ഏപ്രിൽ ഒന്ന്​ മുതൽ എല്ലാം പഴയത്​ ​പോലെയല്ല, ശ്രദ്ധിച്ചില്ലേൽ 'എട്ടിന്‍റെ' പണി കിട്ടുന്ന കാര്യങ്ങൾ ഇതൊക്കെയാണ്​

പു​തി​യ സാ​മ്പ​ത്തി​ക​വ​ർ​ഷം തു​ട​ങ്ങു​ന്ന 2021 ഏ​പ്രി​ൽ ഒ​ന്നു മു​ത​ൽ സാ​മ്പ​ത്തി​ക രം​ഗ​ത്ത്​ പ​ല​വി​ധ മാ​റ്റ​ങ്ങ​ൾ വ​രു​ന്നു. ചി​ല​ത്​ കേ​ന്ദ്ര ധ​ന​മ​ന്ത്രി​യു​ടെ ബ​ജ​റ്റ്​ പ്ര​ഖ്യാ​പ​ന​ങ്ങ​ളാ​ണെ​ങ്കി​ൽ മ​റ്റു​ ചി​ല​ത്​ സ​ർ​ക്കാ​ർ വി​വി​ധ സ​മ​യ​ത്തെ​ടു​ത്ത തീ​രു​മാ​ന​ങ്ങ​ളാ​ണ്.

പാ​ൻ-​ആ​ധാ​ർ ബ​ന്ധി​പ്പി​ക്ക​ൽ

•പാ​ൻ കാ​ർ​ഡും ആ​ധാ​ർ കാ​ർ​ഡും ബ​ന്ധി​പ്പി​ക്കാ​ൻ സ​ർ​ക്കാ​ർ പ​ല​വ​ട്ടം സ​മ​യം നീ​ട്ടി ന​ൽ​കി​യി​രു​ന്നു. വീ​ണ്ടും തീ​യ​തി നീ​ട്ടി​യി​ല്ലെ​ങ്കി​ൽ 2021 ഏ​പ്രി​ൽ ഒ​ന്നു മു​ത​ൽ നി​ല​വി​ലെ പാ​ൻ കാ​ർ​ഡ്​ ത​ൽ​ക്കാ​ലം റ​ദ്ദാ​കും. പാ​നും ആ​ധാ​റും ബ​ന്ധി​പ്പി​ക്കാ​ൻ ഇ​ന്നു​കൂ​ടി ബാ​ക്കി​യു​ണ്ട്. പാ​ൻ റ​ദ്ദാ​യാ​ൽ ആ​ദാ​യ​നി​കു​തി നി​യ​മ​ത്തി​ലെ 272 ബി ​വ​കു​പ്പ്​ പ്ര​കാ​രം പാ​ൻ സ​മ​ർ​പ്പി​ക്കേ​ണ്ടി​ട​ത്ത്​ അ​തി​ല്ലാ​ത്ത​തി​ന്​ 10,000 രൂ​പ​വ​രെ പി​ഴ​യീ​ടാ​ക്കി​യേ​ക്കാം. അ​തേ​സ​മ​യം, എ​പ്പോ​ഴാ​ണോ പാ​നും ആ​ധാ​റും ബ​ന്ധി​പ്പി​ക്കു​ന്ന​ത്​ അ​ന്നു മു​ത​ൽ പാ​ൻ കാ​ർ​ഡ്​ സാ​ധു​വാ​കു​ക​യും ചെ​യ്യും. ഓ​ഹ​രി വി​ൽ​പ​ന-​വാ​ങ്ങ​ൽ, ക്രെ​ഡി​റ്റ്​ കാ​ർ​ഡ്, ഡെ​ബി​റ്റ്​ കാ​ർ​ഡ്​ തു​ട​ങ്ങി​യ​വ​യ​ട​ക്കം 15ലേ​റെ സാ​മ്പ​ത്തി​ക ഇ​ട​പാ​ടു​ക​ൾ പാ​ൻ ഇ​ല്ലെ​ങ്കി​ൽ ത​ട​സ്സ​പ്പെ​ടും.

