'ടെൻഷനടിക്കരുത്​, പണം ഞാൻ മടക്കി നൽകും'; ജവാന്‍റെ വീട്ടിലെ കവർച്ചക്ക്​ ശേഷം മാപ്പെഴുതി ഒരു കള്ളൻ​

ഭോപാൽ: ബന്ധുവീട്ടിൽ സന്ദർശനത്തിന്​ പോയി മടങ്ങിയെത്തിയ സ്​പെഷ്യൽ ആംഡ്​ ഫോഴ്​സിലെ ജവാൻ രാകേഷ്​ കുമാർ മൗര്യയുടെ കുടുംബം കണ്ടത്​ വീടിന്‍റെ പൂട്ട്​ തകർത്ത ശേഷം മോഷണം നടത്തിയ കാഴ്ചയാണ്​​. എന്നാൽ മോഷ്​ടാവ്​ അവിടെ ഉപേക്ഷിച്ച്​ പോയ ഒരു കുറിപ്പാണ്​ അവരെ ആശ്ചര്യപ്പെടുത്തിയത്​.

'ക്ഷമിക്കണം സുഹൃത്തേ, ഒരു അത്യാവശ്യമുണ്ടായിരുന്നു. ഇപ്പോൾ ഞാൻ ഇതു ചെയ്​തില്ലെങ്കിൽ എനിക്കെന്‍റെ സുഹൃത്തിനെ നഷ്​ടമാകും. ടെൻഷനടിക്കരുത്​, എനിക്ക്​ പണം ലഭിക്കു​േമ്പാൾ ഞാൻ അത്​ തീർച്ചയായും മടക്കി നൽകും. പണത്തിന്‍റെ കാര്യം ഓർത്ത്​ ടെൻഷൻ ആകരുത്​'-കള്ളൻ എഴുതി. മധ്യപ്രദേശിലെ ഭിന്ദിലുള്ള ഭീം നഗറിലാണ്​ സംഭവം. സ്വർണവും വെള്ളിയുമടക്കം വീട്ടിലെ വിലപിടിപ്പുള്ള നിരവധി സാധനങ്ങൾ മോഷണം പോയിട്ടുണ്ട്​.

ജവാന്‍റെ വീട്ടിൽ നടന്ന മോഷണമല്ല മറിച്ച്​ കള്ളൻ ഉപേക്ഷിച്ച്​ പോയ കുറിപ്പാണ്​ തലക്കെട്ടുകളിൽ ഇടം നേടിയത്​. ഛത്തിസ്​ഗഢ്​ എസ്​.എ.എഫിൽ ജവാനായ രാകേഷ്​ കുമാറിന്‍റെ വീട്ടിൽ ഭാര്യ റീമ മൗര്യയും കുട്ടികളുമാണ്​ താമസിച്ചിരുന്നത്​.

ജൂൺ 30ന്​ മക്കളെയും കൂട്ടി റീമ പോർസയിലുള്ള മാതാപിതാക്കളെ​ സന്ദർശിക്കാൻ​ പോയതായിരുന്നു. ജൂലൈ അഞ്ചിനാണ്​ റീമയും കുടുംബവും പിന്നീട്​ മടങ്ങിയെത്തിയത്​. സംഭവ സ്​ഥലത്തെത്തിയ പൊലീസ്​ കുറിപ്പ്​ പരിശോധിച്ചു. കുടുംബവുമായി അടുത്ത പരിചയമുള്ള ആരെങ്കിലുമായിരിക്കും കവർച്ചക്ക്​ പിന്നിലെന്നാണ്​ പൊലീസ്​ നിഗമനം. പൊലീസ്​ കേസ്​ രജിസ്റ്റർ ചെയ്​ത്​ അന്വേഷണം ആരംഭിച്ചു.