ്​ മൂലമല്ലെന്ന്​ മൃഗശാല അധികൃതർ. വൃക്കയുടെ പ്രവർത് തനം നിലച്ചതും പ്രായാധിക്യത്തെ തുടർന്നുള്ള പ്രശ്​നങ്ങളുമാണ്​ കടുവക്കുണ്ടായിരുന്നതെന്നും അധികൃതർ അറിയിച്ചു.

മറ്റു രോഗ ലക്ഷണ​ങ്ങളൊന്നും കടുവക്ക്​ ഉണ്ടായിരുന്നില്ല. കടുവക്ക്​ കോവിഡ്​ ബാധിച്ചിരുന്നോ എന്ന്​​ അറിയുന്നതിനായി സാമ്പിളുകൾ ഇന്ത്യൻ വെറ്റിനറി റിസർച്ച്​ ഇൻസ്​റ്റിറ്റ്യൂട്ടിലേക്ക്​ അയച്ചിരുന്നു. ഇതിൽ കോവിഡ്​ ബാധയില്ലെന്ന്​ സ്​ഥിരീകരിച്ചതായും അധികൃതർ അറിയിച്ചു​. ബുധനാഴ്​ച രാവിലെ ആറരയോടെയാണ്​ കടുവ ചത്തത്​.