ഓ​​ട്ടോ ഡെ​ബി​റ്റ്​

•ആ​ർ.​ബി.​ഐ​യു​ടെ പു​തി​യ നി​യ​മം നി​ല​വി​ൽ​വ​രു​ന്ന​തി​നാ​ൽ ഒ.​ടി.​ടി, മ്യൂ​ച്വ​ൽ ഫ​ണ്ട്, എ​സ്.​ഐ.​പി തു​ട​ങ്ങി​യ​വ​ക്കാ​യു​ള്ള ഓ​​ട്ടോ ഡെ​ബി​റ്റ്​ (അ​ക്കൗ​ണ്ടി​ൽ​നി​ന്ന്​ സ്വ​യം പ​ണം പി​ൻ​വ​ലി​ക്ക​പ്പെ​ടു​ന്ന രീ​തി)​സം​വി​ധാ​നം ത​ട​സ്സ​പ്പെ​ടാ​ൻ സാ​ധ്യ​ത. യു.​പി.​ഐ, ബാ​ങ്ക്​ കാ​ർ​ഡു​ക​ൾ, വാ​ല​റ്റ്, നാ​ഷ​ന​ൽ പേ​​മെൻറ്​ കോ​ർ​പ​റേ​ഷ​ൻ എ​ന്നി​വ വ​ഴി​യു​ള്ള ഇ​ട​പാ​ടു​ക​ളും ത​ട​സ്സ​പ്പെ​​ട്ടേ​ക്കും. ആ​ർ.​ബി.​ഐ കൂ​ടു​ത​ൽ പ​രി​ശോ​ധ​ന ഏ​ർ​പ്പെ​ടു​ത്തു​ന്ന​തി​നാ​ലാ​ണ്​ ഇ​ത്. പു​തി​യ നി​യ​മ​പ്ര​കാ​രം പ​ണം ഓ​​ട്ടോ​മാ​റ്റി​ക്കാ​യി പി​ൻ​വ​ലി​ക്കു​ന്ന​തി​ന്​​ അ​ഞ്ചു​ ദി​വ​സം മു​മ്പ്​ ഉ​പ​ഭോ​ക്​​താ​വി​നെ അ​റി​യി​ക്ക​ണം. അ​ക്കൗ​ണ്ട്​ ഉ​ട​മ​യു​ടെ സ​മ്മ​ത​ത്തോ​ടെ മാ​ത്ര​മേ പ​ണം പി​ൻ​വ​ലി​ക്കാ​ൻ സാ​ധി​ക്കൂ.

ആ​ദാ​യ നി​കു​തി റി​​ട്ടേ​ൺ (​െഎ.​ടി.​ആ​ർ)

•2021ലെ ​ബ​ജ​റ്റ്​ പ്ര​ഖ്യാ​പ​ന പ്ര​കാ​രം അ​ടു​ത്ത സാ​മ്പ​ത്തി​ക വ​ർ​ഷം മു​ത​ൽ ആ​ദാ​യ നി​കു​തി റി​​ട്ടേ​ൺ(​ഐ.​ടി.​ആ​ർ)​ഫ​യ​ൽ ചെ​യ്യാ​ത്ത​വ​രി​ൽ​നി​ന്ന്​ ഉ​യ​ർ​ന്ന പി​ഴ ഈ​ടാ​ക്കും. ര​ണ്ടു​​വ​ർ​ഷം തു​ട​ർ​ച്ച​യാ​യി ന​ൽ​കാ​തി​രു​ന്നാ​ൽ പി​ഴ ഇ​ര​ട്ടി​യാ​കും.

•75 വ​യ​സ്സു​ ക​ഴി​ഞ്ഞ, പെ​ൻ​ഷ​നും പ​ലി​ശ വ​രു​മാ​ന​വും മാ​ത്ര​മു​ള്ള​വ​ർ അ​ടു​ത്ത സാ​മ്പ​ത്തി​ക വ​ർ​ഷം മു​ത​ൽ റി​​ട്ടേ​ൺ ഫ​യ​ൽ ചെ​യ്യേ​ണ്ട. മ​റ്റു വ​രു​മാ​ന​മു​ണ്ടെ​ങ്കി​ൽ ഐ.​ടി.​ആ​ർ നി​ർ​ബ​ന്ധം.

