ഒരു തരത്തിലുള്ള മുസ്‍ലിം സംവരണവും പാടില്ല -അമിത് ഷാ

ജ​ൽ​ഗാ​വ് (മ​ഹാ​രാ​ഷ്ട്ര): തെ​ര​ഞ്ഞെ​ടു​പ്പ് ദി​നം അ​ടു​ക്കാ​റാ​യ​തോ​ടെ മു​സ്‍ലിം വി​രു​ദ്ധ പ്ര​സ്താ​വ​ന​ക​ൾ ക​ടു​പ്പി​ച്ച് കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ. ​എ​ല്ലാ സ​മു​ദാ​യ​ങ്ങ​ളു​ടെ​യും ക്ഷേ​മ​ത്തി​ന് ബി.​ജെ.​പി പ്ര​തി​ജ്ഞ​ബ​ദ്ധ​മാ​ണെ​ങ്കി​ലും മു​സ്‍ലിം​ക​ൾ​ക്കു​ള്ള ഏ​ത് ത​ര​ത്തി​ലു​ള്ള സം​വ​ര​ണ​ത്തി​നു​മെ​തി​രാ​ണെ​ന്ന് അ​മി​ത് ഷാ ​ആ​വ​ർ​ത്തി​ച്ചു. ബി.​ജെ.​പി​ക്ക് ഒ​രു എം.​പി​യോ എം.​എ​ൽ.​എ​യോ മാ​ത്ര​മേ ഉ​ള്ളൂ​വെ​ങ്കി​ലും മ​ത​പ​ര​മാ​യ സം​വ​ര​ണ​ത്തെ എ​തി​ർ​ക്കും. അ​താ​ണ് പാ​ർ​ട്ടി​യു​ടെ പ്ര​തി​ബ​ദ്ധ​ത​യെ​ന്നും മ​ഹാ​രാ​ഷ്ട്ര​യി​ൽ വി​വി​ധ തെ​ര​ഞ്ഞെ​ടു​പ്പ് റാ​ലി​ക​ളി​ൽ ബി.​ജെ.​പി നേ​താ​വ് വ്യ​ക്ത​മാ​ക്കി.

മു​സ്‍ലിം സ​മു​ദാ​യ​ത്തി​ന് ജോ​ലി​യി​ലും വി​ദ്യാ​ഭ്യാ​സ​ത്തി​ലും 10 ശ​ത​മാ​നം സം​വ​ര​ണ​മാ​വ​ശ്യ​പ്പെ​ട്ട് ഉ​ല​മ അ​സോ​സി​യേ​ഷ​ൻ കോ​ൺ​ഗ്ര​സി​ന് സ​മ​ർ​പ്പി​ച്ച നി​വേ​ദ​നം അ​മി​ത് ഷാ ​എ​ടു​ത്തു​പ​റ​ഞ്ഞു. മു​സ്‍ലിം സ​മു​ദാ​യ​ത്തി​ന് 10 ശ​ത​മാ​നം സം​വ​ര​ണം ന​ൽ​കി​യാ​ൽ ദ​ലി​തു​ക​ളു​ടെ​യും ആ​ദി​വാ​സി​ക​ളു​ടെ​യും മ​റ്റ് പി​ന്നാ​ക്ക വി​ഭാ​ഗ​ങ്ങ​ളു​ടെ​യും ആ​നു​കൂ​ല്യ​ങ്ങ​ൾ കു​റ​യും. സം​വ​ര​ണ പ​രി​ധി 50 ശ​ത​മാ​ന​മാ​ണെ​ന്നും അ​ത് വ​ർ​ധി​പ്പി​ക്കു​മ്പോ​ൾ നി​ല​വി​ലു​ള്ള​വ​യു​ടെ വി​ഭാ​ഗ​ങ്ങ​ളെ ബാ​ധി​ക്കു​മെ​ന്നും അ​മി​ത് ഷാ ​അ​ഭി​പ്രാ​യ​പ്പെ​ട്ടു.

മ​ഹാ വി​കാ​സ് അ​ഘാ​ഡി പാ​ർ​ട്ടി​ക​ൾ പ്രീ​ണ​ന രാ​ഷ്ട്രീ​യം കാ​ര​ണം രാ​ജ്യ സു​ര​ക്ഷ​യി​ൽ വി​ട്ടു​വീ​ഴ്ച ചെ​യ്തെ​ന്നും വോ​ട്ടി​നു​വേ​ണ്ടി ദേ​ശീ​യ സു​ര​ക്ഷ​ക്ക് തു​ര​ങ്കം വെ​ക്കു​ക​യാ​ണെ​ന്നും അ​മി​ത് ഷാ ​ആ​രോ​പി​ച്ചു. മ​ഹാ​രാ​ഷ്ട്ര​യു​ടെ സാ​മൂ​ഹി​ക ഘ​ട​ന​യെ ത​ള​ർ​ത്തി മ​ഹാ വി​കാ​സ് അ​ഘാ​ഡി പ്രീ​ണ​ന രാ​ഷ്ട്രീ​യം ക​ളി​ക്കു​ക​യാ​ണെ​ന്നും അ​മി​ത് ഷാ ​പ​റ​ഞ്ഞു.