ബി.ജെ.പി നാടിന്​ ശാപം; നുണകളുടെ കുപ്പത്തൊട്ടിയെന്ന്​ മമത

കൊൽക്കത്ത: അടുത്തവർവഷം നടക്കുന്ന നിയമസഭ തെരഞ്ഞെടുപ്പിനുള്ള പ്രചാരണ പ്രവർത്തനങ്ങൾക്ക്​ തുടക്കമിട്ട്​ പശ്​ചിമബംഗാൾ മുഖ്യമന്ത്രി മമത ബാനർജി. ബാൻകുരയിൽ റാലി നടത്തിയാണ്​ മമത തെരഞ്ഞെടുപ്പ്​ പ്രവർത്തനങ്ങൾക്ക്​ തുടക്കമിട്ടത്​.

ഈ നാടി​െൻറ ശാപമാണ്​ ബി.ജെ.പി. അതൊരു രാഷ്​ട്രീയപാർട്ടിയല്ല. നുണകളുടെ കുപ്പതൊട്ടിയാണ്​. തെരഞ്ഞെടുപ്പ്​ വരു​േമ്പാഴെല്ലാം അവർ നാരദ ഒളികാമറ ഓപ്പറേഷനും ശാരദ ചിട്ടിഫണ്ട്​ തട്ടിപ്പും തൃണമൂലിനെതിരെ ഉയർത്തികൊണ്ട്​ വരുമെന്ന്​ മമത പറഞ്ഞു. ബി.ജെ.പി​യെയോ അവരുടെ അന്വേഷണ ഏജൻസികളെയോ ഞാൻ ഭയക്കില്ലെന്നത്​ വ്യക്​തമാണ്​. അവർ എന്നെ അറസ്​റ്റ്​ ചെയ്​താൽ ജയിലിലിരുന്ന്​ തെരഞ്ഞെടുപ്പ്​ ജയിക്കും. തൃണമൂൽ പ്രവർത്തകർക്കും എം.എൽ.എമാർക്കും ബി.ജെ.പി പണം വാഗ്​ദാനം ചെയ്യുകയാണെന്നും മമത ആരോപിച്ചു.

ബിഹാർ തെരഞ്ഞെടുപ്പിന്​ മുമ്പ്​ ലാലുപ്രസാദ്​ യാദവിനെ അവർ ജയിലിലാക്കി. എന്നാൽ, അദ്ദേഹം ജയിലിലായപ്പോഴും പാർട്ടി തെരഞ്ഞെടുപ്പിനെ നേരിടുകയും മികച്ച പ്രകടനം കാഴ്​ചവെക്കുകയും ചെയ്​തുവെന്നും മമത ഓർമിപ്പിച്ചു.