ഗോണികുപ്പയിൽ തകർന്നു വീണ കെട്ടിടത്തിൽ നിന്ന് മൂന്നു പേരെ രക്ഷപ്പെടുത്തി; രക്ഷാപ്രവർത്തനം തുടരുന്നു

വിരാജ്പേട്ട്: കുടകിലെ ഗോണികുപ്പയിൽ തകർന്നു വീണ കെട്ടിടത്തിൽ കുടുങ്ങിയ മൂന്നു പേരെ രക്ഷപ്പെടുത്തി. ഇവരെ ആശുപത്രിയിലേക്ക് മാറ്റി. ബാക്കിയുള്ള അഞ്ചു പേർക്ക് വേണ്ടിയുള്ള രക്ഷാപ്രവർത്തനം അഗ്നിശമനസേനയുടെ നേതൃത്വത്തിൽ പുരോഗമിക്കുകയാണ്.

ഉച്ചക്ക് മൂന്നു മണിയോടെ ഗോണി കുപ്പ-മൈസൂരു റോഡിൽ അമ്പൂർ ബിരിയാണി സെന്‍റർ പ്രവർത്തിക്കുന്ന കെട്ടിടമാണ് തകർന്നു വീണത്. ഹോട്ടൽ ജീവനക്കാരായ എട്ടു പേരാണ് കെട്ടിടത്തിനുള്ളിൽ കുടുങ്ങിയത്.