•ഐ.​ടി.​ആ​റി​ൽ തെ​റ്റു​ വ​ന്ന​വ​ർ​ക്ക്​ (2019-20) ഇ​ന്ന്​ വീ​ണ്ടും ന​ൽ​കാം. മാ​ർ​ച്ച്​ 31നു​ശേ​ഷ​മാ​ണ്​ ന​ൽ​കു​ന്ന​തെ​ങ്കി​ൽ 10,000 രൂ​പ പി​ഴ​യീ​ടാ​ക്കും. വാ​ർ​ഷി​ക വ​രു​മാ​നം അ​ഞ്ചു​ല​ക്ഷം രൂ​പ വ​രെ​യാ​ണെ​ങ്കി​ൽ 1000 രൂ​പ പി​ഴ ന​ൽ​കി​യാ​ൽ മ​തി.

നി​കു​തി​വല വ​ലു​താ​കും

•അ​ടു​ത്ത സാ​മ്പ​ത്തി​ക വ​ർ​ഷം ഐ.​ടി.​ആ​റി​ൽ കൂ​ടു​ത​ൽ വി​വ​ര​ങ്ങ​ൾ ന​ൽ​ക​ണം. ബാ​ങ്ക്, പോ​സ്​​റ്റ്​ ഓ​ഫി​സ്, ഓ​ഹ​രി നി​ക്ഷേ​പം, അ​തി​ൽ​നി​ന്നു​ള്ള മൂ​ല​ധ​ന നേ​ട്ടം എ​ന്നി​വ കാ​ണി​ക്കേ​ണ്ടി​വ​രും. നി​ല​വി​ൽ വ്യ​ക്​​തി​ഗ​ത വി​വ​ര​ങ്ങ​ളും ശ​മ്പ​ള​വും നി​കു​തി, ടി.​ഡി.​എ​സ്​ എ​ന്നി​വ​യു​മാ​ണ്​ പ്ര​ധാ​ന​മാ​യും ഉ​ൾ​പ്പെ​ടു​ത്തി​യി​രു​ന്ന​ത്.

വി​വാ​ദ്​ സെ ​വി​ശ്വാ​സ്​

•നി​കു​തി കു​ടി​ശ്ശി​ക തീ​ർ​പ്പാ​ക്കാ​നു​ള്ള​വ​ർ​ക്ക്​ ഈ ​പ​ദ്ധ​തി പ്ര​കാ​രം റി​​ട്ടേ​ൺ ന​ൽ​കേ​ണ്ട അ​വ​സാ​ന തീ​യ​തി ഇ​ന്ന്. നി​കു​തി തു​ക 2021 ഏ​പ്രി​ൽ 30ന​കം പ​ലി​ശ​യി​ല്ലാ​തെ അ​ട​ക്കു​ക​യും ചെ​യ്യാം.

പ്രോ​വി​ഡ​ൻ​റ്​ ഫ​ണ്ട്​

•വ​ർ​ഷം ര​ണ്ട​ര ല​ക്ഷ​ത്തി​ന്​ മു​ക​ളി​ലു​ള്ള പ്രോ​വി​ഡ​ൻ​റ്​ ഫ​ണ്ട്​ നി​ക്ഷേ​പ​ത്തി​ന്​ അ​ടു​ത്ത സാ​മ്പ​ത്തി​ക വ​ർ​ഷം മു​ത​ൽ നി​കു​തി ഇൗ​ടാ​ക്കും. 20 ല​ക്ഷ​ത്തി​നു​ മു​ക​ളി​ൽ വാ​ർ​ഷി​ക ശ​മ്പ​ള​മു​ള്ള​വ​ർ​ക്കാ​ണ്​ ഇ​ത്​ ബാ​ധ​ക​മാ​വു​ക.

എ​ൽ.​ടി.​സി

•നി​കു​തി​യി​ള​വ്​ ല​ഭി​ക്കാ​ൻ സ​ർ​ക്കാ​ർ ജീ​വ​ന​ക്കാ​ർ ലീ​വ്​ ട്രാ​വ​ൽ ക​ൺ​സ​ഷ​ൻ കാ​ഷ്​ വൗ​ച്ച​റു​ക​ൾ സ​മ​ർ​പ്പി​ക്കേ​ണ്ട അ​വ​സാ​ന തീ​യ​തി ഇ​ന്ന്. വൗ​ച്ച​റി​ൽ ജി.​എ​സ്.​ടി ന​മ്പ​ർ നി​ർ​ബ​ന്ധം.

