ഇ​ന്ത്യ​ക്കാ​രെ കൊ​ല്ലു​ന്ന​വ​ർ പ്ര​ത്യാ​ഘാ​തം അ​നു​ഭ​വി​ക്കേ​ണ്ടി​വ​രും -ശ​ശി ത​രൂ​ർ

ന്യൂ​യോ​ർ​ക്: പാ​കി​സ്താ​നി​ൽ സു​ഖ​മാ​യി​രു​ന്ന് ഇ​ന്ത്യ​ൻ പൗ​ര​ന്മാ​രെ കൊ​ന്നൊ​ടു​ക്കാ​ൻ ആ​രെ​യും അ​നു​വ​ദി​ക്കി​ല്ലെ​ന്ന് ശ​ശി ത​രൂ​ർ. അ​ങ്ങ​നെ ചെ​യ്യു​ന്ന​വ​ർ അ​തി​ന് വി​ല​കൊ​ടു​ക്കേ​ണ്ടി​വ​രു​മെ​ന്നും അ​ദ്ദേ​ഹം പ​റ​ഞ്ഞു. ന്യൂ​യോ​ർ​ക്കി​ലെ ഇ​ന്ത്യ​ൻ കോ​ൺ​സു​ലേ​റ്റ് ജ​ന​റ​ൽ സം​ഘ​ടി​പ്പി​ച്ച ഇ​ന്ത്യ​ൻ-​അ​മേ​രി​ക്ക​ൻ സ​മൂ​ഹ​ത്തി​ലെ തി​ര​ഞ്ഞെ​ടു​ത്ത പ്ര​മു​ഖ​രു​മാ​യും പ്ര​മു​ഖ മാ​ധ്യ​മ​ങ്ങ​ളി​ലെ​യും തി​ങ്ക് ടാ​ങ്ക് അം​ഗ​ങ്ങ​ളു​മാ​യു​മു​ള്ള കൂ​ടി​ക്കാ​ഴ്ച​യി​ൽ സം​സാ​രി​ക്കു​ക​യാ​യി​രു​ന്നു ത​രൂ​ർ.

ഓ​പ​റേ​ഷ​ൻ ‘സി​ന്ദൂ​ർ’ സം​ബ​ന്ധി​ച്ച് ലോ​ക രാ​ജ്യ​ങ്ങ​ളോ​ട് വി​ശ​ദീ​ക​രി​ക്കാ​ൻ എ​ത്തി​യ​താ​യി​രു​ന്നു ത​രൂ​രി​ന്റെ നേ​തൃ​ത്വ​ത്തി​ലു​ള്ള പ്ര​തി​നി​ധി​സം​ഘം. അ​തി​ർ​ത്തി​ക​ട​ന്നെ​ത്തി ഇ​ന്ത്യ​ക്കാ​രെ കൊ​ന്നി​ട്ട് വെ​റു​തെ പോ​കാ​ൻ ആ​രെ​യും അ​നു​വ​ദി​ക്കി​ല്ലെ​ന്ന​താ​ണ് പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​ന് ശേ​ഷ​മു​ള്ള പു​തി​യ രീ​തി. പാ​കി​സ്താ​നി​ലെ​യും പാ​ക് അ​ധീ​ന ക​ശ്മീ​രി​ലെ​യും ഭീ​ക​ര​കേ​ന്ദ്ര​ങ്ങ​ളാ​ണ് ഓ​പ​റേ​ഷ​ൻ സി​ന്ദൂ​റി​ലൂ​ടെ ഇ​ന്ത്യ ല​ക്ഷ്യം​വെ​ച്ച​ത്. തീ​വ്ര​വാ​ദി​ക​ൾ​ക്ക് കൃ​ത്യ​മാ​യ സ​ന്ദേ​ശ​മാ​ണ് ന​ൽ​കി​യ​ത്.

