സ്​റ്റെർലൈറ്റ്​ രണ്ടു​ മാസത്തിനകം തുറക്കും -കമ്പനി സി.ഇ.ഒ

ചെന്നൈ: തൂത്തുക്കുടി സ്​റ്റെർലൈറ്റ്​ ചെമ്പ്​ സംസ്​കരണശാല​ രണ്ടു​മാസത്തിനകം തുറക്കുന്നതിന്​ ആവശ്യമായ നടപട ി സ്വീകരിച്ചുവരുകയാണെന്ന്​ കമ്പനി സി.ഇ.ഒ രാംനാഥ്​ അറിയിച്ചു. ചില സാ​േങ്കതികമായ പ്രശ്​നങ്ങളുന്നയിച്ചാണ്​ തമിഴ ്​നാട്​ മലിനീകരണ നിയന്ത്രണബോർഡ്​ കമ്പനി അടച്ചുപൂട്ടിയത്​. ഇത്​ പരിഹരിച്ച്​ മൂന്നാഴ്​ചക്കകം പ്ലാൻറ്​ തുറക്കാനും വൈദ്യുതി ലഭ്യമാക്കാനും ഇൗയിടെ ദേശീയ ഹരിത ട്രൈബ്യൂണൽ ഉത്തരവിട്ടിരുന്നു.

തൂത്തുക്കുടിയിലെ ജനങ്ങളെ ഒരുവിധത്തിലും ബാധിക്കാത്തവിധത്തിലാണ്​ പ്ലാൻറ്​ പ്രവർത്തിക്കുക. ഇതിനാവശ്യമായ മുൻകരുതൽ നടപടികൾ കൈക്കൊള്ളും. ജനക്ഷേമപ്രവർത്തനങ്ങളുടെ ഭാഗമായി നൂറുകോടി രൂപ ചെലവിൽ സ്​മാർട്ട്​ സ്​കൂൾ, അത്യാധുനിക സൗകര്യങ്ങളോടു​കൂടിയ ആശുപത്രി തുടങ്ങിയവ നിർമിക്കും. ട്രൈബ്യൂണൽ ഉത്തരവിനെതിരെ തമിഴ്​നാട്​ സർക്കാർ സമർപ്പിച്ച അപ്പീൽഹരജി നിയമപരമായി നേരിടും.
അതിനിടെ, കമ്പനിക്കെതിരായി വിവിധ സംഘടനകൾ തൂത്തുക്കുടിയിൽ പ്രതിഷേധവുമായി രംഗത്തിറങ്ങി.