'അവർ എന്‍റെ മോനെ കൊന്നു' -ഹൃദയം തകർന്ന്​ അസമിലെ പൊലീസ്​ നരനായാട്ടിൽ കൊല്ലപ്പെട്ടയാളുടെ കുടുംബം

ധോൽപൂർ: മനുഷ്യത്വം മരവിച്ച കൊടുംക്രൂരതക്കായിരുന്നു വ്യാഴാഴ്​ച അസമിലെ ധോൽപൂർ സാക്ഷ്യം വഹിച്ചത്​. കിടപ്പാടത്തിൽനിന്ന്​ ആട്ടിയോടിക്കപ്പെട്ട 5,000ഒാളം നിർധന മനുഷ്യർ നടത്തിയ പ്രതിഷേധം അടിച്ചൊതുക്കാൻ​ പൊലീസ്​ നരനായാട്ടാണ്​​ നടത്തിയത്​. ബി.ജെ.പി സർക്കാറിന്‍റെ വംശീയ ഉൻമൂലന അജണ്ട നടപ്പാക്കുന്ന കൂലിപ്പടയായി പൊലീസ്​ മാറിയതിന്‍റെ ഭീകര ദൃശ്യങ്ങൾ ലോകം ​േനരിൽ കണ്ടു.

​പൊലീസ്​ നെഞ്ചിൽ വെടിയുതിർത്ത്​ ​കൊന്ന 30കാരന്‍റെ മൃതശരീരത്തിൽ ആഞ്ഞാഞ്ഞ്​ ചവിട്ടുന്ന സർക്കാർ ഫോ​ട്ടോഗ്രാഫർ ബിജോയ്​ ശങ്കർ ബനിയ ഈ ഭീകരതയുടെ മുഖമായി മാറി. മനുഷ്യത്വം തൊട്ടുതീണ്ടിയിട്ടില്ലാത്ത ആ കാപാലികൻ ചവിട്ടിമെതിച്ചത്​ മൂന്ന്​ പിഞ്ചുകുട്ടികളുടെ പിതാവിനെയായിരുന്നു. വൃദ്ധരായ മാതാപിതാക്കളുടെ ഏക ആശ്രയം കൂടിയായിരുന്നു ​ലുങ്കിയും ബനിയനും ധരിച്ച മൊഈനുൽ ഹഖ്​ എന്ന ആ യുവാവ്​.

'അവർ എന്‍റെ മോനെ കൊന്നു...!'മാധ്യമപ്രവർത്തകരുടെ ചോദ്യങ്ങൾക്കുമുന്നിൽ വാക്കുകൾ മുഴുമിക്കാനാവാതെ ആ വൃദ്ധ പിതാവ്​ നിലവിളിച്ചു. ''മൃതദേഹം ജെസിബിയില്‍ കെട്ടിത്തൂക്കി വലിച്ചുകൊണ്ടുപോയി... ഏക ആശ്രയമായിരുന്നു അവന്‍. ഞങ്ങള്‍ ബംഗ്ലാദേശികളാണോ? ആണെങ്കില്‍ ഞങ്ങളെ അങ്ങോട്ടേക്കയക്കൂ...''-അദ്ദേഹം പറഞ്ഞു.

സമീപം​ കരഞ്ഞ്​ തളർന്ന കണ്ണുകളുമായി മൊഈനുലിന്‍റെ അമ്മയും ഭാര്യയും മക്കളുമുണ്ടായിരുന്നു. വൻ പൊലീസ്​ സന്നാഹം ഇവരുടെ കുടുംബത്തെ തിങ്കളാഴ്ച വീടുകളിൽ നിന്ന് വേരോടെ പിഴുതെറിഞ്ഞതാണ്​. വ്യാഴാഴ്ച മകനെ കൊന്ന്​ മൃതദേഹം ചവിട്ടിമെതിക്കുകയും ചെയ്​തു. ഇപ്പോൾ ടിൻഷീറ്റ്​ മേഞ്ഞ താൽക്കാലിക കൂരയിലാണ്​ കുടുംബത്തിന്‍റെ താമസം. ഏഴും രണ്ടും വയസ്സുള്ള രണ്ട് ആൺകുട്ടികളും അഞ്ചുവയസ്സുള്ള ഒരു പെൺകുട്ടിയുമാണ്​ മുഈനുൽഹഖിനുള്ളത്​.

