തനി​െക്കതിരെ ഗൂഢാലോചന നടത്തുന്നവർ മണ്ണു കപ്പേണ്ടി വരുമെന്ന്​ മോദി

ബറൂച്ച്​: യു.പി.എ സർക്കാർ വികസന വിരോധികളും ശരിയായ നയങ്ങൾ രൂപീകരിക്കാൻ കഴിയാത്തവരുമായിരുന്നെന്ന്​ പ്രധാനമന്ത്രി നരേന്ദ്ര മോദി. തനിക്കെതി​െര ഗൂഢാലോചന നടത്തുന്നവർ മണ്ണു കപ്പേണ്ടി വരു​െമന്നും മോദി ഭീഷണിപ്പെടുത്തി. പ്രധാനമന്ത്രിയായതിനു ശേഷം ആദ്യമായി ഇന്നലെ സ്വദേശമായ വാദ്​​നഗർ ടൗൺ സന്ദർശിച്ച ശേഷം സംസാരിക്കുകയായിരുന്നു അദ്ദേഹം.

​വാദ്​നഗർ സന്ദർശിച്ച മോദി പുരാതനമായ ഹത്​കേശ്വർ മഹാദേവ്​ ക്ഷേത്രത്തിലെത്തി പ്രാർഥിച്ചു.  തനിക്കു നേ​െര ചീറ്റിയ വിഷം കുടിച്ചിറക്കാനും ദഹിപ്പിക്കാനും  ഭഗവാൻ ശിവനാണ്​ ശക്​തി നൽകുന്നതെന്ന്​ മോദി പറഞ്ഞു. അതുകൊണ്ടാണ്​ 2001 മുതൽ തനിക്കെതിരെ വിഷം ചീറ്റുന്നവരെ പ്രതിരോധിക്കാൻ സാധിച്ചത്​. ഇൗ ശക്​തി മാതൃരാജ്യത്തെ സേവിക്കാൻ ഉപയോഗപ്പെടുത്താനും തനിക്കായി. ഞാൻ മോദിയാണ്​. ഗാന്ധിയുടെയും സർദാർ വല്ലഭായ്​ പ​േട്ടലി​​െൻറയും നാട്ടിൽ നിന്ന്​ വന്നവൻ. എത്ര കള്ളൻമാർ വന്നാലും പോയാലും ആത്യന്തിക വിജയം സത്യത്തിനായിരിക്കുമെന്നും മോദി പറഞ്ഞു. 

30 മിനിട്ടു നീണ്ട പ്രസംഗത്തിൽ കോൺഗ്രസിനെ പേരെടുത്ത്​ പറയാതെ വിമർശിച്ചു. നേരത്തെയുണ്ടായിരുന്ന സർക്കാൻ വികസന വിരുദ്ധരായിരുന്നു. രാജ്യത്ത്​ ഒരു ആരോഗ്യ നയം രൂപീകരിക്കാൻ അടൽ ബിഹാരി വാജ്​പെയ്​ പ്രധാനമന്ത്രിയാകേണ്ടി വന്നു​െവന്നും മോദി പറഞ്ഞു.