രാ​ജ്യ​ത്തി​ന്റെ പു​രോ​ഗ​തി​യി​ലും സാ​ങ്കേ​തി​ക വ​ള​ർ​ച്ച​യി​ലു​മാ​ണ് ഞ​ങ്ങ​ളു​ടെ ശ്ര​ദ്ധ. ആ​ളു​ക​ളെ ദാ​രി​ദ്ര്യ​ത്തി​ൽ​നി​ന്ന് ക​ര​ക​യ​റ്റു​ന്ന​തി​ലും അ​വ​രെ 21ാം നൂ​റ്റാ​ണ്ടി​ന്റെ അ​വ​സ​ര​ങ്ങ​ളി​ലേ​ക്ക് കൈ​പി​ടി​ച്ചു​യ​ർ​ത്താ​നു​മാ​ണ് ഞ​ങ്ങ​ൾ ഊ​ന്ന​ൽ ന​ൽ​കു​ന്ന​ത്. ഇ​ന്ത്യ നി​ര​ന്ത​രം എ​ല്ലാ ശ്ര​മ​ങ്ങ​ളും ന​ട​ത്തി​യി​ട്ടും ഭീ​ക​ര​രെ ശി​ക്ഷി​ക്കാ​നോ അ​വ​രു​ടെ താ​വ​ള​ങ്ങ​ൾ ഇ​ല്ലാ​താ​ക്കാ​നോ പാ​കി​സ്താ​ൻ ചെ​റു​വി​ര​ല​ന​ക്കി​യി​ല്ല. സ്വ​യം പ്ര​തി​രോ​ധി​ക്കാ​നു​ള്ള അ​വ​കാ​ശം ഇ​ന്ത്യ​ക്കു​ണ്ട്. ആ ​അ​വ​കാ​ശം രാ​ജ്യം വി​നി​യോ​ഗി​ച്ചു -ത​രൂ​ർ പ​റ​ഞ്ഞു. നേ​ര​ത്തേ, 9/11 സ്മാ​ര​കം സ​ന്ദ​ർ​ശി​ച്ച പ്ര​തി​നി​ധി​സം​ഘം ഭീ​ക​രാ​ക്ര​മ​ണ​ത്തി​ൽ കൊ​ല്ല​പ്പെ​ട്ട​വ​ർ​ക്ക് ആ​ദ​രാ​ഞ്ജ​ലി അ​ർ​പ്പി​ച്ചു.

ത​രൂ​ർ ന​യി​ക്കു​ന്ന സം​ഘ​ത്തി​ൽ സ​ർ​ഫ​റാ​സ് അ​ഹ്മ​ദ് (ജെ.​എം.​എം), ഗ​ന്തി ഹ​രീ​ഷ് മ​ധു​ർ ബാ​ല​യോ​ഗി (ടി.​ഡി.​പി), ശ​ശാ​ങ്ക് മ​ണി ത്രി​പാ​ഠി (ബി.​ജെ.​പി), ഭു​വ​നേ​ശ്വ​ർ ക​ലി​ത (ബി.​ജെ.​പി), മി​ലി​ന്ദ് ദി​യോ​റ (ശി​വ​സേ​ന), തേ​ജ​സ്വി സൂ​ര്യ (ബി.​ജെ.​പി) എ​ന്നി​വ​രാ​ണു​ള്ള​ത്. ഞാ​യ​റാ​ഴ്ച അ​മേ​രി​ക്ക​യി​ൽ​നി​ന്ന് പ്ര​തി​നി​ധി​സം​ഘം ഗ​യാ​ന​യി​ലേ​ക്ക് തി​രി​ച്ചു.

പ​നാ​മ, കൊ​ളം​ബി​യ, ബ്ര​സീ​ൽ എ​ന്നീ രാ​ജ്യ​ങ്ങ​ളും സം​ഘം സ​ന്ദ​ർ​ശി​ക്കും. ജൂ​ൺ മൂ​ന്നി​ന് യു.​എ​സി​ലേ​ക്ക് മ​ട​ങ്ങും. ക​നി​െ​മാ​ഴി​യു​ടെ നേ​തൃ​ത്വ​ത്തി​ൽ റ​ഷ്യ സ​ന്ദ​ർ​ശി​ക്കു​ന്ന പ്ര​തി​നി​ധി​സം​ഘം ഓ​പ​റേ​ഷ​ൻ സി​ന്ദൂ​ർ സം​ബ​ന്ധി​ച്ച് റ​ഷ്യ​ൻ നേ​തൃ​ത്വ​ത്തോ​ട് വി​ശ​ദീ​ക​രി​ച്ചു. ബ​ഹ്റൈ​ൻ, ഖ​ത്ത​ർ എ​ന്നീ രാ​ജ്യ​ങ്ങ​ളി​ലും പ്ര​തി​നി​ധി സം​ഘ​മെ​ത്തി.