ശ​മ്പ​ളം ഏ​കീ​ക​ര​ണം

•ന​ട​പ്പു സാ​മ്പ​ത്തി​ക വ​ർ​ഷം ര​ണ്ട്​ തൊ​ഴി​ലു​ട​മ​യു​ടെ കീ​ഴി​ൽ ജോ​ലി ചെ​യ്​​ത​വ​ർ നി​കു​തി ന​ട​പ​ടി​ക​ളു​ടെ ഭാ​ഗ​മാ​യി ആ​ദ്യ ശ​മ്പ​ള വി​വ​രം ഇ​പ്പോ​ഴ​ത്തെ തൊ​ഴി​ലു​ട​മ​ക്ക്​ കൈ​മാ​റ​ണം. ഇ​ന്നാ​ണ്​ അ​വ​സാ​ന തീ​യ​തി.

ഏഴ്​ ബാങ്കുകളുടെ പാസ്​ബുക്ക്​,​ചെക്ക്​ ബുക്ക്​ മാറും

ദേ​ന ബാ​ങ്ക്, വി​ജ​യ ബാ​ങ്ക്, കോ​ർ​പ​റേ​ഷ​ൻ ബാ​ങ്ക്, ആ​ന്ധ്ര ബാ​ങ്ക്, ഓ​റി​യ​ൻ​റ​ൽ ബാ​ങ്ക്​ ഓ​ഫ്​ കൊ​മേ​ഴ്​​സ്, യു​നൈ​റ്റ​ഡ്​ ബാ​ങ്ക്, അ​ല​ഹ​ബാ​ദ്​ ബാ​ങ്ക്​ എ​ന്നീ ബാ​ങ്കു​ക​ളു​ടെ പാ​സ്​​ബു​ക്കും ചെ​ക്ക്​ ബു​ക്കും ഏ​പ്രി​ൽ ഒ​ന്നു മു​ത​ൽ അ​സാ​ധു​വാ​കും. ഈ ​ബാ​ങ്കു​ക​ളു​ടെ മ​റ്റ്​ ബാ​ങ്കു​ക​ളു​മാ​യു​ള്ള ല​യ​നം പ്രാ​ബ​ല്യ​ത്തി​ൽ വ​രു​ന്ന​തി​നാ​ലാ​ണി​ത്.

ഓ​റി​യ​ൻ​റ​ൽ ബാ​ങ്കും യു​നൈ​റ്റ​ഡ്​ ബാ​ങ്കും പ​ഞ്ചാ​ബ്​ നാ​ഷ​ന​ൽ ബാ​ങ്കി​ലും സി​ൻ​ഡി​ക്കേ​റ്റ്​ ബാ​ങ്ക്​ കാ​ന​റ ബാ​ങ്കി​ലും ആ​ന്ധ്ര ബാ​ങ്കും കോ​ർ​പ​റേ​ഷ​ൻ ബാ​ങ്കും യൂ​നി​യ​ൻ ബാ​ങ്കി​ലും അ​ല​ഹ​ബാ​ദ്​ ബാ​ങ്ക്​ ഇ​ന്ത്യ​ൻ ബാ​ങ്കി​ലു​മാ​ണ്​ ല​യി​ക്കു​ന്ന​ത്.

ല​യി​ക്കു​ന്ന ബാ​ങ്കു​ക​ളി​ലെ ഉ​പ​ഭോ​ക്താ​ക്ക​ളു​ടെ അ​ക്കൗ​ണ്ട്​ ന​മ്പ​ർ, ഐ.​എ​ഫ്.​എ​സ്.​സി, എം.​ഐ.​സി.​ആ​ർ, ശാ​ഖ വി​ലാ​സം എ​ന്നി​വ​യും മാ​റും. ഇ​തി​ൽ സി​ൻ​ഡി​ക്കേ​റ്റ്​ ബാ​ങ്ക്, കാ​ന​റ ബാ​ങ്ക്​ എ​ന്നി​വ​യു​ടെ ചെ​ക്ക്​​​ബു​ക്കി​നും പാ​സ്​​ബു​ക്കി​നും 2021 ജൂ​ൺ 30വ​രെ സാ​ധു​ത​യു​ണ്ടാ​കും.