കമീഷന് തിരിച്ചടി; വിദൂര വോട്ടുയന്ത്ര പ്രദർശനം നടന്നില്ല

ന്യൂ​ഡ​ൽ​ഹി: പ്ര​തി​പ​ക്ഷ പാ​ർ​ട്ടി​ക​ളു​ടെ ശ​ക്ത​മാ​യ എ​തി​ർ​പ്പി​നെ തു​ട​ർ​ന്ന് കു​ടി​യേ​റ്റ വോ​ട്ട​ർ​മാ​ർ​ക്കാ​യി വി​ക​സി​പ്പി​ച്ച വി​ദൂ​ര വോ​ട്ടു​യ​ന്ത്ര​ത്തി​ന്റെ പ്ര​ദ​ർ​ശ​നം കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​ൻ മാ​റ്റി​വെ​ച്ചു. ക​മീ​ഷ​ന് മു​മ്പി​ൽ പ​ദ്ധ​തി​യോ​ടു​ള​ള എ​തി​ർ​പ്പ് പ്ര​ക​ടി​പ്പി​ച്ച പ്ര​തി​പ​ക്ഷ പാ​ർ​ട്ടി​ക​ൾ പ​ദ്ധ​തി​ത​ന്നെ വേ​ണോ എ​ന്ന് തീ​ർ​പ്പാ​ക്കാ​തെ വി​ദൂ​ര വോ​ട്ടു​യ​ന്ത്രം ത​ങ്ങ​ൾ​ക്ക് കാ​ണേ​ണ്ട​തി​ല്ലെ​ന്ന ക​ടു​ത്ത നി​ല​പാ​ട് എ​ടു​ക്കു​ക​യാ​യി​രു​ന്നു. ഇ​തേ തു​ട​ർ​ന്ന് പ്ര​ദ​ർ​ശ​ന​ത്തി​നാ​യി ന്യൂ​ഡ​ൽ​ഹി കോ​ൺ​സ്റ്റി​റ്റ്യൂ​ഷ​ൻ ക്ല​ബി​ൽ കൊ​ണ്ടു​വ​ന്ന യ​ന്ത്ര​ങ്ങ​ൾ ക​മീ​ഷ​ൻ തി​രി​കെ കൊ​ണ്ടു​പോ​യി. രാ​ഷ്ട്രീ​യ പാ​ർ​ട്ടി​ക​ൾ​ക്ക് നി​ല​പാ​ട് അ​റി​യി​ക്കാ​നു​ള്ള സ​മ​യം ജ​നു​വ​രി 31ൽ​നി​ന്ന് ഫെ​ബ്രു​വ​രി 28ലേ​ക്ക് നീ​ട്ടു​ക​യും ചെ​യ്തു.

ദേ​ശീ​യ പ​ദ​വി​യു​ള്ള എ​ട്ട് പാ​ർ​ട്ടി​ക​ളും സം​സ്ഥാ​ന പ​ദ​വി​യു​ള്ള 43 പാ​ർ​ട്ടി​ക​ളു​മാ​ണ് ക​മീ​ഷ​ന്റെ ക്ഷ​ണം സ്വീ​ക​രി​ച്ച് എ​ത്തി​യ​ത്. മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​ർ രാ​ജീ​വ് കു​മാ​റി​ന്റെ ആ​മു​ഖ സം​സാ​ര​ത്തി​ന് ശേ​ഷം വി​ദൂ​ര വോ​ട്ടു​യ​ന്ത്രം പ്ര​ദ​ർ​ശി​പ്പി​ക്കു​മെ​ന്നാ​ണ് ക​മീ​ഷ​ൻ പാ​ർ​ട്ടി നേ​താ​ക്ക​ളെ അ​റി​യി​ച്ച​ത്. ഉ​ച്ച​ക്ക് ഒ​രു മ​ണി​യോ​ടെ ന​ട​പ​ടി​ക​ൾ പൂ​ർ​ത്തി​യാ​ക്കി മ​ട​ങ്ങാ​മെ​ന്നും ക​മീ​ഷ​ൻ വ്യ​ക്ത​മാ​ക്കി.

