ബംഗാളിൽ 15 ഇടങ്ങളിൽ ​ബോംബ്​ ആക്രമണം; മൂന്നുപേർക്ക്​ പരിക്ക്​

കൊൽക്കത്ത: ബംഗാളിൽ ബുധനാഴ്ച രാത്രിയുണ്ടായ ബോംബ്​ ആക്രമണത്തിൽ ഒരു കുട്ടിയടക്കം മൂന്നുപേർക്ക്​ പരിക്ക്​. ​േനാർത്ത്​ 24 പർഗാനാസ്​ ജില്ലയിലെ ജഗത്​ലാൽ 17ാം നമ്പർ ഗാലിയിലാണ്​ സംഭവം. ബി.ജെ.പി എം.പി അർജുൻ സിങ്ങിന്‍റെ വീടിന്​ സമീപമാണ്​ ആക്രമണം.

നഗരത്തിലെ 15ഓളം ഇടങ്ങളിൽ ബോംബാക്രമണം നടത്തിയതായും അക്രമികൾ സി.സി.ടി.വികൾ തകർത്തതായും പ്രദേശവാസികൾ പറഞ്ഞു. അജ്ഞാതരായ ചിലർ കൂട്ടം ചേർന്ന്​ നഗരത്തിലേക്കെത്തിയ ശേഷം ബോംബെറിയുകയായിരുന്നുവെന്ന്​ പ്രദേശവാസികൾ പറഞ്ഞു.

ആരാണ്​ ബോംബെറിഞ്ഞ​തെന്നോ, ആക്രമണത്തിന്‍റെ ലക്ഷ്യമെന്തണെ​േന്നാ വ്യക്തമായിട്ടില്ല.ആക്രമണം നടന്നയുടൻ ജഗത്​ലാൽ പൊലീസ്​ സ്​ഥല​െത്തത്തി. എന്നാ​ൽ പൊലീസിനെതിരെ പ്രതിഷേധവുമായി പ്രദേശവാസികൾ തടിച്ചുകൂടി. പൊലീസ്​ നോക്കിനിൽക്കെ ഒരു ബോംബെറിഞ്ഞതായും പ്രദേശവാസികൾ ആരോപിച്ചു.

പൊലീസിന്​ പിന്നാലെ അർജുൻ സിങ്​ എം.പിയും സ്​ഥലത്തെത്തി. കുറ്റക്കാരെ കണ്ടത്തണമെന്നും സ്​ഥലത്തുനിന്ന്​ പൊലീസ്​ പിരിഞ്ഞുപോകണമെന്നും അദ്ദേഹം ആവശ്യപ്പെട്ടു. കഴിഞ്ഞ 10-12 ദിവസമായി പൊലിസിനെ വിളിക്കുന്ന​ുണ്ടെന്നും എന്നാൽ ജനങ്ങളുടെ സുരക്ഷ ഉറപ്പുവരുത്താൻ ​െപാലീസ്​ ഒന്നും ചെയ്​തില്ലെന്നും അർജുൻ സിങ്​ ആരോപിച്ചു

ബോംബ്​ ആക്രമണം വീണ്ടുമുണ്ടായ സാഹചര്യത്തിൽ​ തെരഞ്ഞെടുപ്പ്​ കമീഷനെ വിവരം അറിയിക്കും. ഭരണപക്ഷത്തിന്‍റെ നിർദേശപ്രകാരം പൊലീസ്​ യാതൊരു നടപടിയും സ്വീകരിക്കില്ലെന്നും അർജുൻ സിങ്​ കൂട്ടിച്ചേർത്തു

കഴിഞ്ഞദിവസം ബോംബ്​ നിർമാണത്തിനിടെ ബംഗാളിലെ ഒരു ബി.ജെ.പി പ്രവർത്തകൻ കൊല്ലപ്പെട്ടിരുന്നു. തുടർന്ന്​ ​െപാലീസ്​ നടത്തിയ ​തിരച്ചിലിൽ ബോംബ്​ നിർമാണ സാമഗ്രികൾ കണ്ടെടുക്കുകയും ചെയ്​തിരുന്നു.