ബം​ഗാ​ളി സം​സാ​രി​ക്കു​ന്ന മു​സ്​​ലിം​ക​ൾ കൂ​ടു​ത​ലാ​യി താ​മ​സി​ക്കു​ന്ന സി​പാ​ജ​ർ റ​വ​ന്യൂ സ​ർ​ക്കി​ളി​നു കീ​ഴി​ലെ ധോ​ൽ​പു​ർ ഗ്രാ​മ​ത്തി​ലാ​യി​രു​ന്നു കു​ടി​യൊ​ഴി​പ്പി​ക്ക​ൽ. ഇ​വി​ടെ സ​ർ​ക്കാ​ർ ഭൂ​മി കൈ​യേ​റി എ​ന്നാ​ണ്​ അ​ധി​കൃ​ത​ർ പ​റ​യു​ന്ന​ത്. 1500 പൊ​ലീ​സു​കാ​രു​ടെ മേ​ൽ​നോ​ട്ട​ത്തി​ൽ​ 14 മ​ണ്ണു​മാ​ന്തി​യ​ന്ത്രം ഉ​പ​യോ​ഗി​ച്ച്​ വീ​ടു​ക​ൾ പൊ​ളി​ക്കാ​ൻ തു​ട​ങ്ങി​യ​ത് പ്ര​തി​രോ​ധി​ച്ച പ്ര​ദേ​ശ​വാ​സി​ക​ളെ അ​തി​ക്രൂ​ര​മാ​യാ​ണ്​ പൊ​ലീ​സ്​ നേ​രി​ട്ട​ത്.

പ്ര​തി​ഷേ​ധ​ത്തെ അ​ടി​ച്ച​മ​ർ​ത്തി നാ​ലു​ പ​ള്ളി​ക​ൾ അ​ട​ക്കം ഇ​വി​ടെ പൊ​ളി​ച്ചു​മാ​റ്റി. 1970 മു​ത​ൽ ത​ങ്ങ​ൾ ഇ​വി​ടെ താ​മ​സി​ക്കു​ന്ന​വ​രാ​ണെ​ന്നും എ​വി​ടേ​ക്ക്​ പോ​കാ​നാ​ണെ​ന്നും പ്ര​ദേ​ശ​വാ​സി​ക​ൾ ചോ​ദി​ക്കു​ന്നു.

സെ​പ്റ്റം​ബ​ർ 18നാ​ണ്​ ക​ട​ക​ൾ പൊ​ളി​ച്ചു​മാ​റ്റ​ണ​മെ​ന്ന് ​ആ​വ​ശ്യ​പ്പെ​ട്ട്​ അ​റി​യി​പ്പ്​ ല​ഭി​ച്ച​തെ​ന്ന്​ ന​മ്പ​ർ മൂ​ന്ന്​ ധോ​ൽ​പു​ർ ഗ്രാ​മ​ത്തി​ലെ താ​മ​സ​ക്കാ​ര​നും ക​ട​യു​ട​മ​യു​മാ​യ മി​ർ സി​റാ​ജു​ൽ ഹ​ഖ് (47) പ​റ​യു​ന്നു. ഞ​ങ്ങ​ളു​ടെ ഗ്രാ​മ​ത്തി​ലെ 22 ക​ട​ക​ൾ പൊ​ളി​ച്ചു​മാ​റ്റി. കോ​വി​ഡ്​ പ​ക​ർ​ച്ച​വ്യാ​ധി​യു​ടെ ന​ടു​വി​ൽ ഞ​ങ്ങ​ൾ എ​വി​ടെ പോ​കും -സി​റാ​ജു​ൽ ഹ​ഖ് ചോ​ദി​ക്കു​ന്നു.

എ​ന്നാ​ൽ, സ​മാ​ധാ​ന​പൂ​ർ​വം ന​ട​ന്ന ഒ​ഴി​പ്പി​ക്ക​ലി​െൻറ അ​വ​സാ​നം പ്ര​തി​ഷേ​ധ​ക്കാ​ർ ക​ല്ലു​ക​ളും മു​ള​ക​ളും ഉ​പ​യോ​ഗി​ച്ച്​ പൊ​ലീ​സി​നെ ആ​ക്ര​മി​ച്ച​താ​യി പൊ​ലീ​സ്​ മേ​ധാ​വി ആ​രോ​പി​ക്കു​ന്നു. കൈ​യേ​റ്റ​ക്കാ​രെ ഒ​ഴി​പ്പി​ച്ച്​ പ്ര​ദേ​ശ​ത്ത്​ പു​തി​യ കാ​ർ​ഷി​ക പ​ദ്ധ​തി രൂ​പ​വ​ത്​​ക​രി​ക്കു​മെ​ന്ന്​ മു​ഖ്യ​മ​ന്ത്രി ഹി​മ​ന്ത ബി​ശ്വ ശ​ർ​മ പ്ര​ഖ്യാ​പി​ച്ചി​രു​ന്നു.