ഷോപിയാനിൽ ഏറ്റുമുട്ടൽ; മൂന്നു ഭീകരരെ വധിച്ചു

ശ്രീനഗർ: ജമ്മു കശ്മീരിലെ ഷോപിയാൻ ജില്ലയിൽ സുരക്ഷാ സേന മൂന്നു ഭീകരരെ വധിച്ചു. ഹാദിപുര മേഖലയിലാണ് ഭീകരരുമായി ഏറ്റുമുട്ടലുണ്ടായത്.

ശനിയാഴ്ച രാത്രി ഒരു ഭീകരനും ഞായറാഴ്ച രാവിലെയോടെ രണ്ടു ഭീകരരും കൊല്ലപ്പെട്ടു.

പ്രദേശത്ത് തെരച്ചിൽ തുടരുകയാണെന്ന് പൊലീസ് അറിയിച്ചു.

വ്യാഴാഴ്ച ഇതേ മേഖലയിൽ സുരക്ഷാ സേന മൂന്ന് ഭീകരരെ വധിച്ചിരുന്നു. ഏറ്റുമുട്ടലിൽ ഒരു ജവാന് പരിക്കേൽക്കുകയും ചെയ്തിരുന്നു.