അവർ രാജ്യദ്രോഹികൾ; തീവ്രവാദിയെന്ന്​ വിളിച്ചവർക്ക്​ പ്രജ്ഞയുടെ മറുപടി

ഭോപ്പാൽ: തീവ്രവാദിയെന്ന്​ വിളിച്ചവർക്ക്​ മറുപടിയുമായി ബി.ജെ.പി എം.പി പ്രജ്ഞ സിങ്​ ഠാക്കൂർ. തന്നെ തീവ്രവാദിയെന്ന്​ വിളിച്ച ഭോപ്പാൽ യൂനിവേഴ്​സിറ്റിയിലെ വിദ്യാർഥികൾ രാജ്യദ്രോഹികളാണെന്ന്​ പ്രജ്ഞ പറഞ്ഞു.

മക്​ഹനാൽ ചതുർവേദി നാഷണൽ യൂനിവേഴ്​സിറ്റിയിൽ സന്ദർശനത്തിനെത്തിയപ്പോഴാണ്​ പ്രജ്ഞക്കെതിരെ തീവ്രാദി വിളി ഉയർന്നത്​. എൻ.എസ്​.യു.ഐയാണ്​ പ്രജ്ഞ ക്യാമ്പസിലെത്തിയപ്പോൾ തീവ്രവാദി തിരികെ പോകണമെന്ന്​ മുദ്രാവാക്യം മുഴക്കിയത്​.

അവർ എം.പിയെ തീവ്രവാദിയെന്ന്​ വിളിച്ചു ഇത്​ നിയമവിരുദ്ധവും അച്ചടക്കലംഘനവുമാണ്​. ഒരു വനിത എം.പിക്കെതിരെയാണ്​ മോശം പരാമർശം നടത്തിയിരിക്കുന്നത്​. അവർ രാജ്യദ്രോഹികളാണെന്നും ഇക്കാര്യത്തിൽ നിയമനടപടികൾ സ്വീകരിക്കുമെന്നും പ്രജ്ഞ പറഞ്ഞു.