എ​ന്നാ​ൽ, പാ​ർ​ട്ടി​ക​ളു​മാ​യി ആ​ദ്യം ച​ർ​ച്ച ന​ട​ത്തി​യ ശേ​ഷം മ​തി പ്ര​ദ​ർ​ശ​ന​മെ​ന്ന് പ്ര​തി​പ​ക്ഷ ക​ക്ഷി​ക​ൾ ആ​വ​ശ്യ​പ്പെ​ട്ടു. ഇ​തേ തു​ട​ർ​ന്ന് എ​ല്ലാ​വ​രോ​ടും ഒ​രു​മി​ച്ചി​രു​ന്ന് ച​ർ​ച്ച ചെ​യ്യാ​മെ​ന്ന് ക​മീ​ഷ​ൻ അ​റി​യി​ച്ച​പ്പോ​ൾ പ്ര​തി​പ​ക്ഷ ക​ക്ഷി​ക​ൾ അ​തി​നും സ​ന്ന​ദ്ധ​മാ​യി​ല്ല. ഓ​രോ പാ​ർ​ട്ടി​യെ​യും ഒ​റ്റ​ക്കൊ​റ്റ​ക്ക് കേ​ൾ​ക്ക​ണ​മെ​ന്ന് അ​വ​ർ ഉ​പാ​ധി​വെ​ച്ചു. തു​ട​ർ​ന്ന് ആ​ദ്യം എ​ട്ടു ദേ​ശീ​യ പാ​ർ​ട്ടി​ക​ളെ​യും പി​ന്നീ​ട് 43 സം​സ്ഥാ​ന പാ​ർ​ട്ടി​ക​ളെ​യും നി​ല​പാ​ട് ച​ർ​ച്ച​ക്കാ​യി വി​ളി​ച്ചു. പ്ര​തി​പ​ക്ഷ​ത്തെ ഓ​രോ പാ​ർ​ട്ടി​യും ച​ർ​ച്ച ക​ഴി​ഞ്ഞ് വി​ദൂ​ര വോ​ട്ടു​യ​ന്ത്രം ത​ങ്ങ​ൾ​ക്ക് കാ​ണേ​ണ്ടെ​ന്ന് പ​റ​ഞ്ഞ് ഇ​റ​ങ്ങി​​പ്പോ​ന്നു. കോ​ൺ​ഗ്ര​സ് നേ​താ​വ് ദി​ഗ്‍വി​ജ​യ് സി​ങ്ങാ​ണ് ആ​ദ്യ​മി​റ​ങ്ങി​പ്പോ​ന്ന​ത്. ആ​ഭ്യ​ന്ത​ര കു​ടി​യേ​റ്റ​ക്കാ​രു​ടെ സ്ഥി​തി​വി​വ​ര ക​ണ​ക്കോ, സ​ർ​വേ​യോ ഇ​ല്ലാ​തെ വി​ദൂ​ര വോ​ട്ടു​യ​ന്ത്രം പ്ര​ദ​ർ​ശി​പ്പി​ക്ക​ണ്ട എ​ന്ന നി​ല​പാ​ട് പ്ര​തി​പ​ക്ഷ പാ​ർ​ട്ടി​ക​ൾ കൈ​ക്കൊ​ണ്ട​തെ​ന്ന് കോ​ൺ​ഗ്ര​സ് നേ​താ​വ് ദി​ഗ്‍വി​ജ​യ് സി​ങ് മാ​ധ്യ​മ​ങ്ങ​ളോ​ട് പ​റ​ഞ്ഞു. അ​തി​ന് പി​ന്നാ​ലെ കേ​ര​ള കോ​ൺ​ഗ്ര​സ് നേ​താ​വ് തോ​മ​സ് ചാ​ഴി​കാ​ട​നും ഫോ​ർ​​വേ​ഡ് ബ്ലോ​ക്ക് നേ​താ​വ് ദേ​വ​രാ​ജ​നും അ​ട​ക്ക​മു​ള്ള​വ​ർ ഇ​റ​ങ്ങി​പ്പോ​ന്നു.

വൈ​കു​ന്നേ​രം വ​രെ നീ​ണ്ട പാ​ർ​ട്ടി​ക​ളു​​മാ​യു​ള്ള ച​ർ​ച്ച​ക്ക് ശേ​ഷം പ്ര​ദ​ർ​ശ​നം ത​ൽ​ക്കാ​ലം വേ​ണ്ടെ​ന്നു​വെ​ച്ച ക​മീ​ഷ​ൻ ച​ർ​ച്ച തു​ട​രാ​നും അ​ഭി​പ്രാ​യം അ​റി​യി​ക്കാ​നു​ള്ള സ​മ​യം നീ​ട്ടാ​നും തീ​രു​മാ​നി​ക്കു​ക​യാ​യി​രു​ന്നു.