Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅവിഹിതം എതിർത്ത...

അവിഹിതം എതിർത്ത ഭർത്താവിനെ കൊന്നു; ഭാര്യയടക്കം മൂന്ന്​ പേരെ ഗ്രാമീണർ തല്ലിക്കൊന്നു

text_fields
bookmark_border
mob lynching
cancel

റാഞ്ചി: ഝാർഖണ്ഡിൽ ഗുംല ജില്ലയിൽ വീണ്ടും ആൾകൂട്ട കൊലപാതകം. അവിഹിത ബന്ധം എതിർത്ത ഭർത്താവിനെ കൊലപ്പെടുത്തിയെന്ന്​ സംശയിക്കുന്ന സ്​ത്രീയെയും കാമുകനെയും സുഹൃത്തിനെയുമാണ്​ ഗുംലയിലെ ഗ്രാമീണർ തല്ലിക്കൊലപ്പെടുത്തിയത്​.

കൊല്ലപ്പെട്ട സ്​ത്രീയുടെ ഭർത്താവിനെ മൂവരും ചേർന്ന്​ ശ്വാസം മുട്ടി കൊലപ്പെടുത്തിയതായാണ്​ വിവരം. മരിച്ചവരുമായി സ്​ത്രീയുടെ ബന്ധം ഭർത്താവ്​ എതിർത്തതിനെത്തുടർന്നാണ്​ കൊലപാതകമെന്നാണ്​ കരുതുന്നത്​.

സികോയ്​ പഞ്ചായത്തിലെ ദെരാഗ്​ദി ഗ്രാമത്തിൽ തിങ്കളാഴ്​ച രാത്രിയാണ്​ സംഭവം. 24 മണിക്കൂറിനിടെ ഗുംല ജില്ലയിൽ നടക്കുന്ന രണ്ടാമത്തെ ആൾകൂട്ട കൊലപാതകമാണിത്​.

42കാരനായ മരിയാനസ്​ കുജൂറിനെയാണ്​ മൂന്ന്​ പേർ ​ചേർന്ന്​ കൊലപ്പെടുത്തിയത്​. ഇയാളുടെ ഭാര്യ നിലം കജൂറിനെ കാണാനായാണ്​ സുദീപ്​ ദുൻദുങ്​ തിങ്കളാഴ്​ച രാത്രി ഗ്രാമത്തിലെത്തിയത്​. സുഹൃത്ത്​ പാകി കുല്ലുവിനോടൊപ്പമാണ്​ സുദീപ്​ ഗ്രാമത്തിലെത്തിയത്​. കൊലപാതകം ആസുത്രണം ചെയ്​ത അവർ രാത്രി തന്നെ കൃത്യം പൂർത്തിയാക്കി.

'ഗ്രാമീണർ നൽകിയ വിവരപ്രകാരം മരിയാനസിൻെറ ഭാര്യയുമായി അവിഹിതബന്ധം പുലർത്തിയ യുവാക്കൾ മറ്റ്​ സ്​ഥലങ്ങളിൽ നിന്നും ഗ്രാമത്തിലെത്തുകയായിരുന്നു. മരിയാനസിനെ കൊലപ്പെടുത്തവേ അദ്ദേഹം അലറിവിളിച്ചു. ഇത്​ കേട്ട്​ ഓടിയെത്തിയ കുടുംബാംഗങ്ങൾ, ബന്ധുക്കൾ, അയൽവാസികൾ, ഗ്രാമീണർ എന്നിവർ ചേർന്ന്​ മൂവരെയും കൊല്ലുകയായിരുന്നു'- ഗുംല പൊലീസ്​ സൂപ്രണ്ട്​ പി ജനാർദ്ദനൻ പറഞ്ഞു. സ്​ഥലത്തെത്തിയ മുതിർന്ന പൊലീസ്​ ഉദ്യോഗസ്​ഥർ മൃതദേഹങ്ങൾ പോസ്​റ്റ്​ മോർട്ടത്തിനയച്ചു.

കൊലപാതകത്തിനും ആൾകൂട്ട​​ക്കൊലക്കും വേറെ വേറെ എഫ്​.ഐ.ആർ രജിസ്​റ്റർ ചെയ്​തു.

Show Full Article
TAGS:mob lynching Jharkhan crime 
Next Story