ഡ​ൽ​ഹി നി​യ​മ​സ​ഭ തെ​രഞ്ഞെ​ടു​പ്പ്; താ​ഹി​ർ ഹു​സൈ​ന്‍റെ ജാ​മ്യ ഹ​ര​ജി​ ജനുവരി 28ന് പരിഗണിക്കും

ന്യൂ​ഡ​ൽ​ഹി: ഡ​ൽ​ഹി നി​യ​മ​സ​ഭാ തെര​ഞ്ഞെ​ടു​പ്പി​ൽ അ​ഖി​ലേ​ന്ത്യ മ​ജ്‍ലി​സെ ഇ​ത്തി​ഹാ​ദു​ൽ മു​സ്‍ലി​മൂ​ൻ സ്ഥാ​നാ​ർ​ഥി​യാ​യ മു​ൻ ആ​പ് കൗ​ൺ​സി​ല​ർ താ​ഹി​ർ ഹു​സൈ​ന്റെ ജാ​മ്യ ഹ​ര​ജി​ ജനുവരി 28ന് സുപ്രീം കോടതി വീണ്ടും പരിഗണിക്കും. നിയമസഭ തെരഞ്ഞെടുപ്പ് പ്രചാരണത്തിനായാണ് താഹിർ ഹുസൈൻ ഇടക്കാല ജാമ്യം തേടിയത്. ജാമ്യഹരജി ജസ്റ്റിസുമാരായ വിക്രം നാഥ്, സഞ്ജയ് കരോൾ, സന്ദീപ് മേത്ത എന്നിവരടങ്ങിയ ബെഞ്ച് പരിഗണിക്കും.

ജനുവരി 22ന് സുപ്രീംകോടതിയുടെ രണ്ടംഗ ബെഞ്ച് ഭിന്ന വിധി പുറപ്പെടുവിച്ചതിനെത്തുടർന്ന് ഹുസൈന് ഇടക്കാല ജാമ്യം നേടാനായില്ല. ജ​സ്റ്റി​സ് പ​ങ്ക​ജ് മി​ത്ത​ൽ ജാ​മ്യ ഹ​ര​ജി ത​ള്ളി​യും ജ​സ്റ്റി​സ് അ​ഹ്സ​നു​ദ്ദീ​ൻ അ​മാ​നു​ല്ല ഇ​ട​ക്കാ​ല ജാ​മ്യം അ​നു​വ​ദി​ച്ചും വെ​വ്വേറെ വി​ധി​യാണ് എഴുതിയത്.

മുസ്തഫാബാദ് മണ്ഡലത്തിൽ നിന്ന് നാമനിർദ്ദേശ പത്രിക സമർപ്പിക്കാൻ ജനുവരി 14ന് ഹുസൈന് ഡൽഹി ഹൈകോടതി കസ്റ്റഡി പരോൾ അനുവദിച്ചു. എന്നാൽ തെരഞ്ഞെടുപ്പിനായി ജാമ്യം നൽകിയാൽ ഓ​രോ വ​ർ​ഷ​വും തെ​ര​ഞ്ഞെ​ടു​പ്പ് ന​ട​ക്കു​ന്ന രാ​ജ്യ​ത്ത് ജ​യി​ലി​ലു​ള്ള ഓ​രോ ത​ട​വു​കാ​ര​നും മ​ത്സ​രി​ക്കാ​ൻ ജാ​മ്യം ചോ​ദി​ച്ച് വ​രു​ന്ന സാ​ഹ​ച​ര്യ​മു​ണ്ടാ​കു​മെ​ന്നാണ് ജ​സ്റ്റി​സ് മി​ത്ത​ൽ പ​റ​ഞ്ഞത്. ഉ​ചി​ത​മാ​യ ഉ​പാ​ധി​ക​ളോ​ടെ ഫെ​ബ്രു​വ​രി നാ​ലു​വ​രെ താ​ഹി​ർ ഹു​സൈ​ന് ജാ​മ്യം അ​നു​വ​ദി​ക്കാ​മെ​ന്നാ​ണ് ത​ന്റെ കാ​ഴ്ച​പ്പാ​ടെ​ന്ന് ജ​സ്റ്റി​സ് അ​ഹ്സ​നു​ദ്ദീ​ൻ അ​മാ​നു​ല്ല വി​ധി​യി​ൽ വ്യ​ക്ത​മാ​ക്കി.

ആ​പ് നേ​താ​വും കൗ​ൺ​സി​ല​റു​മാ​യി​രു​ന്ന താ​ഹി​ർ ഹു​സൈ​നെ പൗ​ര​ത്വ സ​മ​രം കൊ​ടു​മ്പി​കൊ​ണ്ട​പ്പോ​ഴു​ണ്ടാ​യ ഡ​ൽ​ഹി ക​ലാ​പ​വു​മാ​യി ബ​ന്ധ​പ്പെ​ട്ട 10 കേ​സു​ക​ളി​ലാ​ണ് പ്ര​തി​യാ​ക്കി​യ​ത്. ഇ​വ​യി​ലെ​ല്ലാം ജ​ന​ത്തെ അ​ക്ര​മ​ത്തി​ന് പ്രേ​രി​പ്പി​ച്ച കു​റ്റ​മാ​ണ് താ​ഹി​റി​നെ​തി​രെ ചു​മ​ത്തി​യി​രു​ന്ന​ത്. ഒ​മ്പ​ത് കേ​സു​ക​ളി​ലും താ​ഹി​റി​ന് ജാ​മ്യം അ​നു​വ​ദി​ച്ചു.

ഡ​ൽ​ഹി ക​ലാ​പ​ത്തി​നി​ടെ ഇ​ന്റ​ലി​ജ​ൻ​സ് ബ്യൂ​റോ ഉ​ദ്യോ​ഗ​സ്ഥ​ൻ അ​ങ്കി​ത് ശ​ർ​മ കൊ​ല്ല​​പ്പെ​ട്ട കേ​സി​ൽ മാ​ത്ര​മാ​ണ് ജാ​മ്യം അ​നു​വ​ദി​ക്കാ​തി​രു​ന്ന​ത്. ഈ ​കേ​സി​ൽ ജാ​മ്യം ന​ൽ​കു​ന്ന​ത് സം​ബ​ന്ധി​ച്ച് നി​ല​പാ​ട് അ​റി​യി​ക്കാ​ൻ ജ​സ്റ്റി​സ് പ​ങ്ക​ജ് മി​ത്ത​ൽ അ​ധ്യ​ക്ഷ​നാ​യ ബെ​ഞ്ച് ഡ​ൽ​ഹി പൊ​ലീ​സി​നോ​ട് ചൊ​വ്വാ​ഴ്ച ആ​വ​ശ്യ​പ്പെ​ട്ടി​രു​ന്നു. ബു​ധ​നാ​ഴ്ച വീ​ണ്ടും വാ​ദം കേ​ട്ട​പ്പോ​ഴാ​ണ് ഡി​വി​ഷ​ൻ ബെ​ഞ്ചി​ലെ ര​ണ്ട് ജ​ഡ്ജി​മാ​രു​ടെ ഭി​ന്ന വി​ധി​യു​ണ്ടാ​യ​ത്.