Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജെ.എൻ.യുവിൽ കോണ്ടം...

ജെ.എൻ.യുവിൽ കോണ്ടം കണ്ടെത്തിയവർക്ക്​ കാണാതായ വിദ്യാർഥിയെ കണ്ടെത്താനാവുന്നില്ല- കനയ്യ

text_fields
bookmark_border
ജെ.എൻ.യുവിൽ കോണ്ടം കണ്ടെത്തിയവർക്ക്​ കാണാതായ വിദ്യാർഥിയെ കണ്ടെത്താനാവുന്നില്ല- കനയ്യ
cancel

ന്യൂഡൽഹി: ജെ.എൻ.യു വിദ്യാർഥി നജീബ്​ അഹ്​മദിനെ കണ്ടെത്താൻ നടപടി സ്വീകരിക്കാത്ത കേന്ദ്രസർക്കാറിനെ പരിഹസിച്ച്​ കനയ്യ കുമാർ. ജെ.എൻ.യുവിൽ ഗർഭനിരോധന ഉറകളുടെ എണ്ണം കണ്ടെത്തിയ കേന്ദ്രസർക്കാറിന് ​ഒരു മാസത്തോളമായി കാണാതായ വിദ്യാർഥിയെ കണ്ടെത്താനാവുന്നില്ലെന്ന്​ കനയ്യ പറഞ്ഞു.

ത​​െൻറ പുസ്​തകമായ  ‘ബിഹാറിൽ നിന്ന്​ തിഹാറിലേക്ക്​’​െൻറ (ഫ്രം ബിഹാർ ടു തീഹാർ)​ പ്രകാശന ചടങ്ങിൽ സംസാരിക്കുകയായിരുന്നു ജെ.എൻ.യു വിദ്യാർഥി യൂനിയൻ മുൻ നേതാവായ കനയ്യ കുമാർ. രാജസ്ഥാനിലെ ബി.ജെ.പി എം.എൽ.എ ജ്ഞാൻദേവ്​ അഹുജ നടത്തിയ വിവാദ പ്രസ്​താവന ചൂണ്ടിക്കാട്ടിയായിരുന്നു കനയ്യ കുമാറി​​െൻറ പരിഹാസം.

ജെ.എൻ.യുവിൽ നിന്ന്​ ഒരു ദിവസം 3000 ബിയർ കുപ്പികളും 2000 മദ്യക്കുപ്പികളും 10,000 സിഗററ്റുകുറ്റികളും 4000 ബീഡികളും അരലക്ഷം 50,000  എല്ലിൻ കഷണങ്ങളും 2000 ചിപ്​സ്​ കവറുകളും 3000 ഉപയോഗിച്ച കോണ്ടങ്ങളും 500 ഗർഭ നിരോധ ഇഞ്ചക്ഷനുകളും കണ്ടെത്താൻ കഴിയുമെന്നായിരുന്നു അഹുജയുടെ പരാമർശം. വിദ്യാർഥികൾക്കെതിരെ രാജ്യദ്രോഹക്കുറ്റം ചുമത്തിയതിനെ തുടർന്ന്​ ജെ.എൻ.യു വിൽ ശക്​തമായ വിദ്യാർഥി പ്രക്ഷോഭം നടക്കുന്നതിനിടെയാണ്​ വിവാദ പ്രസ്​താവനയുമായി ബി.ജെ.പി നിയമസഭാംഗം രംഗത്തുവന്നത്​.

ഒക്​ടോബർ 14 മുതലാണ്​ ​ജെ.എൻ.യുവിയെ എം.എസ്​സി ബയോടെക്​നോളജി വിദ്യാർഥിയായ നജീബ്​ അഹ്​മദിനെ കാണാതായത്​. കാണാതാവുന്നതിന്​ മുമ്പ്​ നജീബിനെ എ.ബി.വി.പി പ്രവർത്തകർ മർദിച്ചിരുന്നതായും റിപ്പോർട്ടുണ്ട്​.

Show Full Article
TAGS:missing student JNU najeeb ahmed kanhaiya kumar 
News Summary - They Found 3000 Condoms In JNU, Not A Missing Student–kanhaiya kumar
Next Story